Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້78
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້761
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16923
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67519

Online (20 minutes ago): 8
Your IP: 54.162.250.227
,
Today: ພ. ຈ. 19, 2017
ກອງປະຊຸມສະຫຼຸບໂຄງການທີ່ດິນ ແລະ ປ່າໄມ້ທີ່ດີ PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນສຸກທີ່ 16 ທັນວາ 2016 ເວລາ 10: 21

alt

ກົມ ຈັດສັນ ແລະ ພັດທະນາທີ່ດິນ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ຮ່ວມກັບອົງການແຄຣ, ນາໆຊາດປະຈຳລາວ ໄດ້ຈັດຕັ້ງປະຕິບັດໂຄງການໃນຫົວຂໍ້ “ຄຸ້ມຄອງທີ່ດິນ ແລະ ປ່າໄມ້ທີ່ດີ” (GOFOGO) ເລີ່ມຕັ້ງແຕ່ຕົ້ນເດືອນ ມັງກອນ ຫາ ເດືອນ ທັນວາ 2016 ໂດຍໄດ້ຮັບທືນສະໜັບສະໜູນຈາກ ສະຫະພາບເອີຣົບ( EU ).

alt

ພາຍຫຼັງຈັດຕັ້ງປະຕິບັດມາເປັນເວລາ 1 ປີ ຕາມຄາດໝາຍຂອງໂຄງການ ແລະ ໄດ້ຕີລາຄາຄືນຜົນຂອງການຈັດຕັ້ງປະຕິບັດ ໂຄງການດັ່ງກ່າວ ສະນັ້ນ,ຈຶ່ງໄດ້ຈັດໃຫ້ມີກອງປະຊຸມສະຫຼຸບໂຄງການທີ່ດິນ ແລະ ປ່າໄມ້ທີ່ດີ ຂື້ນໃນວັນທີ 15 ທັນວາ 2016  ຢູ່ທີ່ໂຮງແຮມ ເມີຄິວ, ນະຄອນຫຼວງວຽງຈັນ ໂດຍການເປັນປະທານຂອງທ່ານ ຫວິນ ແພງດວງ ຮອງຫົວໜ້າກົມ ຈັດສັນ ແລະ ພັດທະນາທີ່ດິນ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ. ເຂົ້າຮ່ວມກອງປະຊຸມຄັ້ງນີ້ ມີທ່ານ ໂຣບິນ ອັອດເດີບິກ ຜູ້ປະສານງານຝ່າຍພັດທະນາແມ່ຍິງຊົນເຜົ່າ ຢູ່ເຂດຫ່າງໄກສອກຫຼິກຂອງໂຄງການ ແຄຣ ນອກນັ້ນ ຍັງມີຜູ້ຕາງໜ້າຈາກມະຫາວິທະຍາໄລແຫ່ງຊາດ,ຜູ້ຕາງໜ້າຈາກບັນດາກະຊວງ,ຈາກສູນກາງ ແລະ ທ້ອງຖິ່ນເຂົ້າຮ່ວມຢ່າງພ້ອມພຽງ.

ຈຸດປະສົງຂອງໂຄງການຄຸ້ມຄອງທີ່ດິນ ແລະ ປ່າໄມ້ທີ່ດິ ແມ່ນມີເປົ້າໝາຍ ເພື່ອສະໜັບສະໜູນ ກົມຈັດສັນ ແລະ ພັດທະນາທີ່ດິນ ໃຫ້ມີການສ້າງກົນໄກໃນການຄຸ້ມຄອງທີ່ດິນ ແລະ ປ່າໄມ້ທີ່ດີ ໃນ ສປປ ລາວ ໂດຍອິງໃສ່ວິທີການຈັດຕັ້ງປະຕິບັດຜ່ານການມີສ່ວນຮ່ວມຈາກປະຊາຊົນເປັນຫຼັກ, ໂດຍສະເພາະບັນດາຜູ້ທີ່ໄດ້ຮັບຜົນປະໂຫຍດຈາກໂຄງການ ຈະມີສ່ວນຮ່ວມເຂົ້າໃນທຸກກິດຈະກຳຂອງໂຄງການ ແລະ ເຂົ້າຮ່ວມໃນຂະບວນການ ຕັດສິນໃຈ ແລະ ປຶກສາຫາລື ໃນການຈັດຕັ້ງປະຕິບັດກິດຈະກຳຂອງໂຄງການ.

ກອງປະຊຸມໄດ້ສະເໜີກ່ຽວກັບສະພາບລວມ ໃນການຈັດຕັ້ງປະຕິບັດໂຄງການ ຄຸ້ມຄອງທີ່ດິນ ແລະ ປ່າໄມ້ທີ່ດິນ, ສະເໜີກ່ຽວກັບ ກໍລະນີສຶກສາດ້ານຕ່າງໆເຊັ່ນ: ຂໍ້ມູນແຫ່ງຊາດໃນການຄຸ້ມຄອງຊັບພະຍາກອນທຳມະຊາດ, ຖອດຖອນບົດຮຽນຈາກສູນກົດໝາຍເພື່ອປະຊາຊົນ, ການສຶກສາຜົນກະທົບດ້ານສັງຄົມຈາກການນຳໃຊ້ປ່າໄມ້ ແລະ ທີ່ດິນ ພ້ອມກັນນັ້ນ ກອງປະຊຸມຍັງໄດ້ສະເໜີກ່ຽວກັບຂໍ້ມູນການຄຸ້ມຄອງທີ່ດິນ ແລະ ປ່າໄມ້ທີ່ດິນລະດັບເມືອງ ແລະ ການຄຸ້ມຄອງເຄື່ອງປ່າຂອງດົງ ໂດຍຖືໃສ່ ຊຸມຊົນເປັນຫຼັກ.

ໃນລະຫວ່າງ ການຈັດຕັ້ງປະຕິບັດໂຄງການ ໄດ້ມີການສຶກສາ ແລະ ວິທີການແກ້ໄຂ ປັບປຸງທີ່ຫຼາກຫຼາຍ ຕໍ່ກັບບາງບັນຫາ ແລະ ສິ່ງທ້າທາຍ ໃນວຽກງານຄຸ້ມຄອງທີ່ດິນ ແລະ ປ່າໄມ້, ຄັ້ງນີ້ກໍ່ເພື່ອແນໃສ່ນຳໃຊ້ກົນໄກທີ່ເໝາະສົມ ໃນການສ້າງສະພາບແວດລ້ອມ ໃຫ້ແກ່ການຄຸ້ມຄອງ ທີ່ດິນ ແລະ ປ່າໄມ້ທີ່ດີ ໃນ ສປປ ລາວ ໂດຍເຄົາລົບສິດທີຂອງຊຸມຊົນ ແລະ ຍັງແນໃສ່ ສົ່ງເສີມການມີສ່ວນຮ່ວມຈາກຫຼາຍພາກສ່ວນ ໃນການສົນທະນາ ແລະ ຕັດສີນໃຈ ໃນການຄຸ້ມຄອງ ທີ່ດິນ ແລະ ປ່າໄມ້ທີ່ດີ ແລະ ຕອບສະໜອງການນຳໃຊ້ ຊັບພະຍາກອນທຳມະຊາດ ໃຫ້ມີຄວາມຍືນຍົງ ແລະ ມີປະສິດທິຜົນຍິ່ງໆຂື້ນ.

alt

LAST_UPDATED2