Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້1032
mod_vvisit_counterຜູ້ເຂົ້າຊົມ ມື້ວານ1671
mod_vvisit_counterຜູ້ເຂົ້າຊົມ ອາທິດນີ້3726
mod_vvisit_counterຜູ້ເຂົ້າຊົມ ອາທິດ ຜ່ານມາ6353
mod_vvisit_counterຜູ້ເຂົ້າຊົມ ເດືອນນີ້22622
mod_vvisit_counterຜູ້ເຂົ້າຊົມ ເດືອນຜ່ານມາ19872
mod_vvisit_counterລວມທັງຫມົດ42494

Online (20 minutes ago): 27
Your IP: 54.166.199.178
,
Today: ຕ. ລ. 24, 2017
ກົມກວດກາ ກຊສ ໄດ້ຮັບຄຳຮ້ອງບັນຫາທີ່ດິນ 48 ເລື່ອງ PDF ພິມ ອີເມລ
ຂຽນໂດຍ ພະແນກ ຂ່າວສານ ແລະ ອິນເຕີເນັດ   
ວັນສຸກທີ່ 22 ກັນຍາ 2017 ເວລາ 14: 33

alt

ໃນສົກປີ 2015 - 2016 ຜ່ານມານີ້ ກົມກວດກາ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ໄດ້ຮັບຄຳຮ້ອງ, ຄຳສະ ເໜີເລື່ອງບັນຫາທີ່ດິນ ຈາກ ປະຊາຊົນ ທັງໝົດ 48 ເລື່ອງ; ຄົ້ນຄວ້າ ແກ້ໄຂ ສຳເລັດ 24 ເລື່ອງ; ຕິດຕາມ ຊຸກຍູ້ ໃຫ້ພາກສ່ວນ ກ່ຽວຂ້ອງ ແກ້ໄຂ 5 ເລື່ອງ; ກຳລັງຄົ້ນຄວ້າ ປັດຈຸບັນ 19 ເລື່ອງ, ສ່ວນໃຫຍ່ ແມ່ນກ່ຽວພັນກັບ ການທວງ ກຳມະສິດ ທີ່ດິນຄືນຈາກລັດ, ບໍ່ພໍໃຈຕໍ່ ຄ່າຊົດເຊີຍ ແລະ ສະເໜີ ໃຫ້ກວດກາ ການປະຕິບັດ ໜ້າທີ່ ຂອງ ພະນັກງານ. ທ່ານ ຄຳພາ ພົມມະໄກສອນ ຫົວໜ້າກົມກວດກາ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ເປີດເຜີຍ ເມື່ອວັນທີ 20 ກັນຍາ ຜ່ານມານີ້ ວ່າ: ສຳລັບ ແນວທາງ ການແກ້ໄຂນັ້ນ, ພາຍຫຼັງ ທີ່ໄດ້ ຮັບຄຳຮ້ອງເຂົ້າມາ, ພວກເຮົາ ຈະສັງລວມ ບັນດາຂໍ້ມູນ ທີ່ມີໃນສຳນວນ ເອກະສານ ຫາກເຫັນວ່າຂໍ້ມູນ ຍັງມີບັນຫາ ໃດບໍ່ທັນຄົບຖ້ວນ ຊັດເຈນ ກໍຈະໄດ້ເຊີນຄູ່ກໍລະນີ ທັງສອງຝ່າຍ ຫຼື ບຸກຄົນທີ່ກ່ຽວພັນ ກັບບັນຫາດັ່ງກ່າວ ມາໃຫ້ຂໍ້ມູນເພີ່ມເຕີມ, ລົງເກັບກຳຂໍ້ມູນຢູ່ສະຖານທີ່ຕົວຈິງ, ເຊີນພາກສ່ວນທີ່ກ່ຽວຂ້ອງມາປຶກສາຫາລືກ່ຽວກັບວິທີການແກ້ໄຂ, ພາຍຫຼັງໄດ້ຂໍ້ມູນ ຄົບຖ້ວນ ຊັດເຈນແລ້ວ ພະແນກຄົ້ນຄວ້າຄຳຮ້ອງ ແລະ ຄຳສະເໜີ ກໍຈະເຮັດບົດລາຍງານຫາຫົວໜ້າກົມກວດກາຂໍທິດຊີ້ນຳ ແລ້ວໄຂກອງປະຊຸມວິຊາການພາຍໃນກົມ ເພື່ອຄວາມເປັນ ເອກະພາບດ້ານວິຊາການ, ຈາກນັ້ນ ກໍຈະເຮັດບົດລາຍງານໃນນາມກົມກວດກາຫາລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ເພື່ອຂໍທິດຊີ້ນຳ ໃນການຈັດຕັ້ງປະຕິບັດ, ກໍລະນີເຫັນວ່າຄຳຮ້ອງໃດທີ່ກ່ຽວພັນ ຫຼື ບໍ່ແມ່ນພາລະບົດບາດ ຂອງ ກຊສ ທີ່ ຈະຄົ້ນຄວ້າ ແກ້ໄຂ ກໍຈະເຮັດ ສະໂນດນຳສົ່ງ ໃຫ້ພາກສ່ວນກ່ຽວຂ້ອງ ເປັນຜູ້ພິຈາລະນາ.

ທ່ານກ່າວອີກວ່າ: ວຽກງານກວດກາລັດ ແລະ ຕ້ານການສໍ້ລາດບັງຫຼວງ ທາງກົມກວດກາໄດ້ເຮັດໜ້າທີ່ເປັນເສນາທິການໃຫ້ການນຳ ກຊສ ໄດ້ເອົາໃຈໃສ່ຕິດຕາມ, ກວດກາປົກກະຕິເພື່ອໃຫ້ບັນຫາຫຼຸຸດໜ້ອຍຖອຍລົງ ໂດຍການ ຕິດຕາມ, ກວດກາ ແລະ ຊຸກຍູ້ການຈັດຕັ້ງ ປະຕິບັດພາລະບົດບາດ ແລະ ຜົນການ ເຄື່ອນໄຫວວຽກປະຈຳປີຂອງຫ້ອງການ, ບັນດາກົມກອງພາຍໃນ ກຊສ ແລະ ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ (ພຊສ) ຂັ້ນທ້ອງຖິ່ນ ແລະ ຕິດຕາມ, ກວດກາຕາມຄຳສັ່ງ ເມື່ອພົບເຫັນບັນຫາທີ່ພົ້ນເດັ່ນ ແລະ ລະເມີດລະບຽບກົດໝາຍ ເພື່ອໃຫ້ທັນກັບສະພາບການ ແລະ ທັນກັບເວລາຕາມພາລະບົດບາດຂອງກົມກວດກາ, ລະບຽບກົດໝາຍ ຂອງລັດ.

ຫົວໜ້າກົມກວດກາກ່າວອີກວ່າ: ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ມີຕູ້ຮັບຄຳຮ້ອງ, ຄຳສະເໜີ ຊຶ່ງປະຈຳຢູ່ 04 ຈຸດ ຄື:

  1. ຈຸດທີ 01 ຕັ້ງຢູ່ໜ້າ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ບ້ານດົງນາໂຊກ ເມືອງ ສີໂຄດຕະບອງ ນະຄອນຫຼວງວຽງຈັນ;
  2. ຈຸດທີ 02 ຕັ້ງຢູ່ເຂດຕະຫຼາດວັງທອງ ບ້ານທົ່ງຂັນຄຳ ເມືອງຈັນທະບູລີ ນະຄອນຫຼວງວຽງຈັນ;
  3. ຈຸດທີ 03 ຕັ້ງຢູ່ຕໍ່ໜ້າ ກົມ ອຸຕຸນິຍົມ ແລະ ອຸທົກກະສາດ ບ້ານອາກາດ ເມືອງສີໂຄດຕະບອງ ນະຄອນຫຼວງວຽງຈັນ ແລະ
  4. ຈຸດທີ 04 ຕັ້ງ ຢູ່ຕຶກບໍລິເວນຫ້ອງວ່າການ ສຳນັກງານນາຍົກລັດຖະມົນຕີ. 

ນອກຈາກນີ້ ຍັງມີໂທລະສັບສາຍດ່ວນ (ເບີ1514) ເພື່ອອຳນວຍ ຄວາມສະ ດວກ ໃຫ້ແກ່ປະຊາຊົນລາວ ບັນດາເຜົ່າທີ່ມີບັນຫາທີ່ພົວພັນ ເຖິງວຽກງານຂອງ ຂະແໜງ ຊັບພະຍາກອນທຳມະຊາດ ແລະ ສິ່ງແວດລ້ອມ ເປີດໃຫ້ໂທເຂົ້າແຕ່ວັນຈັນ - ວັນສຸກ ໂດຍໄດ້ແຕ່ງຕັ້ງ ພະນັກງານຂອງກົມ ຮັບຜິດຊອບໂທລະສັບ ໃນໂມງລັດຖະການ, ໂດຍ ບໍ່ໄດ້ມີການ ຕອບສົນທະນາ (ແນະນຳ) ພຽງແຕ່ຮັບຂໍ້ມູນແລ້ວ ບັນທຶກ ເພື່ອລາຍງານ.

ສຳລັບວຽກງານກວດກາພັກ ໄດ້ມີການກວດກາການຈັດຕັ້ງ ຜັນຂະຫຍາຍ ແລະ ຈັດຕັ້ງປະຕິບັດແນວທາງນະໂຍບາຍ, ມະຕິ, ຄຳສັ່ງ, ກົດລະບຽບຂອງພັກ, ບົດແນະນຳ ຂອງສູນກາງພັກ, ຂອງຄະນະ ພັກກະຊວງວາງອອກແຕ່ລະໄລຍະ ໄດ້ຕິດຕາມການສ້າງ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ອ້ອມຂ້າງ ກຊສ; ໄດ້ມີການ ຄົ້ນຄວ້າຄຳສະເໜີ, ຄຳຮ້ອງທຸກ, ບັດສົນເທ ທີ່ພົວພັນກ່ຽວກັບການ ຈັດຕັ້ງພັກ-ສະມາຊິກພັກ ພ້ອມທັງສະເໜີ ວິທີການ, ມາດຕະການ ແກ້ໄຂ ເພື່ອສະເໜີຕໍ່ຄະນະພັກ ກຊສ ພິຈາລະນາ; ໄດ້ມີການຄົ້ນຄວ້າ ກວດກາປະຫວັດຂອງມະຫາຊົນກ້າວໜ້າທີ່ຈະເຂົ້າເປັນສະມາຊິກ ພັກປະຊາຊົນ ປະຕິວັດລາວ ແລະ ກວດກາປະຫວັດລັດຖະກອນທີ່ຈະຮັບເຂົ້າເປັນລັດຖະກອນໃໝ່.

alt alt

alt

LAST_UPDATED2