ຊາວໜຸ່ມ ປະຊາຊົນປະຕິວັດລາວ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ໄດ້​ຈັດ​ການ​ແຂ່ງ​ຂັນ ກິ​ລາ​ເຕະ​ບານ ຊິງຂັນ ເລຂາຄະນະພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ເຊິ່ງ​ເລີ່ມ​ການ​ແຂ່ງ​ຂັນ ໃນວັນທີ 06-14 ທັນວາ 2018 ຢູ່ທີ່ເດີ່ນເຕະບານ Kvs, ນະຄອນຫລວງວຽງຈັນ, ການແຂ່ງຂັນກິລາບານເຕະ ຄັ້ງທີ IV, ປະຈໍາປີ 2018 ໂດຍໃຫ້ກຽດເຂົ້າຮ່ວມຂອງ ທ່ານ ສົມມາດ ພົລເສນາ ເລຂາຄະນະພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ,ຮອງລັດຖະມົນຕີ, ຫົວໜ້າກົມ, ກອງ, ສູນ, ສະຖາບັນ ແລະ ມີບັນດາຫົວໜ້າໜ່ວຍ, ຄະນະໜ່ວຍ ພ້ອມທັງສະມາຊິກຊາວໜຸ່ມພາຍໃນ ກຊສ ເຂົ້າຮ່ວມຢ່າງຟົດຟື້ນ.

     ໃນພິທີ ສະຫາຍ ປອ. ໄຊນະຄອນ ອິນທະວົງ  ຄະນະ​ປະ​ຈຳ​ພັກ ກຊສ, ເລຂາຄະນະບໍລິຫານງານ ຊາວໜຸ່ມ ປະຊາຊົນປະຕິວັດລາວ ກຊສ, ໄດ້ໃຫ້ຮູ້ວ່າ ການແຂ່ງຂັນກິລາໃນຄັ້ງນີ້ກໍ່ເພື່ອເປັນ​ການ​ສຶບ​ຕໍ່ ຊົມ​ເຊີຍກອງ​ປະ​ຊຸມ​ໃຫ​ຍ່ ຄັ້ງ​ທີ I ຂອງ​ອົງ​ຄະ​ນະ​ພັກ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ຄົບ​ຮອບ ​03 ປີ, ຊົມເຊີຍ 03 ວັນ​ປະ​ຫວັດ​ສາດ​ຂອງ​ຊາດ (ວັນຊາດທີ 02 ທັນວາ ຄົບຮອບ 43 ປີ ແລະ ວັນສ້າງຕັ້ງກອງ​ທັບປະຊາຊົນປະຕິວັດລາວ ຄົບຮອບ 70 ປີ), ແລະ ວັນ​ສ້າງ​ຕັ້ງ​ຖານ​ທີ່​ໝັ້ນ​ເມືອງ ວຽງ​ໄຊ ຄົບ​ຮອບ 50 ປີ ທີ່ໄດ້ໝູນວຽນມາເຖີງ ໃຫ້ເປັນຂະບວນການຢ່າງກ້ວາງຂວາງ ພ້ອມກັນນັ້ນກໍ່ເປັນ​ການ​ສ້າງ​ຂະ​ບວນ​ການ​ຕ້ອນ​ຮັບ​ກອງ​ປະ​ຊຸມ​ໃຫ​ຍ່ 3 ຂັ້ນ ຂອງ​ຄະ​ນະ​ຊາວ​ໜຸ່ມ​ກະ​ຊວງ, ທັງເປັນການຮັດແໜ້ນຄວາມສາມັກຄີໄມຕີຈິດ ມິດຕະພາບ, ຄວາມຮັກແພງເຂົ້າອົກເຂົ້າໃຈເຊິ່ງກັນ ແລະ ກັນ ຂອງບັນດາຄະນະນຳ ແລະ ສະມາຊິກຊາວໜຸ່ມທົ່ວກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ.

     ເຊັ່ນ ການແຂ່ງຂັນໃນຄັ້ງນີ້ ກໍ່ມີບັນດາຊາວໜຸ່ມອ້ອມຂ້າງ 23 ທີມ ແລະ ທີມ ຍິງມີ 10  ທີມ ມາຈາກແຕ່ລະກົມ, ກອງ ເຊິ່ງ​ໄດ້​ດຳ​ເນີນ​ການ​ແຂ່ງ​ຂັນ​ທັງ​ໝົດ 26 ນັດ, ເລີ່ມ​ແຕ່​ວັນ​ທີ 6-14 ທັນ​ວາ 2018, ຜົນຂອງການແຂ່ງຂັນ ປະກົດວ່າທີມ ຊະນະເລີດທີມຊາຍໄດ້ແກ່ ທີມຊາວໜຸ່ມຈາກກົມ ທີ່​ດິນ ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 1,000 000 ກິບ,

​       ຮອງ​ຊະ​ນະ​ເລີດ ອັນດັບທີ 1 ໄດ້ແກ່ ທີມຊາວໜຸ່ມຈາກກົມ ຊັບ​ພະ​ຍາ​ກອນ​ນ້ຳ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 800 000 ກິບ,

ຮອງ​ຊະ​ນະ​ເລີດ ອັນດັບທີ 2 ໄດ້ແກ່ ທີມຊາວໜຸ່ມຈາກ ກົມ ນະ​ໂຍ​ບາຍ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 600 000 ກິບ, ສ່ວນຮອງ​ຊະ​ນະ​ເລີດອັນດັບທີ 3 ໄດ້ແກ່ ທີມຊາວໜຸ່ມຈາກກົມ ນິ​ຕິ​ກຳ+ ກົມ ກວດ​ກາ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 500 000 ກິບ,

ສ່ວນປະເພດບານເຕະທີມຍິງ ລາງວັນຊະນະເລີດທີມຍິງໄດ້ແກ່ ທີມຊາວໜຸ່ມຈາກກົມ ທີ່​ດິນ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 1,​000 000 ກິບ, 

     ຮອງ​ຊະ​ນະ​ເລີດອັນດັບທີ 1 ໄດ້ແກ່ ທີມຊາວໜຸ່ມຈາກກົມ ແຜນ​ການ ແລະ ການ​ຮ່ວມ​ມື, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 800 000 ກິບ,

     ຮອງ​ຊະ​ນະ​ເລີດອັນດັບທີ 2 ໄດ້ແກ່ ທີມຊາວໜຸ່ມຈາກກົມ ​​ນິ​ຕິ​ກຳ+ກົມ ກວດ​ກາ, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 600 000 ກິບ, ແລະ ຮອງ​ຊະ​ນະ​ເລີດອັນດັບທີ 3 ໄດ້ແກ່ ທີມຊາວໜຸ່ມຈາກກົມ ຊັບພະຍາກອນນ້ຳ+ສູນ​ຂໍ້​ມູນ​, ໄດ້ຂັນລາງວັນໜຶ່ງໜ່ວຍ ພ້ອມທັງເງິນລາງວັນ 500 000 ກິບ,

   ໂດຍການໃຫ້ກຽດມອບຂັນລາງວັນໂດຍທ່ານທ່ານ ສົມມາດ ພົລເສນາ ເລຂາຄະນະພັກ ລັດ​ຖະ​ມົນ​ຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ທ່ານ ບຸນ​ມີ ພຸດ​ທະ​ວົງ ຮອງ​ເລ​ຂາ​ຄະ​ນະ​ພັກ ກ​ຊ​ສ.