ໃນຕອນເຊົ້າຂອງວັນທີ 06 ກຸມພາ 2020, ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງ ບໍລິຄຳໄຊ ໄດ້ເປີດກອງປະຊຸມສະຫຼູບວຽກງານປະຈຳປີ 2019 ແລະ ທິດທາງແຜນການ 2020 ຂຶ້ນທີ່ ຫ້ອງປະຊຸມໃຫຍ່ຂອງຫ້ອງວ່າການປົກຄອງແຂວງ ບໍລິຄຳໄຊ ຢ່າງເປັນທາງການ. ໃຫ້ກຽດເປັນປະທານຮ່ວມຂອງ ທ່ານ ສົມມາດ  ພົລເສນາ  ກຳມະການສູນກາງພັກ, ເລຂາຄະນະພັກ,  ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ,  ພ້ອມດ້ວຍ ທ່ານ  ບຸນເສັງ  ປະທໍາມະວົງ ຄະນະປະຈຳພັກແຂວງ, ຮອງເຈົ້າແຂວງ ແຂວງ ບໍລິຄໍາໄຊ. ນອກນັ້ນຍັງມີບັນດາທ່ານຕາງໜ້າຈາກຫ້ອງການ, ກົມ, ກອງ, ສະຖາບັນ ແລະ ສູນ ອ້ອມຂ້າງ ກຊສ ເຂົ້າຮ່ວມ ແລະ ບັນດາທ່ານຕາງໜ້າຈາກເມືອງ 7 ຄົວເມືອງ, ຕາງໜ້າຈາກຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມຂັ້ນເມືອງ 7 ເມືອງ, ພ້ອມດ້ວຍຜູ້ແທນເຂົ້າຮ່ວມທັງໝົດ 146 ທ່ານ.

ຈຸດປະສົງຕົ້ນຕໍ່ຂອງກອງປະຊຸມໃນຄັ້ງນີ້ ເພື່ອສະຫຼຸບຕີລາຄາ ວຽກງານຂົງເຂດ ຊັບພະຍາກອນທຳມະຊາດ ແລະ ສິ່ງແວດລ້ອມ ປະຈຳປີ 2019 ແລະ ທິດທາງແຜນການ 2020.  ໃນກອງປະຊຸມ ທ່ານ ສົມສະຫງວນ ສຸວັນນະລາດ  ເລຂາຄະນະພັກຮາກຖານ, ຄະນະພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຂຶ້ນຜ່ານການຈັດຕັ້ງປະຕີບັດວຽກງານ ປີ 2019 ແລະ ທິດທາງແຜນການປີ2020 ເຊິ່ງມີລາຍລະອຽດດັ່ງລຸ່ມນີ້:

  • ວຽກບໍລິຫານ ແລະ ການເງິນ
  • ຈຸດບໍລິການປະຕູດຽວ ແມ່ນໄດ້ເຮັດໜ້າທີ່ໃນລະບົບການແກ້ໄຂວຽກທີ່ຕິດພັນກັບຂອບເຂດສິດຂອງອົງການບໍລິຫານລັດໃຫ້ແກ່ບຸກຄົນ ແລະ ການຈັດຕັ້ງຕ່າງໆ ນັບແຕ່ຂອດຮັບຄຳຮ້ອງຄຳສະເໜີຈົນຮອດຂອດໃຫ້ຜົນຕອບແທນແກ່ຜູ້ບໍລິການ ແລະ ສົ່ງເອກະສານຄືນໂດຍຜ່ານໜ່ວຍງານບໍລິການຂອງລັດພຽງບ່ອນດຽວ
  • ເອກະສານ ເຂົ້າ 2,460 ສະບັບ, ເອກະສານອອກ 2,595 ສະບັບ
  • ລາຍຮັບຕ່າງໆ ເຊັ່ນ: ຄ່າຈົດທະບຽນ, ຄ່າທຳນຽມທີ່ດິນ ແລະ ສິ່ງແວດລ້ອມ, ປະຕິບັດໄດ້ 563,933,000 ກີບ, ຄ່າບໍລິການທີ່ດິນ ແລະ ສິ່ງແວດລ້ອມ, ປະຕິບັດໄດ້ 801,736,000 ກີບ, ເທົ່າກັບ 117,35 %
  • ວຽກຈັດຕັ້ງ-ນະໂຍບາຍ
  • ສະເໜີເລື່ອນຊັ້ນ, ຂັ້ນ ເງິນເດືອນ ໄດ້ທັງໝົດ 56 ຄົນ
  • ດັດແກ້ໃບປະກາດທັງໝົດ 6 ຄົນ
  • ສະເໜີການຍ້ອງຍໍ 107 ຄົນ
  • ວຽກງານ ແຜນການ-ສະຖິຕິ ແລະ ຂໍ້ມູນ-ຂ່າວສານ
  • ສົມທົບກັບສູນຂໍ້ມູນ-ຂ່າວສານ ຊັບພະຍາກອນທຳມະຊາດ ແລະ ສິ່ງແວດລ້ອມ ເກັບກຳຂໍ້ມູນ ຊັບພະຍາກອນ ທຳມະຊາດ ແລະ ສິ່ງແວດລ້ອມ ແລະ ສ້າງເປັນລະບົບແຜນທີ່ດຽວ ສຳເລັດ ໂດຍພື້ນຖານແລ້ວ 3 ເມືອງ
  • ເຮັດບົດສະຫຼຸບປະຈຳເດືອນ, 3 ເດືອນ , 6 ເດືອນ, 9 ເດືອນ ແລະ ປີ ສົ່ງໃຫ້ສາຍຕັ້ງ ແລະ ແຂວງໄດ້ທັນຕາມກຳນົດເວລາ.
  • ສຳເລັດການເຮັດບົດສະຫຼຸບ 5 ປີ ແລະ ແຜນ 5 ປີ ຂອງພະແນກ
  • ວຽກງານກວດກາລັດ ແລະ ວຽກງານຕິດຕາມກວດກາ ຊສ:
  • ວຽກງານກວດກາດິນ ແລະ ການນຳໃຊ້ທີ່ດິນໃນຂອບເຂດທົ່ວແຂວງ ມີທັງໝົດ 18 ເລື່ອງ ຄື: ກວດກາລັກລອບຊື້-ຂາຍດິນ, ກວດກາ ການບຸກເບີກເນື້ອທີ່ດິນສວນຂອງປະຊາຊົນ, ກວດກາ ການ​ປ່ຽນ​ເປົ້າ​ໝາຍ​ການ​ນຳ​ໃຊ້​ທີ່​ດິນການຫັນປ່ຽນປະເພດທີ່ດິນ, ກວດກາ​ເອກະສານ​ສິດ​ນຳໃຊ້​ທີ່​ດິນ.
  • ການຕິດຕາມກວດກາ ຊສ ທົ່ວແຂວງມີ ໂຄງການລົງທຶນ ແລະ ກິດຈະການຕ່າງໆ ສູນກາງຄຸ້ມຄອງ(EIA) 9 ໂຄງການ, ແຂວງຄຸ້ມຄອງ (IEE) 182 ໂຄງການ, ເມືອງຄຸ້ມຄອງ 384 ໂຄງການ ເຊັ່ນ: ບັນຫາກິ່ນເໝັນຈາກການໂຮງງານຢ່າງພາລາ, ບັນຫາຄັວນ ແລະ ກິ່ນຂິວຈາກໂຮງງານຫຼອມເຫຼັກ, ບັນຫາສານປົນເປື້ອນ ຈາກໂຄງການປູກຝັງ ແລະ ບັນຫານ້ຳເປື້ອນຈາກໂຮງງານສະກັດຝຸ່ນແຫ້ມ, ນອກນັ້ນ ຍັງໄດ້ລົງຕິດຕາມກວດກາ ແລະ ແກ້ໄຂຄໍາຮ້ອງຟ້ອງ-ຮ້ອງທຸກຂອງປະຊາຊົນໄດ້ທີ່ໄດ້ຮັບຜົນກະທົບທາງດ້ານສິ່ງແວດລ້ອມ ຜ່ານສາຍດ່ວນຂອງສະພາປະຊາຊົນແຂວງ ແລະ ສູນກາງ
  • ວຽກງານທີ່ດິນ ແລະ ວາງແຜນຈັດສັນທີ່ດິນ
  • ອອກໃບຕາດິນ ໄດ້ທັງໝົດ 8,326 ຕອນ, ທຽບໃສ່ແຜນປີຂອງແຂວງ ແມ່ນ ປະຕິບັດໄດ້ 109,69% ທຽບໃສ່ແຜນປີຂອງກະຊວງ ແມ່ນສາມາດປະຕິບັດໄດ້ 138,76 %
  • ຂຶ້ນສຳມະໂນຕອນດິນ ໄດ້ທັງໝົດ 6,057 ຕອນ ທຽບໃສ່ແຜນປີ ແມ່ນສາມາດປະຕິບັດໄດ້ 100,95 %
  • ກວດກາດິນໄດ້ທັງໝົດ 29 ຕອນ ເນື້ອທີ່ ປະມານ 1.000 ຮຕ
  • ລົບລ້າງໄດ້ທັງໝົດ 24 ຕອນ ເນື້ອທີ່ ປະມານ 500 ຮຕ
  • ຮັບຄຳຮ້ອງຟ້ອງທັງໝົດ 14 ກໍລະນີ, ສາມາດແກ້ໄຂຄຳຮ້ອງຟ້ອງ ໄດ້ທັງໝົດ 11 ກໍລະນີ
  • ສຳຫຼວດດິນໃຫ້ແກ່ໂຄງການລົງທຶນໄດ້ປະມານ 200 ຮຕ ແລະ ສຳເລັດການກວດກາໂຄງການເຊົ່າ-ສຳປະທານເນື້ອທີ່ດິນ ໄດ້ 29 ໂຄງການ ໃນ 438 ໂຄງການທົ່ວປະເທດ
  • ດິນ 8 ປະເພດ​ ແມ່ນສໍາເລັດການເກັບກຳຂໍ້ມູນນໍາບັນດາຂະແໜງການ ຂັ້ນແຂວງ ແລະ ເມືອງ ໂດຍການສົມທົບ ກັນລະຫວ່າງ ກົມທີ່ດິນ ແລະ ກົມສິ່ງແວດລ້ອມ ມາຮອດປະຈຸບັນແມ່ນລໍຖ້າການສັງລວມຂໍ້ມູນເຂົ້າລະບົບແຜນທີ່ດຽວ ແລ້ວລົງມາເອກະພາບກັບຂະແໜງການທີ່ກ່ຽວຂ້ອງ
  • ສຳເລັດການເປີດກອງປະຊຸມສຳມະນາວິທະຍາສາດດິນ ພ້ອມຜັນຂະຫຍາຍເປັນອັນລະອຽດ ແລະ ຈັດຕັ້ງປະຕິບັດ
  • ວຽກງານສິ່ງແວດລ້ອມ ແລະ ການປຽ່ນແປງດິນຟ້າອາກາດ
  • ອອກໃບຢັ້ງຢືນສິ່ງແວດລ້ອມໄດ້ທັງໝົດໃນທົ່ວແຂວງໄດ້ 450 ໂຄງການ
  • ຕໍ່ໃບຢັ້ງຢືນສິ່ງແວດລ້ອມໄດ້ທັງໝົດ 95 ໂຄງການ

    ວຽກງານ RMU ຂອງບັນດາເຂື່ອນມີດັ່ງນີ້: RMU ເຂື່ອນໄຟຟ້ານ້ຳງຽບ 1

  • ໃນ​ໄລຍະ​ຜ່ານມາ​ວຽກ​ງານ​ທາງ​ດ້ານ​ພື້ນຖານ​ໂຄງ​ລ່າງ ຖືວ່າ​ທາງ​ໜ່ວຍ​ງານ RMU ​ໄດ້​ສົມທົບ​ກັບ​ທາງ​ພາກ​ລັດ ​ແລະ ທາງ​ບໍລິສັດ ພ້ອມ​ກັນ​ເອົາ​ໃຈ​ໃສ່​ປັບປຸງ​ພື້ນຖານ​ໂຄງ​ລ່າງ​ພາຍ​ໃນ​ບ້ານ ຖືວ່າ​ສໍາ​ເລັດ 100%, ເປັນຕົ້ນບ້ານຈັດສັນ, ບ້ານເທິງເຂື່ອນ ແລະ ລຸ່ມເຂື່ອນ RMU ເຂື່ອນໄຟຟ້ານໍ້າເທີນ 1
  • ການປຸກສ້າງສິ່ງອໍານວຍຄວາມສະດວກຕ່າງໆ ໂຮງຮຽນ, ຕະຫຼາດ, ສະໂມງສອນຫ້ອງການບ້ານ ແລະ ເຮືອນທີ່ຢູ່ອາໄສຈຳນວນ 335 ຫຼັງສໍາເລັດແລ້ວ 90% ສ່ວນລະບົບໄຟຟ້າສໍາເລັດ 100%, ລະບົບນໍ້າປະປາສໍາເລັດ 80% (ຍັງຄາລະບົບບໍາບັດໃຫ້ເປັນນໍ້າປະປາ).
  • ວຽກງານ ຊັບພະຍາກອນນ້ຳ-ອຸຕຸນິຍົມ:
  • ໄດ້ມີການຄຸ້ມຄອງຊັບພະຍາກອນນ້ຳໃນສາຍນ້ຳຫຼັກ 4 ສາຍ ແລະ ສາຍນ້ຳຍ່ອຍ 109 ໃນທົ່ວແຂວງ ແລະ ຕິດຕາມຄຸ້ມຄອງ ບັນດາກິດຈຳການຕ່າງໆ ທີ່ນຳໃຊ້ນ້ຳ ແລະ ຕິດຕາມຄຸນນະພາບຂອງນ້ຳ.
  • ລາຍງານວຽກງານອຸຕຸນິຍົມ ເປັນແຕ່ລະມື້ ​ປົກກະ​ຕິ ​ແລະ ​ຕໍ່​ເນື່ອງເປັນຕົ້ນແມ່ນ ອຸນຫະພູມອາກາດ ຕໍ່າສຸດ ພາຍໃນ, ອຸນຫະພູມອາກາດ ສູງສຸດ, ປະລິມານນ້ຳຝົນລວມລະດັບນ້ຳໃນສາຍນ້ຳຕ່າງໆ ໃນຂອບເຂດທົ່ວແຂວງ ແລະ ສົ່ງສານອາກາດລາຍວັນໃຫ້ກົມອຸຕຸນິຍົມ ເປັນປົກກະຕິ.
  • ການຈັດຕັ້ງປະຕິບັດໂຄງການນ້ຳເທີນ-ນ້ຳກະດິງ ມາຮອດປະຈຸບັນ ແມ່ນໄດ້ສ້າງແຜນຄຸ້ມຄອງອ່າງຮັບນ້ຳເທີນ-ນ້ຳກະດິງ ສຳເລັດແລ້ວໃນປະຈຸບັນ 80%.
  • ສຳເລັດການຕິດຕັ້ງຫຼາວັດແທກນ້ຳ ແລະ ເຄື່ອງເຕືອນນ້ຳຖ້ວມ 1 ແຫ່ງ ຢູ່ເມືອງບໍລິຄັນ.
  • ປີ 2019 ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແມ່ນໄດ້ສຸມໃສ່ການຍາດແຍ່ງທຶນຈາກແຫຼ່ງຕ່າງໆ ( ຂັ້ນສູນກາງ-ແຂວງ ) ເພື່ອມາເຄື່ອນໄຫວວຽກພື້ນຖານໂຄງລ່າງ, ວຽກວິຊາການ ແລະ ວຽກວິຊາສະເພາະຄື: ໂຄງການສິ່ງແວດລ້ອມ ມູນຄ່າ ລວມ 149,710 USD ແລະ ໃນປີ 2019 ມີງົບປະມານ ຈໍານວນ 39,982  USD ເທົ່າກັບ 836.200 ກີບ, ໂຄງການ ນຳເທີນ-ນ້ຳກະດິງ ມູນຄ່າລວມ 1.100.000.000 ກີບ ປະຕິບັດໃນປີ 2019 244,914,000 ກີບ.
  • ງົບປະມານຊຸກຍູ້, ສົ່ງເສີມວຽກງານວິຊາສະເພາະ ປະມານ 200 ກວ່າລ້ານ ກີບ.
  • ຕິດຕັ້ງຫຼາວັດແທກນ້ຳ, ເຕືອນນ້ຳຖ້ວມ ມູນຄ່າ 250.000.000 ກີບ.
  • ໂຄງການກໍ່ສ້າງຫ້ອງການ ອຸຕຸ ແລະ ຫ້ອງການ ຊສ ເມືອງ 2 ເມືອງ ມູນຄ່າ 890.000.000 ກີບ (ຈະ ປະຕິບັດໃນປີ 2020.
  • ສຳລະກ້ອງວັດແທກທີ່ດິນຈຳນວນ 3 ຊຸດ ມູນຄ່າ 000.000 ກີບ ລວມ: 7.548.750.200 ກີບ.

ທິດທາງແຜນການສູ້ຊົນ ປີ 2020.

  • ສຸ່ມໃສ່ວຽກງານ ສຶກສາອົບຮົມການເມືອງ-ແນວຄິດ ໃຫ້ໜັກແໜ້ນ, ປະຕິບັດກົດໝາຍ, ລະບຽບການຕ່າງໆ, ຕັ້ງໜ້າປະຕິບັດຄາດໝາຍໃຫຍ່ໆວາງໄວ້ເຊັ່ນ: ອອກໃບຕາດິນ ບໍ່ໃຫ້ຫຼຸດ 800 ຕອນ, ຂຶ້ນສຳມະໂນຕອນດິນ 6.000 ຕອນ, ສຳຫຼວດເນື້ອທີ່ດິນເພື່ອຮອງຮັບໃຫ້ແກ່ການລົງທຶນ, ແກ້ໄຂບັນຫາປະກົດການຫຍໍ້ທໍ້ໃນຂົງເຂດທີ່ດິນ ແລະ ວຽກງານກວດກາຕ່າງໆ.​
  • ເອົາໃຈໃສ່ຕໍ່ຈຸດບໍລິການໃນການຮັບ-ສົ່ງເອກະສານ ( ເອກະສານ ເຂົ້າ-ອອກ )ຕົ້ນຕໍແມ່ນບໍລິການແກ່ສັງຄົມໃຫ້ດີ, ວ່ອງໄວ ແລະ ຖືກຕ້ອງຕາມກົດໝາຍ.
  • ເອົາໃຈໃສ່ວຽກງານຄຸ້ມຄອງ, ຕິດຕາມ, ກວດກາ ສິ່ງແວດລ້ອມໃຫ້ໄດ້ດີ ເປັນຕົ້ນແມ່ນ ການອອກ/ຕໍ່ອະນຸຍາດ ສິ່ງແວດລ້ອມ ໃຫ້ໄດ້ຢ່າງໜ້ອຍ 70% ຂຶ້ນໄປ ໃນບັນດາໂຄງການຕ່າງໆ, ປະຕິບັດບັນດາກິດຈະກຳໃນໂຄງການສິ່ງແວດລ້ອມ ທັງໂຄງການເກົ່າ ແລະ ໂຄງການໃໝ່.
  • ຄຸ້ມຄອງຊັບພະຍາກອນນ້ຳໃນທົ່ວແຂວງ ເປັນຕົ້ນບັນດາສາຍນ້ຳຕ່າງໆ, ສືບຕໍ່ປະຕິບັດ ໂຄງການອ່າງຮັບນ້ຳເທີນ-ນ້ຳກະດິງ ແລະ ເອົາໃຈໃສ່ເກັບກຳຂໍ້ມູນອຸຕຸນິຍົມ ໃນແຕ່ລະມື້ພ້ອມລາຍງານ ຕໍ່ການນຳຂັ້ນຕ່າງໆຢ່າງປົກກະຕິ.
  • ຕິດຕາມ, ກວດກາ, ປະເມີນຜົນ, ຖອດຖອນ ບົດຮຽນທຸກວຽກງານເປັນແຕ່ລະໄລຍະ, ພ້ອມທັງສະຫຼຸບ, ລາຍງານໃຫ້ປົກກະຕິ.
  • ກໍ່ສ້າງຫ້ອງການ ຊສ ເມືອງ ແລະ ຫ້ອງການ ອຸຕຸນິຍົມ ຈຳນວນ 3 ຫຼັງ ໃຫ້ສຳເລັດ.
  • ຝຶກອົບຮົມໄປແລກປຽ່ນບົດຮຽນດ້ານວິຊາສະເພາະ, ວິຊາການ ແລະ ປັບປຸງກົງຈັກການຈັດຕັ້ງ, ຊັບຊ້ອນ, ຄົ້ນຄວ້າບຸກຄະລາກອນຕາມຄວາມເໝາະສົມ, ຕົວຈິງຂອງໜ້າວຽກ.
  • ສ້າງນິຕິກຳລຸ່ມກົດໝາຍໃຫ້ໄດ້ 2 ນິຕິກຳ.

ກອງປະຊຸມໄດ້ມີການແລກປ່ຽນຄຳຄິດຄຳເຫັນ ຈາກບັນດາທ່ານຜູ້ແທນຈາກກະຊວງ ແລະ ບັນດາເມືອງໄດ້ຂຶ້ນຜ່ານໜ້າວຽກການຈັດຕັ້ງປະຕິບັດ 1 ປີຜ່ານມາ ແລະ ທິດທາງແຜນການປີ 2020, ກອງປະຊຸມໄດ້ມີບັນຍາກາດຟົດຟືນ ແລະ ມີຄວາມໝາຍຄວາມສຳຄັນຫຼາຍໃນການຈັດຕັ້ງປະຕິບັດໃນຂັ້ນທ້ອງຖິ່ນ.

ໃນຕອນທ້າຍຂອງກອງປະຊຸມ  ທ່ານ ສົມສະຫວງນ ສຸວັນນະລາດ ໄດ້ຂຶ້ນຮັບຄຳໂອວາດ ແລະ ທິດຊີ້ນຳຂອງ ທ່ານ ສົມມາດ ພົລເສນາ ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ທ່ານ  ບຸນເສັງ  ປະທໍາມະວົງ ຄະນະປະຈຳພັກແຂວງ, ຮອງເຈົ້າແຂວງ ແຂວງ ບໍລິຄໍາໄຊ.  ກອງປະຊຸມໄດ້ດໍາເນີນມາເປັນເວລາ 1 ວັນ ແລະ ໄດ້ປິດລົງຢ່າງເປັນທາງການ.