ເພື່ອເຮັດໃຫ້ງານສະເຫຼີມສະຫຼອງວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ  ທີ່ບັນຈົບຄົບຮອບ 66 ປີ (20 ກໍລະກົດ 1955-20 ກໍລະກົດ​ 2021) ໃນປີນີ້ ໃຫ້ມີຄວາມໝາຍ ແລະ ເນື້ອໃນເລິກເຊິ່ງ ຕິດພັນກັບການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ສ້າງຂະບວນການ ເພື່ອຂໍ່ານັບຮັບຕ້ອນ ກອງປະຊຸມຜູ້ແທນແມ່ຍິງລາວທົ່ວປະເທດ ຄັ້ງທີ VIII ແລະ ວັນສຳຄັນຕ່າງໆຂອງພັກ-ລັດ ໃຫ້ເປັນຂະບວນການຟົດຟື້ນ ກວ້າງຂວາງ, ໃນຕອນເຊົ້າຂອງວັນທີ 23 ກໍລະກົດ 2021 ຢູ່ທີ່ສະໂມສອນຂອງກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມສະຫະພັນແມ່ຍິງ ກະຊວງ ໄດ້ຈັດພິທີສະເຫລີມສະຫລອງ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຂຶ້ນ ພາຍໃຕ້ຄໍາຂວັນ “ພັດທະນາຄວາມສະເໝີພາບຍິງ-ຊາຍ ຕິດພັນກັບການພັດທະນາປະເທດຊາດ”  ແລະ ການປະຕິບັດຂະບວນການແຂ່ງຂັນ 3 ດີ ໃຫ້ປະກົດຜົນສໍາເລັດ,  ໂດຍການໃຫ້ກຽດເຂົ້າຮ່ວມຂອງ ສະຫາຍ ນ. ບຸນຄຳ ວໍລະຈິດ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ; ສະຫາຍ ພູວົງ ຫຼວງໄຊຊະນະ, ສະຫາຍ ຈັນທະເນດ ບົວລະພາ ຄະນະພັກ, ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ສະຫາຍ ນ. ທອງຈັນ ອະຄະມາເຂດ ປະທານສະຫະພັນແມ່ຍິງ ກະຊວງ ພ້ອມດ້ວຍຄະນະ, ຕາງໜ້າຄະນະພັກຮາກຖານ, ຄະນະໜ່ວຍພັກ, ຕາງໜ້າ 2 ອົງການຈັດຕັ້ງຊາວໜຸ່ມ ແລະ ກຳມະບານ ກະຊວງ ແລະ ບັນດາຄະນະຮາກຖານໜ່ວຍແມ່ຍິງ, ຄະນະໜ່ວຍ ແລະ ສະມາຊິກສະຫະພັນແມ່ຍິງເຂົ້າຮ່ວມ ຈຳນວນທັງໝົດ 74 ທ່ານ, ຊາຍ 8 ທ່ານ.

ກອງປະຊຸມປຶກສາຫາລື ກ່ຽວກັບ ການຕິດຕາມສະພາບອາກາດ, ລະດັບນໍ້າຕາມລໍານໍ້າຂອງ, ແມ່ນໍ້າສາຂາ ແລະ ລະດັບນໍ້າຢູ່ອ່າງເກັບນໍ້າຂອງເຂື່ອນໄຟຟ້າ ຮ່ວມກັບ ກະຊວງ ພະລັງງານ ແລະ ບໍ່ແຮ່ ແລະ ບັນດາພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ຂອງແຂວງ ພາກກາງ ແລະ ພາກໃຕ້, ບັນດາເຂື່ອນໄຟຟ້າພະລັງນໍ້າ ຜ່ານລະບົບສື່ສານທາງໄກ.

ໄພນໍ້າຖ້ວມ ເປັນໄພທໍາມະຊາດ ທີ່ສົ່ງຜົນກະທົບຕໍ່ ເສດຖະກິດ-ສັງຄົມຂອງປະເທດຢ່າງຕໍ່ເນື່ອງ ຍ້ອນສະພາບອາກາດມີການປ່ຽນແປງສົ່ງຜົນກະທົບຕໍ່ຄວາມຖີ່ ແລະ ຄວາມຮຸນແຮງຂອງການເກີດພະຍຸເຂດຮ້ອນ ທີ່ພາໃຫ້ເກີດໄພນໍ້າຖ້ວມ. ຕໍ່ກັບບັນຫາດັ່ງກ່າວ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໃນຖານະເປັນເສນາທິການ ໃຫ້ແກ່ ລັດຖະບານ ໃນການຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ເວົ້າສະເພາະ ກໍ່ຄື ວຽກງານອຸຕຸນິຍົມ ແລະ ອຸທົກກະສາດ ແລະ ວຽກການຄຸ້ມຄອງໄພນໍ້າຖ້ວມ, ໄດ້ເອົາໃຈໃສ່ ແລະ ຕິດຕາມໄພນໍ້າຖ້ວມຢ່າງໃກ້ຊິດ ໂດຍໄດ້ມີການວິເຄາະ ແລະ ຄາດຄະເນໄພນໍ້າຖ້ວມທີ່ອາດເກີດຂຶ້ນໃນປີດັ່ງກ່າວ.

ຕອນບ່າຍ ວັນທີ 30 ມິຖຸນາ 2021 ຢູ່ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ມີການຈັດພິທີປະກາດ ການແຕ່ງຕັ້ງຮອງລັດຖະມົນຕີ ແລະ ປະກາດ ພະນັກງານ ອອກພັກການ-ຮັບອຸດໜູນບໍານານ ຂອງກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ໂດຍພາຍໃຕ້ການເປັນປະທານຂອງ ທ່ານ ນາງ ບຸນຄໍາ ວໍລະຈິດ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ພິທີດັ່ງກ່າວ ມີບັນດາທ່ານຄະນະນຳກະຊວງ ບັນດາທ່ານ ຫົວໜ້າກົມ, ຮອງກົມ, ບັນດາທ່ານ ພະນັກງານຫຼັກແຫຼ່ງ ໃນນີ້ໄດ້ມີຜູ້ຕາງໜ້າຈາກຄະນະຈັດຕັ້ງສູນກາງພັກ ແລະ ຕາງໜ້າຫ້ອງວ່າການສຳນັກງານນາຍົກລັດຖະມົນຕີ ເຂົ້າຮ່ວມ.

  1. ປະກາດພະນັກງານການນໍາອອກພັກການຮັບອຸດໜູນບໍານານ
  2. ຄຳເຫັນຂອງ ທ່ານ ລັດຖະມົນຕີ ກຊສ ໃນວັນສິ່ງແວດລ້ອມ ແຫ່ງຊາດ ແລະ ວັນສິ່ງແວດລ້ອມໂລກ 2021
  3. ຂໍ້ຕົກລົງ ວ່າດ້ວຍຂໍ້ຫ້າມ ແລະ ວິໄນ ຂອງ ພະນັກງານ-ລັດຖະກອນ ຂະແຫນງ ຊັບພະຍາກອນທຳມະຊາດ ແລະ ສິ່ງແວດລ້ອມ
  4. ບົດລາຍງານ ສະພາບມົນລະພິດ ແຂວງ ຈຳປາສັກ
  • You are here:  
  • Home