Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້90
mod_vvisit_counterຜູ້ເຂົ້າຊົມ ມື້ວານ683
mod_vvisit_counterຜູ້ເຂົ້າຊົມ ອາທິດນີ້773
mod_vvisit_counterຜູ້ເຂົ້າຊົມ ອາທິດ ຜ່ານມາ6934
mod_vvisit_counterຜູ້ເຂົ້າຊົມ ເດືອນນີ້16935
mod_vvisit_counterຜູ້ເຂົ້າຊົມ ເດືອນຜ່ານມາ30724
mod_vvisit_counterລວມທັງຫມົດ67531

Online (20 minutes ago): 16
Your IP: 54.162.250.227
,
Today: ພ. ຈ. 19, 2017
ກຊສ ແລກປ່ຽນບົດຮຽນວຽກງານທີ່ດິນຢູ່ ສສ ຫວຽດນາມ PDF ພິມ ອີເມລ
ຂຽນໂດຍ ນ. ດາລາວັນ ຫລວງໂຄດ   
ວັນພຸດທີ່ 09 ສິງຫາ 2017 ເວລາ 13: 16

ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ສປປ ລາວ ແລະ ສສ ຫວຽດນາມ ໄດ້ພົບປະແລກປ່ຽນທາງດ້ານວິຊາການ ທີ່ນະຄອນຫຼວງຮ່າໂນຍ ສສ ຫວຽດນາມ ໃນວັນທີ 17 ກໍລະກົດ 2017 ທີ່ຜ່ານມາ ນຳພາຄະນະໂດຍ ທ່ານ ບຸນມີ ພຸດທະວົງ ຮອງລັດຖະມົນຕີ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ພ້ອມດ້ວຍຄະນະ ໂດຍໄດ້ຮັບການຕ້ອນຮັບຂອງທ່ານ ນ. Nguyen Thi Phuong Hoa, ຮອງລັດຖະມົນຕີ ຊັບພະຍາກອນ ທຳມະຊາດ ແລະ ສິ່ງແວດລ້ອມ ສສ ຫວຽດນາມ. ຊຶ່ງທັງສອງຝ່າຍ ໄດ້ພົບປະສົນທະນາກັນໃນການຮ່ວມມື ທາງດ້ານວິຊາການໃນການສ້າງນິຕິກຳ ແລະ ການຖອດຖອນບົດຮຽນກ່ຽວກັບການຄຸ້ມຄອງ ທີ່ດິນ ຂອງ ສສ ຫວຽດນາມ.

ການໄປທັດສະນະສຶກສາໃນຄັ້ງນີ້ ໄດ້ດຳເນີນໄປແຕ່ວັນທີ 16 - 22 ກໍລະກົດ 2017 ໃນນີ້ຄະນະຜູ້ແທນຝ່າຍລາວໄດ້ເຂົ້້າຮ່ວມທັງໝົດ 19 ທ່ານ. ຈຸດປະສົງຫຼັກຂອງການພົບປະແລກປ່ຽນບົດຮຽນໃນຄັ້ງນີ້ ໄດ້ແບ່ງອອກເປັນ 5 ຫົວຂໍ້ ຄື:

  1. ການສ້າງນະໂຍບາຍ, ກົດໝາຍ ແລະ ບັນດານິຕິກຳລຸ່ມກົດໝາຍ ໃນການຄຸ້ມຄອງທີ່ດິນ.
  2. ການສ້າງແຜນແມ່ບົດ ແລະ ການວາງແຜນນຳໃຊ້ທີ່ດິນ, ການຄຸ້ມຄອງ ແລະ ການຫັນປ່ຽນເປົ້າໝາຍການນຳໃຊ້ທີ່ດິນ.
  3. ການຫັນເປັນທັນສະໄໝ ໃນວຽກງານຄຸ້ມຄອງ ແລະ ບໍລິຫານທີ່ດິນ ແລະ ການສ້າງລາຍຮັບຈາກທີ່ດິນ.
  4. ການຄຸ້ມຄອງ ແລະ ການພັດທະນາທີ່ດິນ, ອະສັງຫາລິມະຊັບ, ການໃຫ້ເຊົ່າ ແລະ ສຳປະທານທີ່ດິນ, ການຫັນທີ່ດິນເປັນທຶນ ແລະ ນະໂຍບາຍສົ່ງເສີມເຂດເສດຖະກິດພິເສດ ແລະ ເຂດເສດຖະກິດສະເພາະ.
  5. ການມີສ່ວນຮ່ວມຂອງປະຊາຊົນ ແລະ ພາກສ່ວນທີ່ກ່ຽວຂ້ອງຂອງສັງຄົມ ເພື່ອສ້າງ ແລະ ປັບປຸງນະໂຍບາຍ, ກົດໝາຍ ແລະ ບັນດານິຕິກຳອື່ນໆ ພ້ອມທັງມາດຕະການຕິດຕາມກວດກາ ການຈັດຕັ້ງປະຕິບັດ.

ໂອກາດດຽວກັນນີ້ ໃນວັນທີ 18 ກໍລະກົດ 2017 ຄະນະຜູ້ແທນລາວກໍໄດ້ຢ້ຽມຢາມ, ທັດສະນະສຶກສາ, ຖອດຖອນບົດຮຽນ ທີ່ແຂວງ ຮ້ານາມ ເພື່ອແລກປ່ຽນບົດຮຽນນຳພະແນກ ຊສ ແຂວງ ຮ້ານາມ ແລະ ໄດ້ລົງໄປຢ້ຽມຢາມເຂດອຸດສາຫະກຳ ໂຮງງານຜະລິດລົດຈັກ ຮອນດ້າ. ວັນທີ 19 – 21 ຄະນະວິຊາການຈາກກົມຄຸ້ມຄອງທີ່ດິນ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ຂອງ ສປປ ລາວ ໄດ້ລົງແລກປ່ຽນບົດຮຽນທາງດ້ານວິຊາການນຳພະແນກ ຊສ ນະຄອນຮ່າໂນຍ ສສ ຫວຽດນາມ ຈາກນັ້ນກໍໄດ້ໄປຢ້ຽມຊົມສະຖານທີ່ ທ່ອງທ່ຽວວັດທະນະທຳທີ່ສຳຄັນຈຳນວນໜຶ່ງຂອງ ສສ ຫວຽດນາມ.

ຊຶ່ງເຫັນວ່າທັງສອງຝ່າຍໄດ້ບັນລຸຜົນສຳເລັດອັນຈົບງາມ ຜົນສຳເລັດດັ່ງກ່າວເປັນການປະກອບສ່ວນ ເຂົ້າໃນການເພີ່ມທະວີ ແລະ ເສີມຂະຫຍາຍການພົວພັນຮ່ວມມື ລາວ - ຫວຽດນາມ ທີ່ເປັນມູນເຊື້ອໃຫ້ແໜ້ນແຟ້ນຍິ່ງໆຂຶ້ນ. ເພື່ອສືບຕໍ່ເສີມຂະຫຍາຍ ສາຍພົວພັນ ມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ - ຫວຽດນາມ.

alt

alt

alt