ໃນຕອນເຊົ້າຂອງວັນທີ 20 ມີນາ 2020 ຢູ່ທີ່ສະໂມສອນ ກຊສ, ໄດ້ມີການຈັດກອງປະຊຸມໃຫຍຸ່ ຊາວໜຸ່ມປະຊາຊົນປະຕິວັດລາວ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ຄັັ້ງທີ II ຂຶ້ນ ໃນທ່າມກາງບັນຍາກາດ ທີີ່ທົົ່ວ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ກໍາລັງສຸມໃສ່ຈັດຕັັ້ງປະຕິບັດມະຕິກອງປະຊຸມໃຫຍ່ ຄັັ້ງທີ I ຂອງຊາວໜຸ່ມປະຊາຊົນປະຕິວັດລາວ ຂອງ ກຊສ ແລະ ກະກຽມໃຫ້ແກ່ກອງປະຊຸມໃຫຍ່ຄັ້ງທີ I ຂອງອົງຄະນະພັກ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ຢ່າງເປັນຂະບວນຟົດຟື້ນ ເວົ້າລວມ, ເວົ້າສະເພາະ ກໍ່ແມ່ນການຜັນຂະຫຍາຍ ຈັດຕັ້ງປະຕິບັດມະຕິກອງປະຊຸມໃຫຍຸ່ ຄັ້ງທີ I ຂອງຊາວໜຸ່ມປະຊາຊົນ ປະຕິວັດລາວ ກຊສ ເຂົ້າໃນທຸກຂົງເຂດວຽກງານຂອງຕົນ ຢ່າງເປັນເຈົ້າການ ແລະ ດ້ວຍຄວາມເອົາໃຈໃສ່ ຢ່າງຕັ້ງໜ້າ.

ກອງປະຊຸມໃຫຍ່ ຊາວໜຸ່ມປະຊາຊົນປະຕິວັດລາວ ກຊສ ຄັັ້ງທີ II ມີ ຄວາມພາກພູມໃຈເປັນຢ່າງຍິ່ງ ໂດຍການເປັນປະທານຂອງ ສະຫາຍ ປອ ໄຊນະຄອນ ອິນທະວົງ, ກໍາມະການສູນກາງຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມ, ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ເຂົ້າຮ່ວມມີ ສະຫາຍ ສົມມາດ ພົລເສນາ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ສະຫາຍ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ, ມີ ຜູ້ຕາງໜ້າຈາກ ປະທານສະຫະພັນກຳມະບານ ແລະ ປະທານສະຫະພັນແມ່ຍິງ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ບັນດາສະຫາຍ ເລຂາ ໜ່ວຍພັກຮາກຖານ ຜູ້ແທນກອງປະຊຸມ ຄະນະພັກຮາກຖານ, ບັນດາສະຫາຍ ຕາງໜ້າ ຄຊປປລ ແຮກຊ່ຽວ ແລະ ແຂກທີ່ຖຶກເຊີນເຂົ້າຮ່ວມ.

ໃນກອງປະຊຸມດັ່ງກ່າວ ສະຫາຍ ເລຂາຄະນະບໍລິຫານງານຊາວໜຸ່ມ ກຊສ, ກໍ່ໄດ້ຂຶ້ນ ສະຫຼຸບຕີລາຄາຄືນ ການຊີ້ນໍາ-ນຳພາ ຂອງ ຄຊປປລ ກຊສ ໃນຊຸມປີຜ່ານມາ, ເພື່ອໃຫ້ເຫັນໄດ້ດ້ານດີ ທີີ່ຄວນສືບຕໍ່ເສີມຂະຫຍາຍ, ເຫັນໄດ້ດ້ານອ່ອນ ແລະ ຂໍ້ຄົງຄ້າງ ທີີ່ຕ້ອງໄດ້ເອົາໃຈໃສ່ປັບປຸງແກ້ໄຂ ເຊິ່ງພວກເຮົາຈະໄດ້ຮັບຟັງຈາກບົດລາຍງານການເມືອງ ແລະ ບົດສໍາຫຼວດ ການນໍາພາ ຂອງຄະນະບໍລິຫານງານ ຊາວໜຸ່ມປະຊາຊົນ ປະຕິວັດລາວ ກຊສ ໃນໄລຍະຜ່ານມາ.