Main Menu

Joomla Slide Menu by DART Creations

ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຜູ້ເຂົ້າຊົມ ວັນນີ້1134
mod_vvisit_counterຜູ້ເຂົ້າຊົມ ມື້ວານ1410
mod_vvisit_counterຜູ້ເຂົ້າຊົມ ອາທິດນີ້6115
mod_vvisit_counterຜູ້ເຂົ້າຊົມ ອາທິດ ຜ່ານມາ5295
mod_vvisit_counterຜູ້ເຂົ້າຊົມ ເດືອນນີ້11410
mod_vvisit_counterຜູ້ເຂົ້າຊົມ ເດືອນຜ່ານມາ0
mod_vvisit_counterລວມທັງຫມົດ11410

Online (20 minutes ago): 22
Your IP: 54.224.202.184
,
Today: ກ. ຍ. 21, 2017
ຂອບເຂດສິດຂອງ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ PDF ພິມ ອີເມລ

4.1    ສະ​ເໜີປັບປຸງ​ແກ້​ໄຂ, ສ້າງ ຫຼື ​ຍົກ​ເລີກ​ບັນ​ດາ​ກົດໝາຍ, ລັດຖະບັນຍັດ, ລັດຖະດຳລັດ, ດຳລັດ, ກ່ຽວກັບ​ວຽກງານ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ລວມທັງ​ຄຸ້ມ​ຄອງ ​ໄພພິບັດ ທາງ​ທຳ​ມະ​ຊາດ ​ແລະ ການ​ປ່ຽນ​ແປງ​ດິນ​ຟ້າ​ອາກາດ,​ອຸ​ຕຸ​ນິຍົມ ​ແລະ ອຸ​ທົກ​ກະສາ​ດ ຕໍ່ລັດຖະບານ.

4.2   ອອກ​ຂໍ້​ຕົກລົງ, ຄຳ​ສັ່ງ , ​ແຈ້ງ​ການ ​ແລະ ຄຳ​ແນະນຳ ​ເພື່ອ​ຄຸ້ມ​ຄອງ​ມະຫາ​ພາກ​ໃນ​ການ​ປົກ​ປັກ​ຮັກສາ, ຟື້ນ​ຟູ​ບູລະ​ບະ ​ແລະ ນຳ​ໃຊ້​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ລວມທັງ​ຄຸ້ມ​ຄອງ​ໄພພິບັດ​ທາງ​ທຳ​ມະ​ຊາດ ​ແລະ ການ​ປ່ຽນ​ແປງ​ດິນ​ຟ້າ​ອາ​ກາດ, ອຸຕຸນິຍົມ ​ແລະ ອຸ​ທົກ​ກະສາ​ດ.

4.3   ສະ​ເໜີ ຫຼື ​ໂຈະ​ຊົ່ວຄາວ ຫຼື ຖາວອນ ຫຼື ຖອນ ​ໃບ​ອະນຸຍາດ  ດຳ​ເນີນ​ກິດຈະການ​ຕ່າງໆ ກ່ຽວກັບ​ການ​ບໍລິການ ,ນຳ​ໃຊ້, ສິດ​ໃຊ້, ສິດ​ນຳ​ໃຊ້, ການ​ໃຫ້​ເຊົ່າ ຫຼື ສຳ​ປະທານ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ.

4.4   ດຳ​ເນີນ​ການ​ບໍລິການ ດ້ານ​ວິຊາ​ການ ​ໃນ​ຂົງ​ເຂດ​ວຽກງານ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ລວມທັງ​ການ​ຄຸ້ມ​ຄອງ ​ໄພພິບັດ​ທາງ​ທຳ​ມະ​ຊາດ ​ແລະ ປ່ຽນ​ແປງ​ດິນ​ຟ້າ​ອາກາດ,​ອຸຕຸນິຍົມ ​ແລະ ອຸ​ທົກ​ກະສາ​ດ.

4.5   ຍ້ອງຍໍ ​ແລະ ປະ​ຕິ​ບັດ​ນະ​ໂຍບາຍ​ທີ່​ເໝາະສົມ ຕໍ່ການຈັດ​ຕັ້ງ, ບຸກຄົນ ຫຼື ນິຕິບຸກຄົນ ທີ່​ມີ​ຜົນງານ ​ແລະ ປະກອບສ່ວນ ​ໃນ​ການ​ຄຸ້ຄອງ, ປົກ​ປັກ​ຮັກສາ, ຟື້ນ​ຟູ​ລະນະ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ. ກ່າວ​ເຕືອນ ຫຼື ນຳ​ໃຊ້​ມາດ​ຕະການ​ອື່ນໆ ຕາມ​ກົດໝາຍ ຕໍ່ການ​ຈັກ​ຕັ້ງ, ບຸກຄົນ ຫຼື ນິຕິບຸກຄົນ ທີ່​ສ້າງ​ຜົນ​ກະທົບ​ທາງ​ລົບ​ທີ່​ກໍ່​ໃຫ້​ເກີດ​ຜົນ​ເສຍ​ຫາຍ ຕໍ່ຊັບພະຍາກອນ​ທຳ​ມະ​ຊາດ ສິ່ງ​ແວດ​ລ້ອມ ​ແລະ ສັງຄົມ.

4.6   ສະ​ເໜີ ຫຼື ຕົກລົງ​ສ້າງ​ຕັ້ງ, ປັບປຸງ ຫຼື ລົບ​ລ້າງ​ບັນດາ​ກົງຈັກ​ການຈັດ​ຕັ້ງ ທີ່ຢູ່​ໃນ​ຄວາມ​ຮັບຜິດຊອບ​ຂອງ​ຕົນ ບົນ​ພື້ນຖານ ຄວາມ​ເປັນ​ເອກະ​ພາບ​ກັບ​ອົງການ​ທີ່​ມີ​ສິດ​ອຳນາດ ຂັ້ນ​ສູນ​ກາງ ​ແລະ ທ້ອງ​ຖິ່ນ.

4.7   ສະ​ເໜີ ຫຼື ຕົກລົງ​ແຕ່ງ​ຕັ້ງ, ຍົກຍ້າຍ, ປົດ​ຕຳ​ແໜ່ງ, ​ເລື່ອນ​ຂັ້ນ, ຍ້ອງຍໍ, ປະຕິບັດ​ວິ​ໄນ ​ແລະ ປະຕິບັດ ນະ​ໂຍບາຍ​ອື່ນໆ ຕໍ່ພະນັກງານ​ຂັ້ນ​ຕ່າງໆ ທີ​ຢູ່​ໃນ​ຄວາ​ມຮັບຜິດຊອບ​ຂອງ​ຕົນ.

4.8   ວ່າ​ຈ້າງ ຊ່ຽນຊານ, ພະນັກງາ​ນຕາມ​ສັນຍາ ຫຼື ​ແຮງ​ງານ​ຊົ່ວຄາວ ລວມທັງ ອາສາ​ສະມັກ ທັງ​ພາຍ​​ໃນ ​ແລະ ຕ່າງປະ​ເທ​ດ ​ເພື່ອ​ຊ່ວຍ ​ແລະ ຮັບ​ໃຊ້​ວຽກງານ​ວິຊາ​ສະ​ເພາະ ດ້ວຍ​ແຫຼ່ງທຶນ ຂອງ​ໂຄງການ​ຕາມ​ຄວາມ​ຈຳ​ເປັນ.

4.9​   ເຂົ້າ​ຮ່ວມ​ກອງ​ປະຊຸມ​ໃນ​ທຸກ​ລະດັບ ທັງ​ພາຍ​ໃນ ​ແລະ ຕ່າງ​ປະ​ເທ​ດ, ​ເຈລະຈາ, ​ເຊັນ​ສັນຍາ, ສົນທິສັນຍາ, ອະນຸ​ສັນ​ຍາ, ບົດ​ບັນທຶກ​ຄວາມ​ເຂົ້າ​ໃຈ ກັບ​ຕ່າງປະ​ເທ​ດ ​ແລະ ອົງການ​ຈັດ​ຕັ້ງ​ສາກົນ ຕ່າງໆທີ່​ພົວພັນ ກັບ ຊັບພະຍາ​ກອນ​ທຳ​ມະ​ຊາດ ​ແລະ ການ​ປ່ຽ​ແປງ​ດິນ​ຟ້າ​ອາກາດ, ອຸຕຸນິຍົມ ​ແລະ ອຸ​ທົກ​ກະສາ​ດ ຕາມ​ການ​ມອບໝາຍ ຂອງ​ລັດຖະບານ.

4.10  ສະ​ເໜີ​ເຂົ້າ ຫຼື ລາ​ອອກ ຈາກ​ການ​ເປັນ​ພາຄີ ຫຼື ສຳມະ​ຊິກ ຂອງ​ສົນທິສັນຍາ ຫຼື ຂໍ້​ຕົກລົງ​ຕ່າງໆ ທີ່​ກ່ຽວຂ້ອງ ຂອງ​ສາກົນ ຕາມ​ຄວາມ​ເໝາະສົມ.

4.11   ປະຕິບັດ​ສິດ​ອື່ນໆ ຕາມ​ທີ່​ລັດຖະບານ​ໄດ້​ມອບໝາຍ​ໃຫ້​ສະ​ເພາະ ​ແລະ ຕາມ​ທີ່​ໄດ້​ກຳນົດ​ໄວ້​ໃນ ລັດຖະທຳ​ມະນູນ ​ແລະ ກົດໝາຍ.