ໃນຕອນເຊົ້າຂອງວັນທີ 07 ສິງຫາ 2020 ທີ່ໂຮງແຮມເສດຖາພາເລດ, ນະຄອນຫຼວງວຽງຈັນ ໄດ້ມີການຈັດກອງປະຊຸມ ເປີດກວ້າງເຜີຍແຜ່ບົດປະເມີນຜົນກະທົບຕໍ່ສິ່ງແວດລ້ອມແບບລະອຽດ ແລະ ແຜນການຄຸ້ມຄອງ ແລະ ຕິດຕາມກວດກາສິ່ງແວດລ້ອມ ໂຄງການໄຟຟ້າພະລັງງານຄວາມຮ້ອນຖ່ານຫີນ ເມືອງຊຳເໜືອ ແຂວງຫົວພັນ ຂຶ້ນ, ໂດຍການໃຫ້ກຽດເປັນປະທານຮ່ວມຂອງ ທ່ານ ນາງ ບຸນຄຳ ວໍລະຈິດ ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ຈັນສອນ ແສນບຸດຕະລາດ ຮອງລັດຖະມົນຕີ ກະຊວງ ພະລັງງານ ແລະ ບໍ່ແຮ່, ທ່ານ ພັນທອງ ເພັດໄຊສົມພັນ ຮອງເຈົ້າແຂວງ ແຂວງຫົວພັນ ແລະ ທ່ານ ມະນີໂສ ຊາມຸນຕີ ຮອງປະທານກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ, ສະພາແຫ່ງຊາດ ແລະ ມີຫົວໜ້າກົມ, ຮອງກົມ, ເຈົ້າເມືອງ, ຮອງເຈົ້າເມືອງ, ຫົວໜ້າພະແນກການທີ່ກ່ຽວຂ້ອງຂອງແຂວງ, ກະຊວງທີ່ກ່ຽວຂ້ອງ, ຜູ້ຕາງໜ້າຈາກອົງການຈັດຕັ້ງສາກົນ, ຕາງໜ້າເຈົ້າຂອງໂຄງການ ກໍຄື ບໍລິສັດ ໄຟຟ້າຄວາມຮ້ອນຖ່ານຫີນ ຫົວພັນ ຈຳກັດ ແລະ ຕາງໜ້າ ກຸ່ມບໍລິສັດທີ່ປຶກສາສິ່ງແວດລ້ອມແຫ່ງຊາດ ເຂົ້າຮ່ວມ.

     ກອງ​ປະ­ຊຸມສະມາຊິກ​ພັກ ໜ່ວຍພັກ ພະແນກ ຕິດຕາມກວດກາສິ່ງແວດລ້ອມໂຄງການລົງທຶນ,  ກົມຄວບຄຸມ ແລະ ຕິດຕາມກວດກາມົນລະພິດ ໄດ້​ຈັດ​ຂຶ້ນໃນຕອນເຊົ້າຂອງ ວັນ​ທີ 3 ກໍ­ລະ­ກົດ 2020​ ທີ່​ຫ້ອງປະຊຸມ ກົມຄວບຄຸມ ແລະ ຕິດຕາມກວດກາມົນລະພິດ, ໂດຍ​ໃຫ້​ກຽດ​ເຂົ້າ​ຮ່ວມຂອງ ສະ­ຫາຍ ນາງ ບຸນຄຳ ວໍລະຈິດ  ກຳມະການສຳຮອງສູນກາງພັກ, ຮອງເລຂາຄະນະພັກ, ປະທານກວດກາພັກ, ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີ​ແຂກ​ຖືກ​ເຊີນຈາກບັນດາຫນ່ວຍພັກອື່ນໆ ອ້ອມຂ້າງ ກຊສ ແລະ ສະ​ມາ​ຊິກ​ພັກຢູ່ພາຍໃນຫນ່ວຍ​ເຂົ້າ​ຮ່ວມ ທັງຫມົດ 28 ສະຫາຍ, ຍິງ 7 ສະຫາຍ.

     ກອງ​ປະ­ຊຸມ​ໃຫຍ່ ​ຄັ້ງ​ທີ I ຂອງ​ໜ່ວຍ​ພັກ​ ພະແນກ ຄວບຄຸມມົນລະພິດ, ກົມຄວບຄຸມ ແລະ ຕິດຕາມກວດກາມົນລະພິດ,  ໄດ້​ຈັດ​ຂຶ້ນໃນຕອນເຊົ້າຂອງ ວັນ​ທີ 31 ກໍ­ລະ­ກົດ 2020​ ທີ່​ຫ້ອງປະຊຸມ ກົມຄວບຄຸມ ແລະ ຕິດຕາມກວດກາມົນລະພິດ, ໂດຍ​ໃຫ້​ກຽດ​ເຂົ້າ​ຮ່ວມຂອງ ສະ­ຫາຍ ໄຊຍະເວດ ວິໄຊ, ຄະນະປະຈຳພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີ​ແຂກ​ຖືກ​ເຊີນຈາກບັນດາຫນ່ວຍພັກອື່ນໆ ອ້ອມຂ້າງ ກຊສ ແລະ ສະ​ມາ​ຊິກ​ພັກຢູ່ພາຍໃນຫນ່ວຍ​ເຂົ້າ​ຮ່ວມ ທັງຫມົດ 20 ສະຫາຍ, ຍິງ 6 ສະຫາຍ.

ກົມຈັດຕັ້ງ ແລະ ພະນັກງານ ໄດ້ຈັດກອງປະຊຸມສຳມະນາ ວຽກງານແຜນຍຸດທະສາດ ທີ່ຕິດພັນກັບ ຄວາມສະເໝີພາບ ຍິງ-ຊາຍ ໃນຕອນເຊົ້າຂອງວັນທີ 31 ກໍລະກົດ 2020 ທີ່ ຫ້ອງປະຊຸມ ຊັ້ນ 2 ຕຶກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍການໃຫ້ກຽດກ່າວເປີດ ຂອງ ທ່ານ ນ. ທອງຈັນ ອະຄະມາເຂດ ຫົວໜ້າ ກົມຈັດຕັ້ງ ແລະ ພະນັກງານ ມີ ຫົວໜ້າຫ້ອງການ, ຮອງກົມ ແລະ ຄະນະພະແນກ ເຂົ້າຮ່ວມ ທັງໝົດ 30 ທ່ານ ຍິງ 21 ທ່ານ.

ໃນລະຫວ່າງ ວັນທີ 25-30 ກໍລະກົດ 2020 ຄະນະນໍາກະຊວງ ນໍາພາໂດຍ ທ່ານ ສົມມາດ ພົລເສນາ ລັດຖະມົນຕີ ແລະ ທ່ານ ນ. ບຸນຄໍາ ວໍລະຈິດ ຮອງລັດຖະມົນຕີ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ພ້ອມດ້ວຍ ຫົວໜ້າຫ້ອງການ ກອງທຶນປົກປັກຮັກສາສິ່ງແວດລ້ອມ, ຮອງຫົວໜ້າ ກົມຊັບພະຍາກອນນໍ້າ, ຮອງຫົວໜ້າ ກົມສິ່ງແວດລ້ອມ, ວິຊາການຈາກ ກົມຄວບຄຸມ ແລະ ຕິດຕາມກວດກາມົນລະພິດ ໄດ້ເຂົ້າຮ່ວມກອງປະຊຸມ ເຜີຍແຜ່ ແລະ ຖອດຖອນບົດຮຽນ ຜົນການກວດກາ, ສືບສວນ-ສອບສວນ ສາເຫດທີ່ເຮັດໃຫ້ເຂື່ອນໄຟຟ້າເຊປຽນ-ເຊນ້ຳນ້ອຍແຕກພັງ ຢູ່ແຂວງອັດຕະປື ແລະ ການໄປເຄື່ອນໄຫວວຽກງານ ຊສ ຢູ່ແຂວງອັດຕະປື, ເຊກອງ, ຈໍາປາສັກ ແລະ ສະຫວັນນະເຂດ ໂດຍມີການເຄື່ອນໄຫວຄື:

ໃນວັນທີ 26 ກໍລະກົດ 2020 ຄະນະທັງໝົດໄດ້ໄປຢ້ຽມຢາມບ້ານຈັດສັນ ແລະ ເຂດດິນທໍາການຜະລິດ ຂອງປະຊາຊົນທີ່ໄດ້ຮັບຜົນກະທົບຈາກໂຄງການເຂື່ອນໄຟຟ້າເຊປຽນ-ເຊນ້ຳນ້ອຍ ທີ່ເມືອງສະໜາມໄຊ ແຂວງອັດຕະປື ແລະ ໃນວັນທີ 27 ກໍລະກົດ 2020 ກໍໄດ້ເຂົ້າຮ່ວມ ກອງປະຊຸມເຜີຍແຜ່ ແລະ ຖອດຖອນບົດຮຽນ ຜົນການກວດກາ, ສືບສວນ-ສອບສວນ ສາເຫດທີ່ເຮັດໃຫ້ເຂື່ອນໄຟຟ້າ ເຊປຽນ-ເຊນ້ຳນ້ອຍແຕກພັງ ໂດຍການເປັນປະທານຂອງທ່ານ ປອ. ບຸນທອງ ຈິດມະນີ ກໍາມະການ ກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາ ສູນກາງພັກ, ປະທານອົງການກວດກາລັດຖະບານ, ຫົວໜ້າອົງການ ຕ້ານການສໍ້ລາດບັງຫຼວງ ຂັ້ນສູນກາງ, ປະທານຄະນະສືບສວນ-ສອບສວນ ສາເຫດຄູກັນນໍ້າ D ຂອງ ໂຄງການເຂື່ອນໄຟຟ້າ ເຊປຽນ-ເຊນໍ້ານ້ອຍແຕກພັງ ຊຶ່ງຈັດຢູ່ຫ້ອງວ່າການປົກຄອງແຂວງອັດຕະປື.

  1. ກອງປະຊຸມໃຫຍ່ ຄັ້ງທີ I ຂອງໜ່ວຍພັກ ພະແນກຄຸ້ມຄອງສານເຄມີ ແລະ ສິ່ງເສດເຫຼືອ
  2. ກອງປະຊຸມໃຫຍ່ ຄັ້ງທີ I ຂອງໜ່ວຍພັກ ພະແນກນະໂຍບາຍ
  3. ກອງປະຊຸມໃຫຍ່ ຄັ້ງທີ I ຂອງໜ່ວຍພັກ ພະແນກ ສັງລວມ
  4. ກອງປະຊຸມ ສະມາຊິກໜ່ວຍພັກ ພະແນກ ຫ້ອງທົດລອງສິ່ງແວດລ້ອມ
  • You are here:  
  • Home