ໃນ​ຕອ​ນ​ເຊົ້າ​ຂອງວັນ​ທີ 5 ພະ​ຈິກ 2018 ໄດ້​ມີກອງ​ປະ​ຊຸມ ສອງ​ຝ່າຍ ລະ​ຫວ່າງ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ​ສິ່ງ​ແວດ​ລ້ອມ ແລະ ກະ​ຊວງ ທີ່​ດິນ, ພື້ນ​ຖານ​ໂຄງ​ລ່າງ ແລະ ການ​ຄົມ​ມະ​ນາ​ຄົມ ຂອງ ສ ເກົາຫລີ (MOLIT)ໂດຍ​ເປັນ​ກຽດ​ເຂົ້າ​ຮ່ວມກອງ​ປະ​ຊຸມ​​ຂອງ ​ທ່ານ ສົມ​ມາດ ພົ​ລ​ເສ​ນາ ລັດ​ຖະ​ມົນ​ຕີ​ຖະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ທ່ານ ຊອນ ວູ​ຈັນ(Mr Sohn Woojun) ຫົວ​ໜ້າ ຫ້ອງ​ການ ກະ​ຊວງ ທີ່​ດິນ, ພື້ນ​ຖານ​ໂຄງ​ລ່າງ ແລະ ການ​ຄົມ​ມະ​ນາ​ຄົມ ຂອງ ສ ເກົາຫລີ (MOLIT), ທ່ານ ວົງ​ເດືອນ ວົງ​ສີ​ຫາ​ລາດ ຫົວ​ໜ້າ​ກົມ​ທີ່​ດິນ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ​ສິ່ງ​ແວດ​ລ້ອມ ສ​ປ​ປ ລາວ,  ຝ່າຍ​ເກົາ​ຫລີ ປະ​ກອບ​ມີ ຫົວ​ໜ້າ​ກົມ ແລະ ຮອງ​ກົມ ຫົວ​ໜ້າ​ພະ​ແນກ ຮອງ​ຫົວ​ໜ້າ​ພະ​ແນກ ແລະ ຂ່ຽວ​ຊານ ຕ່າງໆ,  ພ້ອມ​ທັງ ບັນ​ດາ​ທ່ານ ຫົວ​ໜ້າ​ບໍ​ລິ​ສັດ 18 ບໍ​ລິ​ສັດ ພ້ອມ​ດ້ວມ​ທີມ​ງານ ແລະ ຫົວ​ໜ້າ​ກົມ​, ຮອງກົມ ພ້ອມ​ທັງ​ວິ​ຊາ​ການ​ທີ່​ກ່ຽວ​ຂ້ອງ​ຂອງ​ພາຍ​ໃນ​ ກະ​ຊວງ ເຂົ້າ​ຮ່ວມ.

     ຈຸ​ດ​ປະ​ສົງ ຂອງກອງ​ປະ​ຊຸມ​ໃນ​ຄັ້ງ​ນີ້ກໍ່​ເພື່ອ ພົບ​ປະ​ສອງ​ຝ່າຍ ແລະ ເພື່ອ​ແລກ​ປ່ຽນ​ຄວາມ​ຄິດ​ເຫັນ ໃນ​ຈັດ​ຕັ້ງ​ປະ​ຕິ​ບັດ​ວຽກ​ງານ ຂອງ​ກະ​ຊວງຊັບ​ພະ​ຍາ​ກອນ​ທຳ​ມະ​ຊາດ ແລະ ສິງ​ແວດ​ລ້ອມ ຂອງ​ລາວ ແລະ ກະ​ຊວງ ທີ່​ດິນ ພື໊ນ​ຖານ​ໂຄ່ງ​ລ່າງ ແລະ ຄົມ​ມະ​ນາ​ຄົມ ຂອງ​ປະ​ເທດ ສ ເກົາ​ຫຼີ ພ້ອມ​ທັງ ປຶກ​ສາ​ຫາ​ລື ໃນ​ການ​ກະ​ກຽມ ສ້າງ​ແຜນ​ການ ດຳ​ເນີນ​ງານ​ຮ່ວມ​ກັນ​ໃນ​ອາ​ນາ​ຄົດ ໃນ​ວຽກ​ງານກໍ່​ສ້າງ​ພື້ນ​ຖານ​ໂຄງ​ລ່າງ​ດ້ານ ລະ​ບົບການ​ຄຸ້ມ​ຄອງ ແລະ ບໍ​ລິ​ຫານ​ຈັດ​ການ​ຂໍ້​ມຸນ​ພື້ນ​ທີ່ ​ຫລື Geospatial Information.

     ໃນ​ກອງ​ປະ​ຊຸມ​ດັ່ງ​ກ່າວກໍ່​ຍັງ​ໄດ້ ​ນຳ​ສະ​ເໜີ ຜົນ​ການ​ດຳ​ເນີນ​ງານ ແລະ ຜົນ​ໄດ້​ຮັບ​ຈາກ​ການ​ດຳ​ເນີນ​ງານ​ໄລ​ຍະ​ຜ່ານ​ມາ ຂອງ ກ​ຊ​ສ ແລະ ພ້​ອມ​ທັງ​ນຳ​ສະ​ເໜີ​ແຜນ​ການ​ປະ​ຕິ​ບັດ​ໃນ​ຕໍ່​ໜ້າ ໃຫ້​ບັນ​ດາ​ທ່ານ​ຜູ້​ເຂົ້າ​ຮ່ວມ​ໄດ້​ຮັບ​ຊາບ (ໂດຍ ທ່ານ​ຮອງ​ຫົວ​ໜ້າ​ກົມ ແຜນ​ການ ແລະ ການ​ຮ່ວມ​ມື), ນຳ​ສະ​ເໜີ​ວຽກ​ງານ ຂອງ​ກົມ​ທີ່​ດິນ ພ້ອມ​ທັງ ສົນ​ທະ​ນາ ​ແລະ ແລກ​ປ່ຽນ​ຖອດ​ຖອນ​ບົດ​ຮຽນ​ເຊີ່ງ​ກັນ​ ແລະ ກັນ​ສອງ​ຝ່າຍ.

ນອກນັ້ນ​ກໍ່​ຍັງ​ໄດ້​ມີກອງ​ປະ​ຊຸມສະ​ເພາະ (ກຽມ MOU) ແມ່ນກອງ​ປະ​ຊູມ ເພື່ອ​ປຶກ​ສາ​ຫາ​ລື ການ​ສ້າງ ແລະ ກະ​ກຽມ​ເນື້ອ​ໃນ​ບົດ​ບັນ​ທຶກ​ຮ່ວມ​ກັນ ລະ​ຫວ່າງ ກົມ​ທີ່​ດິນ ກັບ ກະ​ຊວງ ທີ່​ດິນ ພື້ນ​ຖານ​ໂຄງ​ລ່າງ ແລະ ຄົມ​ມະ​ນາ​ຄົມ ຂອງ​ກົມ​ຫລີ.