ກອງ​ປະ­ຊຸມ​ ສະມາຊິກ​ໜ່ວຍ​ພັກ​ ພະແນກ ແບບຈຳລອງ, ສະຖາບັນ ຄົ້ນຄວ້າ ແລະ ສະຖິຕິ ຊັບພະຍາກອນທຳ ມະຊາດ ແລະ ສິ່ງແວດລ້ອມ (ສຄສຊສ) ໄດ້​ຈັດ​ຂຶ້ນໃນ ຕອນເຊົ້າ ຂອງວັນທີ 27 ກໍລະກົດ 2020, ທີ່​ຫ້ອງປະຊຸມ ກົມ ສິ່ງແວດລ້ອມ, ໂດຍ​ໃຫ້​ກຽດ​ເຂົ້າ​ຮ່ວມຂອງ ສະຫາຍ ໄຊນະຄອນ ອິນທະວົງ ຄະນະປະຈຳພັກ, ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີ​ແຂກ​ຖືກ​ເຊີນຈາກບັນດາຫນ່ວຍພັກອື່ນໆ ອ້ອມຂ້າງ ກຊສ ແລະ ສະ​ມາ​ຊິກ​ພັກຢູ່ພາຍໃນຫນ່ວຍ​ເຂົ້າ​ຮ່ວມ ທັງຫມົດ 32 ສະຫາຍ, ຍິງ 8 ສະຫາຍ.

       ໃນກອງປະຊຸມ ສະຫາຍ ອຸລາພອນ ອ່ອງແກ້ວ ເລຂາໜ່ວຍ​ພັກ​ ພະແນກ ແບບຈຳລອງ ໄດ້ຂຶ້ນຜ່ານບົດສະຫຼຸບ ການນພາການເຄື່ອນໄຫວວຽກງານໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ, ໜ່ວຍພັກ ພະແນກ ແບບຈໍາລອງ ມີສະມາຊິກພັກ ທັງໝົດ 5 ສະຫາຍ, ຍິງ 1 ສະຫາຍ, ໜ່ວຍພັກ ພະແນກ ແບບຈໍາລອງ ​ໄດ້​ເອົາ​ໃຈ​ໃສ່ ນຳ​ພາ ການ​ເຄື່ອນ​ໄຫວ​ວຽກງານ​ວິຊາ​ສະ​ເພາະ ຕາມໜ້າ​ທີ່​ການ​ເມືອງທີ່​ຖືກມອບ​ໝາຍ​. ໄດ້​ປະ​ກອບ​ສ່ວນ​ຢ່າງ​ຕັ້ງ​ໜ້າ​ໃນ​ການ​ຈັດ​ຕັ້ງ​ປະ​ຕິ​ບັດ ແລະ ຜັນ​ຂະ​ຫ​ຍາຍມະ​ຕິ​ຄຳ​ສັ່ງ ຊຶ່ງ​ສະ​ແດງ​ອອກ​ໃນ​ວຽກ​ງານ​ພົ້ນ​ເດັ່ນຕ່າງໆ ​​ຄື:  

  1. ໄດ້ສຳເລັດການເກັບກຳຂໍ້ມູນນໍ້າໄຕ້ດິນ ແລະ ສ້າງແບບຈໍາລອງນໍໍ້າໃຕ້ດິນ ເພື່ອປະເມີນລະດັບນໍ້າ ແລະ ທິດທາງການໄຫຼຂອງນໍ້າໃຕ້ດິນ ເຂດທົ່ງພຽງວຽງຈັນ.
  2. ສໍາເລັດການສັງລວມຂໍ້ມູນຈາກ ຂະແໜງການຕ່າງໆ ແລະ ປັບປຸງຂໍ້ມູນ ເພື່ອຮັບໃຊ້ໃນວຽກງານແບບຈໍາລອງ ແລະ ການປະເມີນຊັບພະຍາກອນນໍ້າ 6 ອ່າງຮັບນໍ້າ (ນໍ້າອູ, ນໍ້າຄານ, ນໍ້າງຶ່ມ, ນໍ້າງຽບ, ເຊບັ້ງໄຟ ແລະ ເຊບັ້ງຫຽງ).
  3. ສຳເລັດການສ້າງແບບຈໍາລອງ ອຸທົກກະສາດ, ແບບຈຳລອງການນຳໃຊ້ນ້ຳ ແລະ ປະເມີນຊັບພະຍາກອນນໍ້າປະຈຸບັນ 4 ອ່າງຮັບນໍ້າ (ເຊບັ້ງໄຟ, ເຊບັ້ງຫຽງ, ເຊໂດນ ແລະ ເຊກອງ).4. ໄດ້ຈັດຕັ້ງປະຕິບັດໂຄງການ ຄຸ້ມຄອງຊັບພະຍາກອນນໍ້າແບບເຊື່ອມສານ ໃນຂົງເຂດແມ່ນໍ້າຂອງຕອນລຸ່ມ ພາຍໃຕ້ການສະໜັບສະໜູນຈາກທະນາຄານໂລກ-ອົງປະກອບ2.3 ການວິເຄາະຊັບພະຍາກອນນໍ້າ.5. ໄດ້ີການກະກຽມ ສ້າງບົດບັນທືກຊ່ວຍຈຳ ຮ່ວມກັບ ມະຫາໄລລັດໂຕມ, ປະເທດລັດເຊຍ ເພື່ອການຮ່ວມມືດ້ານວິຊາການ ກ່ຽວກັບ ແບບຈໍາລອງ ແລະ ການຂຶ້ນບັນຊີຊັບພະຍາກອນທໍາມະຊາດ.

     ໃນ​ໂອ­ກາດ ​ດັ່ງ­ກ່າວ, ສະ­ຫາຍ ປອ ໄຊນະຄອນ ອິນທະວົງ ຄະນະປະຈຳພັກ ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້​ສະ­ແດງ​ຄວາມ​ຍ້ອງ­ຍໍຊົມ­ເຊີຍ​ຕໍ່​ຄະ­ນະໜ່ວຍພັກ ພະແນກ ແບບຈຳລອງ, ພະ­ນັກ­ງານ ​ປະ­ຕິ­ບັດ​ໜ້າ­ທີ່​ການ­ເມືອງ ສາ­ມາດ​ຍາດ​ໄດ້ ­ຜົນ​ງານ​ໃນ​ຫຼາຍໆ​ດ້ານ ແລະ ມີ​ທິດ​ຊີ້​ນໍາ​ໃນ​ແຕ່​ລະ​ວຽກ​ງານ​ຢ່າງ​ພາ­ວະ​ວິ­ໄສ ແລະ ມີ​ຈຸດ​ສຸມ. ນອກ­ຈາກ​ນີ້, ສະຫາຍ ຍັງສະແດງ ຄວາມເປັນຫ່ວງເປັນໄຍ, ໃຫ້ທິດຊີ້ນຳ ແລະ ຕັກເຕືອນ ຕໍ່ໜ່ວຍພັກພະແນກແບບຈຳລອງ ເພື່ອເປັນເຂັມທິດເຍືອງທາງ ແລະ ເປັນການສຶກສາອົບຮົມການເມືອງແນວຄິດໃຫ້ສະມາຊິກພັກພະນັກງານ ໃຫ້ມີຄວາມອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການຊີ້ນໍາ-ນຳພາຂອງພັກແຕ່ລະຂັ້ນ ເຮັດໃຫ້ໜ່ວຍພັກ ພະແນກ ແບບຈຳລອງ ມີພື້ນຖານການເມືອງທີ່ໜັກແໜ້ນ, ມີຄວາມສະຫງົບ, ສະມາຊິກພັກ ພະນັກງານ ມີຄວາມຫ້າວຫັນໃນການ ຈັດຕັ້ງປະຕິບັດວຽກງານສຳເລັດດ້ວຍດີ.