Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້1131
mod_vvisit_counterຜູ້ເຂົ້າຊົມ ມື້ວານ1410
mod_vvisit_counterຜູ້ເຂົ້າຊົມ ອາທິດນີ້6112
mod_vvisit_counterຜູ້ເຂົ້າຊົມ ອາທິດ ຜ່ານມາ5295
mod_vvisit_counterຜູ້ເຂົ້າຊົມ ເດືອນນີ້11407
mod_vvisit_counterຜູ້ເຂົ້າຊົມ ເດືອນຜ່ານມາ0
mod_vvisit_counterລວມທັງຫມົດ11407

Online (20 minutes ago): 29
Your IP: 54.224.202.184
,
Today: ກ. ຍ. 21, 2017
ຄະນະຜູ້ແທນແຫ່ງ ສປປ ລາວ ສຳເລັດການເຂົ້າຮ່ວມກອງປະຊຸມລັດພາຄີ ຂອງສົນທິສັນຍາ ວ່າດ້ວຍການປ່ຽນແປງດິນຟ້າອາກາດ PDF ພິມ ອີເມລ
ຂຽນໂດຍ ວິລຸນາ ໄຊຍະລາດ   
ວັນພະຫັດທີ່ 08 ທັນວາ 2016 ເວລາ 10: 58

alt

ຄະນະຜູ້ແທນແຫ່ງ ສປປ ລາວ ນຳໂດຍທ່ານ ທອງຜ່ານ ສະຫວັນເພັດ, ​ຮອງລັດຖະມົນຕີ ກະຊວງ ການຕ່າງປະເທດ ໂດຍມີວິຊາການຈາກ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຈຳນວນໜຶ່ງ ໄດ້ສຳເລັດການເຂົ້າຮ່ວມກອງ​ປະຊຸມລັດ​ພາຄີ ຂອງ​ສົນທິສັນຍາ​ວ່າດ້ວຍການ​ປ່ຽນ​ແປງ​ດິນ​ຟ້າ​ອາກາດ ຄັ້ງ​ທີ 22, ເຊິ່ງ​ໄດ້​ຈັດ​ຂຶ້ນຢູ່ທີ່​ເມືອງມາຣາເກັດ, ລາຊະອານາຈັກມາຣົກ ແຕ່ວັນທີ 7 ຫາ 18 ພະຈິກ 2016,

alt

ໂດຍແບ່ງອອກ ເປັນສອງລະດັບຄື: ລະດັບ​ວິຊາ​ການ ​ແລະ ລະດັບ​ສູງ. ກອງ​ປະຊຸມ​ຄັ້ງ​ນີ້​ ມີ​ບັນດາຜູ້ແທນຈາກລັດພາຄີ ຂອງ ສົນທິສັນຍາວ່າດ້ວຍການປ່ຽນແປງດິນຟ້າອາກາດ ທັງໝົດ 197 ປະເທດ ແລະ ບັນດາອົງການເຄືອຂ່າຍສະຫະ ປະຊາຊາດ, ອົງການຈັດຕັ້ງສາກົນ, ພາກເອກະຊົນ, ອົງການຈັດຕັ້ງທາງສັງຄົມ ແລະ ສື່ມວນຊົນ ໃນທົວໂລກ ເຂົ້າຮ່ວມທັງໝົດປະມານ 22,500 ກວ່າຄົນ, ໃນນັ້ນມີປະມຸກລັດ/ຫົວໜ້າລັດຖະບານ ຫຼາຍກວ່າ 70 ທ່ານ.

alt

ສຳລັບກອງປະຊຸມລະດັບວິຊາການ ແມ່ນໄດ້ດຳເນີນແຕ່ວັນທີ 7 ຫາ 14 ພະຈິກ 2016 ໂດຍໃຫ້ກຽດ ກ່າວເປີດກອງປະຊຸມໂດຍທ່ານ ຊາຣາເຮດີນ ເມຊົວ (Mr. Salahedine MEZOUAR) ລັດຖະມົນຕີ ກະຊວງ ການຕ່າງປະເທດ ແຫ່ງລາຊະອານາຈັກມາຣົກ, ທັງເປັນປະທານກອງປະຊຸມລັດພາຄີຂອງສົນທິສັນຍາວ່າດ້ວຍການ ປ່ຽນແປງດິນຟ້າອາກາດ ຄັ້ງທີ 22. ກອງປະຊຸມລະດັບວິຊາການແມ່ນໄດ້ສຸມໃສ່ປຶກສາຫາລື ກ່ຽວກັບ ກົນໄກ ການຫຼຸດຜ່ອນການປ່ອຍອາຍພິດເຮືອນແກ້ວ, ກົນໄກທາງດ້ານການເງິນ, ການຖ່າຍຖອດເຕັກໂນໂລຊີ, ການສ້າງ ຂີດຄວາມສາມາດ, ການປະເມີນການສູນເສຍ ແລະ ການຖືກທຳລາຍ ຈາກການປ່ຽນແປງດິນຟ້າອາກາດ ລວມທັງ ການກະກຽມ ການຈັດຕັ້ງປະຕິບັດ ສັນຍາປາຣີ ວ່າດ້ວຍການປ່ຽນແປງດິນຟ້າອາກາດ.

ສຳລັບກອງປະຊຸມລະດັບສູງ ແມ່ນໄດ້ດຳເນີນແຕ່ວັນທີ 15 ຫາ 18 ພະຈິກ 2016 ໂດຍການໃຫ້ກຽດ ກ່າວເປີດກອງປະຊຸມຢ່າງເປັນທາງການ ໂດຍເຈົ້າຊີວິດ ໂມຮາເມັດ ລາຊະການທີ VI ຂອງລາຊະອານາຈັກມາຣົກ (His Majesty King Mohammed VI), ລັດຖະມົນຕີ ກະຊວງ ການຕ່າງປະເທດ ລາຊະອານາຈັກມາຣົກ, ທ່ານ ບັນກີມູນ, ເລຂາທິການໃຫຍ່ອົງການສະຫະປະຊາຊາດ ແລະ ຫົວໜ້າກອງເລຂາ ສົນທິສັນຍາ​ວ່າດ້ວຍການ​ປ່ຽນ​ແປງ​ດິນ​ຟ້າ​ອາກາດ ຂອງອົງການສະຫະປະຊາຊາດ (UNFCCC). ຕະຫຼອດໄລຍະ 3​ ມື້ນີ້, ບັນດາ​ຫົວຫນ້າ ຄະນະຜູ້ແທນ ໄດ້ຜັດປ່ຽນກັນຂຶ້ນກ່າວບົດປາໄສ ເພື່ອປຶກສາຫາລື ແລະ ແລກປ່ຽນທັດສະນະ ກ່ຽວກັບ ການແກ້ ບັນຫາການປ່ຽນແປງດິນຟ້າອາກາດ ທີ່ທຸກໆປະເທດກຳລັງປະເຊີນຢູ່, ການເພີ້ມທະວີການເປັນຄູ່ຮ່ວມມືສາກົນ ລວມທັງ ການມີສ່ວນຮ່ວມຂອງທຸກພາກສ່ວນໃນສັງຄົມ ແລະ ການໃຫ້ຄວາມໝາຍໝັ້ນຕໍ່ການຈັດຕັ້ງປະຕິບັດ ສັນຍາປາຣີ ວ່າດ້ວຍການ​ປ່ຽນ​ແປງ​ດິນ​ຟ້າ​ອາກາດ ທີ່ມີຜົນບັງຄັບໃຊ້ ນັບແຕ່ວັນທີ 4 ພະຈິກ 2016 ເປັນຕົ້ນມາ ໂດຍການສ້າງ ແລະ ຈັດຕັ້ງປະຕິບັດແຜນດຳເນີນງານຂອງຕົນ ເພື່ອເຮັດໃຫ້ບັນລຸເປົ້າໝາຍ ໃນການຄວບຄຸມ ອຸນຫະພູມ ຂອງໂລກ ໃຫ້ຢູ່ໃນລະດັບ 1,5 ອົງສາເຊ ແລະ ບໍ່ໃຫ້ເກີນ 2 ອົງສາເຊ.

ໃນໄລຍະກອງປະຊຸມລະດັບສູງຄັ້ງນີ້, ທ່ານ ທອງຜ່ານ ສະຫັວນເພັດ, ຮອງລັດຖະມົນຕີ ກະຊວງ ການຕ່າງປະເທດ ກໍ່ໄດ້ຂຶ້ນກ່າວບົດປາໄສ ໂດຍໄດ້ຊີ້ໃຫ້ເຫັນວ່າ ລັດຖະບານແຫ່ງ ສປປ ລາວ ໄດ້ໃຫ້ຄວາມ ສຳຄັນຕໍ່ບັນຫາການປ່ຽນແປງດິນຟ້າອາກາດ ໂດຍສະເພາະການໃຫ້ສັດຕະຍາບັນແກ່ ສັນຍາປາຣີ ໃນເດືອນ ກັນຍາ ທີ່ຜ່ານມາ ແລະ ການຢືນຢັນຄວາມໝາຍໝັ້ນໃນການຈັດຕັ້ງປະຕິບັດແຜນຄາດໝາຍການປະກອບສ່ວນແຫ່ງຊາດ ໃນການແກ້ໄຂບັນຫາການປ່ຽນແປງດິນຟ້າອາກາດ (NDCs).​ ພ້ອມກັນນັ້ນ, ທ່ານ ຍັງໄດ້ແຈ້ງໃຫ້ກອງປະຊຸມ ຊາບວ່າ ໃນໂອກາດກອງປະຊຸມສຸດຍອດອາຊຽນ ທີ່ ນະຄອນຫຼວງວຽງຈັນ, ​ຜູ້ນຳອາຊຽນ ກໍ່ໄດ້ອອກຖະແຫຼງການ ຮ່ວມຂອງອາຊຽນ ກ່ຽວກັບ ການປ່ຽນແປງດິນຟ້າອາກາດ ເພື່ອສົ່ງໃຫ້ ກອງ​ປະຊຸມລັດ​ພາຄີ ຂອງ​ສົນທິສັນຍາ​ວ່າດ້ວຍການ​ປ່ຽນ​ແປງ​ດິນ​ຟ້າ​ອາກາດ ຄັ້ງ​ທີ 22.

 alt

ໃນໂອກາດເຂົ້າຮ່ວມກອງປະຊຸມຄັ້ງນີ້, ຄະນະຜູ້ແທນລາວ ຍັງໄດ້ພົບປະກັບຄະນະຜູ້ແທນ ລຸກຊຳບວກ ເພື່ືອປຶກສາຫາລື ກ່ຽວກັບ ການເສີມຂະຫຍາຍການພົວພັນຮ່ວມມື ກ່ຽວກັບ ຂົງເຂດການປົກປັກຮັກສາສິ່ງແວດ ລ້ອມ ແລະ ການປ່ຽນແປງດິນຟ້າອາກາດ ໂດຍສະເພາະ​ວຽກ​ງານ​ການຫຼຸດຜ່ອນການປ່ອຍອາຍພິດເຮືອນແກ້ວ, ການ​ປັບ​ຕົວ​ເຂົ້າ​ກັບ​ການ​ປ່ຽ​ນແປງ​ດິນ​ຟ້າ​ອາກາດ ​ແລະ ວຽກງານການຫຼຸດຜ່ອນການປ່ອຍອາຍພິດເຮືອນແກ້ວຈາກ ການທໍາລາຍປ່າໄມ້ ແລະ ການເຮັດໃຫ້ປ່າເຊື່ອມໂຊມ (REDD+) ຢູ່ ສປປ ລາວ. ​ນອກຈາກນັ້ນ, ຍັງໄດ້ເຂົ້າຮ່ວມ ກອງປະຊຸມລະດັບລັດຖະມົນຕີ ຄັ້ງທີ່ 4 ຂອງບັນດາປະເທດຄູ່ຮ່ວມພັດທະນາໂຄງການ ຫຼຸດຜ່ອນອາຍພິດເຮືອນ ແກ້ວ ພາຍໃຕ້ກົນໄກການຮ່ວມມືສອງຝ່າຍ (Joint Crediting Mechanism, JCM) ຂອງ​ປະ​ເທດ ຍີ່​ປຸນ.


LAST_UPDATED2