ກອງປະຊຸມສະຫຼຸບວຽກງານ ແຜນການ, ການຮ່ວມມື ແລະ ວຽກງານການເງິນ ປະຈໍາປີ 2019, ທິດທາງແຜນການ ປະຈໍາປີ 2020 ແລະ ຜ່ານຮ່າງເບື້ອງຕົ້ນ ແຜນການ 5 ປີ 2021-2025 ຂອງ ຂະ​ແໜງ​ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ໄດ້ໄຂຂຶ້ນຢ່າງເປັນທາງການ ໃນວັນ​ທີ 19 ກຸມພາ 2020 ທີ່ ຫໍປະຊຸມ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ​ ພາຍໃຕ້ການເປັນປະທານຮ່ວມຂອງ ທ່ານ ພູວົງ ຫຼວງໄຊຊະນະ ຫົວໜ້າກົມແຜນການ ແລະ ການຮ່ວມມື ແລະ ທ່ານ ນາງ ຄຳຟອງ ໂສຕາປະເສີດ ຮັກສາການຫົວໜ້າ ກົມການເງິນ. ໃຫ້ກຽດເຂົ້າຮ່ວມ ຂອງ ທ່ານ ສົມມາດ ພົລເສນາ ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ. ມີບັນດາທ່ານ ຄະນະກົມ, ກອງ ສະຖາບັນ ທີ່ກ່ຽວຂ້ອງພາຍໃນ ກຊສ, ຫົວໜ້າພະແນກ, ຮອງຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງ ພ້ອມດ້ວຍ ຜູ້ປະສານງານ ວຽກງານແຜນການຈາກ ຫ້ອງການ, ກົມ, ກອງ, ສະຖາບັນ ແລະ ພຊສ ແຂວງ/ນະຄອນຫຼວງວຽງຈັນ ເຂົ້າຮ່ວມທັງໝົດ 91 ທ່ານ.

ໃນລະຫວ່າງ ວັນທີ 14-18 ກຸມພາ 2020 ທ່ານ ນ. ບຸນຄໍາ ວໍລະຈິດ, ກໍາມະການສຳຮອງ ສູນກາງພັກ, ຮອງເລຂາຄະນະພັກ, ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມດ້ວຍຜູ້ຕາງໜ້າ ຈາກບັນດາກົມກອງທີ່ກ່ຽວຂ້ອງ ເຊິ່ງປະກອບມີ ກົມຊັບພະຍາກອນນໍ້າ, ກົມທີ່ດິນ, ກົມກວດກາ, ກົມນະໂຍບາຍ ຊັບພະຍາກອນທຳມະຊາດ ແລະ ສິ່ງແວດລ້ອມ, ກົມຄວບຄຸມມົນລະພິດ, ກົມສົ່ງເສີມຄຸນນະພາບສິ່ງແວດລ້ອມ, ສະຖາບັນຄົ້ນຄວ້າ ຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ກອງຕິດຕາມກວດກາ ຊັບພະຍາກອນທຳມະຊາດ ແລະ ສິ່ງແວດລ້ອມ, ໄດ້ລົງເຄື່ອນໄຫວຊຸກຍູ້ວຽກງານຮອບດ້ານຂອງຂະແໜງການ ຊັບພະຍາກອນທຳມະຊາດ ແລະ ສິ່ງແວດລ້ອມ ຢູ່ 2 ແຂວງພາກເໜືອ ແຂວງຊຽງຂວາງ ແລະ ແຂວງຫົວພັນ ໂດຍມີການເຄື່ອນໄຫວຄື:

ກົມ ຄຸ້ມຄອງ ແລະ ພັດທະນາທີ່ດິນກະສິກຳ (DALAM) ຮ່ວມມືກັບສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ (NAFRI) ກະຊວງ ກະສິກຳ ແລະປ່າໄມ້ (MAF) ແລະ ກົມ ອຸຕຸນິຍົມແລະອຸທົກກະສາດ, ກະຊວງຊັບພະຍາກອນ ທຳ ມະຊາດແລະສິ່ງແວດລ້ອມ (MONRE) ກຳລັງດຳເນີນວຽກງານເພື່ອສ້າງແຜນທີ່ກ່ຽວກັບຄວາມສ່ຽງແລະຜົນກະທົບທີ່ກ່ຽວຂ້ອງກັບການປ່ຽນແປງຂອງດິນຟ້າອາກາດໃນ ສປປ ລາວ

 

ໃນວັນທີ 18 ກຸມພາ 2020 ກອງຕິດຕາມກວດກາ ຊັບພະຍາກອນທໍາມະຊາດ ແລະ ສິ່ງແວດລ້ອມ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ສົມທົບກັບ ກົມອະນາໄມ ແລະ ສົ່ງເສີມສຸຂະພາບ ກະຊວງ ສາທາລະນະສຸກ, ຄະນະຄຸ້ມຄອງໂຄງການ ທາງລົດໄຟ ກະຊວງ ໂຍທາທິການ ແລະ ຂົນສົ່ງ ພ້ອມດ້ວຍບັນດາ ຂະແໜງການກ່ຽວຂ້ອງຂັ້ນແຂວງ ແລະ ເມືອງ ລົງກວດກາຫາສາເຫດການຕາຍຂອງປາ ຢູ່ເຂດບ້ານວຽງແກ້ວ ເມືອງກາສີ ແຂວງວຽງຈັນ ຕາມການລາຍງານຂອງ ຫ້ອງການ ຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງກາສີ ແຂວງວຽງຈັນ.

ບັນດາຜູ້ແທນຈາກຫຼາຍປະເທດ ໄດ້ລວມຕົວກັນທີ່ໃຈກາງນະຄອນຫຼວງ ປະເທດ ອິນເດຍ ເພື່ອເຂົ້າຮ່ວມ ກອງປະຊຸມລະດັບສາກົນ ຄັ້ງທີ VI ກ່ຽວກັບ ການບໍລິການດິນຟ້າອາກາດ. ໂດຍມີ ທ່ານ ວຽງໄຊ ມະນີວົງ ຜູ້ຊ່ຽວຊານ ດ້ານວຽກ​ງານ ​ອຸ​ຕຸ​ກະ​ເສດ ລະດັບປະເທດຂອງລາວ ແລະ ທັງເປັນຜູ້ອຳນວຍການໂຄງ​ການ​ ສ້າງ​ຄວາມ​ເຂັ້ມ​ແຂງ​ໃຫ້​ແກ່​ລະ​ບົບ​ຂໍ້​ມູນ​ຂ່າວ​ສານ ແລະ ການ​ຕິດ​ຕາມສະພາບ​ອຸ​ຕຸ​ກະ​ເສດ ເພື່ອຊ່ວຍໃນການ ປັບຕົວເຂົ້າກັບການປ່ຽນແປງດິນຟ້າອາກາດ ແລະ ການຄ້ຳປະກັນສະບຽງອາຫານຂອງ ສປປ ລາວ (SAMIS) ທີ່ສະໜັບສະໜູນທຶນ​ໂດຍກອ​ງ​ທຶນສິ່ງແວດລ້ອມໂລກ ໄດ້ຕາງໜ້າຜູ້ແທນຝ່າຍ ສປປ ລາວ ເຂົ້າຮ່ວມໃນຄັ້ງນີ້.

ໃນຕອນເຊົ້າຂອງວັນທີ 06 ກຸມພາ 2020, ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງ ບໍລິຄຳໄຊ ໄດ້ເປີດກອງປະຊຸມສະຫຼູບວຽກງານປະຈຳປີ 2019 ແລະ ທິດທາງແຜນການ 2020 ຂຶ້ນທີ່ ຫ້ອງປະຊຸມໃຫຍ່ຂອງຫ້ອງວ່າການປົກຄອງແຂວງ ບໍລິຄຳໄຊ ຢ່າງເປັນທາງການ. ໃຫ້ກຽດເປັນປະທານຮ່ວມຂອງ ທ່ານ ສົມມາດ  ພົລເສນາ  ກຳມະການສູນກາງພັກ, ເລຂາຄະນະພັກ,  ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ,  ພ້ອມດ້ວຍ ທ່ານ  ບຸນເສັງ  ປະທໍາມະວົງ ຄະນະປະຈຳພັກແຂວງ, ຮອງເຈົ້າແຂວງ ແຂວງ ບໍລິຄໍາໄຊ. ນອກນັ້ນຍັງມີບັນດາທ່ານຕາງໜ້າຈາກຫ້ອງການ, ກົມ, ກອງ, ສະຖາບັນ ແລະ ສູນ ອ້ອມຂ້າງ ກຊສ ເຂົ້າຮ່ວມ ແລະ ບັນດາທ່ານຕາງໜ້າຈາກເມືອງ 7 ຄົວເມືອງ, ຕາງໜ້າຈາກຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມຂັ້ນເມືອງ 7 ເມືອງ, ພ້ອມດ້ວຍຜູ້ແທນເຂົ້າຮ່ວມທັງໝົດ 146 ທ່ານ.

  1. ທ່ານຮອງລັດຖະມົນຕີ ກຊສ ເຂົ້າຮ່ວມກອງປະຊຸມເປີດກວ້າງສໍາລັບຜູ້ມີສ່ວນຮ່ວມ ລະດັບພາກພື້ນ ຄັ້ງທີ IX ຂອງ ຄມສ
  2. ຄະນະນຳ ກຊສ ເຂົ້າອວຍພອນວັນສ້າງຕັ້ງກອງທັບປະຊາຊົນລາວ ຄົບຮອບ 71 ປີ
  3. ກອງປະຊຸມ ເຜີຍແຜ່ຜົນຂອງການເຮັດວຽກຮ່ວມກັບທະນາຄານໂລກ ໂຄງການ ຄສລ 2 ປະຈຳປີ 2019
  4. ເຜີຍແຜ່ ມະຕິກອງປະຊຸມ ຄົບຄະນະບໍລິຫານງານສູນກາງພັກ ຄັ້ງທີ 9 (ສະໄໝທີ X) ແລະ ກອງປະຊຸມ ວິທະຍາສາດ ພາຍໃນກະຊວງ
  • You are here:  
  • Home