ໃນຕອນເຊົ້າຂອງວັນທີ 30 ທັນວາ 2019 ຫ້ອງການ ໄດ້ໄຂກອງປະຊຸມ ໃຫຍ່ຄັ້ງທີ II ຂອງໜ່ວຍພັກ ຂອງຕົນຂຶ້ນຢ່າງເປັນທາງການ ໂດຍການເປັນ ປະທານ ຂອງ ສະຫາຍ ນາງ ບົວຄຳ ສຸລິວັນ, ຮັກສາການເລຂາໜ່ວຍພັກ ຫ້ອງການ, ໃຫ້ກຽດເຂົ້າຮ່ວມຂອງ ສະຫາຍ ສົມມາດ ພົລເສນາ ກໍາມະການສູນກາງພັກ, ເລຂາຄະນະພັກ, ລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ສະຫາຍ ສີສະເຫວີຍ ຈິດຕະສຸພາ ກຳມະການໜ່ວຍພັກ ຫ້ອງການ, ມີບັນດາເລຂາໜ່ວຍພັກ ແລະ ຕາງໜ້າສາມອົງການຈັດຕັ້ງມະຫາຊົນ ອ້ອມຂ້າງ ທີ່ຂຶ້ນກັບ ອົງຄະນະພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ພ້ອມທັງຜູ້ແທນກອງປະຊຸມ ຂອງ ຫ້ອງການ ເຂົ້າຮ່ວມທັງໝົດ ຈຳນວນ 38 ສະຫາຍ, ຍິງ 12 ສະຫາຍ.

ສະຫາຍ ນາງ ບົວຄຳ ສຸລິວັນ, ຮັກສາການເລຂາໜ່ວຍພັກ ຫ້ອງການ ກໍ່ຂື້ນຜ່ານບົດລາຍງານການເມືອງການຈັດຕັ້ງປະຕິບັດວຽກງານທີ່ຜ່ານມາວ່າ: ໜ່ວຍພັກໄດ້ຊີ້ນໍາ-ນໍາພາໂດຍໄດ້ສຸມໃສ່ ຍົກສູງຄຸນນະພາບ,ສ້າງຄວາມຊຳນິຊຳນານຕາມຈຸດໝາຍທີ່ກຳນົດໄວ້ຄື:ໃຫ້ກາຍເປັນເສນາທິການທີ່ດີ,ມີຈັນຍາບັນ-ຈັນຍາທຳ, ການປະສານງານທີ່ເກັ່ງ,ໂປ່ງໃສ-ກວດກາໄດ້, ການບໍລິການຮັບໃຊ້ທີ່ວ່ອງໄວ-ທັນສະ ໄໝ ຜ່ານການຊີ້ນໍາ-ນໍາພາສາມາດປະສົບຜົນສຳເລັດບາງວຽກງານທີ່ພົ້ນເດັ່ນ ຄື:

– ການປະສານສົມທົບກັບບັນດາກົມ, ກອງ, ສູນ, ສະຖາບັນ ໃນການອໍານວຍຄວາມສະດວກໃນການສ້ອມແປງຕຶກອາຄານ, ພາຫະນະ, ແອເຢັນ ໄດ້ເປັນປົກກະຕິ; ປັບປຸງສະຖິຕິຊັບສິນຂອງລັດ ເປັນແຕ່ລະໄລຍະ; ຂຶ້ນແຜນຄິດໄລ່ນໍ້າມັນຮັບໃຊ້ວຽກງານບໍລິຫານ ຂອງບັນດາກົມ, ກອງ, ສູນ, ສະຖາບັນ ແລະ ບັນດາ ພຊສ ແຂວງ ກ່ຽວກັບການສະຫຼຸບວຽກງານ ວິຊາສະເພາະປະຈໍາເດືອນ, ໄຕມາດ, 6 ເດືອນ ແລະ ປະຈໍາປີ; ຄົ້ນຄວ້າຄໍາຮ້ອງ-ຄໍາສະເໜີຜ່ານສາຍດ່ວນ (ສະພາແຫ່ງຊາດ, ຫສນຍ,ຈາກບຸກຄົນ ແລະ ນິຕິບຸກຄົນ) ອໍານວຍຄວາມສະດວກໃຫ້ແກ່ການເຄື່ອນໄຫວຂອງຄະນະນໍາກະຊວງ ໃນການເຄື່ອນໄຫວວຽກງານ ຢູ່ຕ່າງແຂວງ ແລະ ຕ່າງປະເທດ; ການຄົ້ນຄ້ວາ ແລະ ກະກຽມບົດລາຍງານໃຫ້ຄະນະນໍາກະຊວງ ໃນການເຂົ້າຮ່ວມກອງປະຊຸມສູນກາງພັກ, ກອງປະຊຸສະພາແຫ່ງຊາດ, ກອງປະຊຸມລັດຖະບານ, ກອງປະຊຸມນາຍົກ-ຮອງນາຍົກ ແລະ ກອງປະຊຸມປີ່ນອ້ອມຕ່າງໆ; ຮັບປະກັນໄດ້ການຮັບ ແລະ ນໍາສົ່ງເອກະສານເຂົ້າອອກກະຊວງ ໂດຍຮັກສາຄວາມລັບຢ່າງເຂັ້ມງວດ;

– ສໍາເລັດການເຜີຍແຜ່ຈັດຕັ້ງປະຕິບັດຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກຂອງ ກຊສ ພ້ອມຈັດຕັ້ງປະຕິບັດວຽກງານດັ່ງກ່າວ ແລະ ສະຫຼຸບລາຍງານຂັ້ນເທິງ ໄດ້ຢ່າງທັນການ; ປະສານງານກັບບັນດາກົມກອງວິຊາການ ໃນການສະຫຼຸບການຈັດຕັ້ງປະຕິບັດວຽກງານ 3 ສ້າງ ໄລຍະຜ່ານມາ;

– ໄດ້ປັບປຸງເວບໄຊຂອງກະຊວງ, ບັນດາກົມກອງ ແລະ ບັນດາ ພຊສແຂວງ ໂດຍພື້ນຖານ; ຕິດຕາມກວດກາເຄື່ອຄາຍອິນເຕີເນັດ ໃຫ້ສາມາດນໍາໃຊ້ໄດ້ຢ່າງເປັນປົກກະຕິ; ລົງເກັບກໍາຂ່າວການເຄື່ອນໄຫວຂອງຄະນະນໍາກະຊວງ, ບັນດາກົມກອງ ແລະ ບັນດາ ພຊສ ແຂວງ ແລະ ໄດ້ເຜີຍຢ່າງ່ກ້ວາງຂວາງ ຜ່ານວາລະ ສານ-ຈົດໝາຍຂ່າວຂອງກະຊວງ, ເຟດບຸກ, ເວບໄຊຂອງກະຊວງ ພ້ອມທັງໄດ້ຊີ້ນໍາປັບປຸງບັນຊີເລື່ອນຊັ້ນ-ຂັ້ນເງິນເດືອນ ຂອງພະນັກງານຫ້ອງການ ນໍາສະເໜີຂັ້ນເທິງພິຈາລະນາ.

ພ້ອມດຽວກັນນັ້ນ ກອງປະຊຸມ ກໍໄດ້ປ່ອນບັດເລືອກຕັ້ງເອົາ ຄະນະໜ່ວຍພັກ ຊຸດໃໝ່ ຊຶ່ງມີຜູ້ລົງສະໝັກເລືອກຕັ້ງ 5 ສະຫາຍ ແລະ ເລືອກໄດ້ 3 ສະຫາຍ ປະກອບດ້ວຍ.

1. ສະຫາຍ ນາງ ບົວຄຳ ສຸລິວັນ ເປັນເລຂາໜ່ວຍພັກ ເປັນຜູ້ຊີ້ນຳ;

2. ສະຫາຍ ລຽນໄຊ ບຸນມະນີວັນ ເປັນຮອງເລຂາໜ່ວຍພັກ, ເປັນປະທານກວດກາພັກ;

3. ສະຫາຍ ປອ ລີວາເມັງ ບົວປາວ ເປັນກໍາມະການໜ່ວຍພັກ.

ພ້ອມກັນນັ້ນ ກອງປະຊຸມກໍ່ຍັງໄດ້ເລືອກເອົາຜູ້ແທນສົມບູນ ແລະ ສຳຮອງ ເພື່ອເຂົ້າຮ່ວມກອງປະຊຸມໃຫຍ່ຄັ້ງທີ II ຂອງ ອົງຄະນະພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ຈຳນວນ 13 ສະຫາຍ ແລະ ສຳຮອງ 02ສະຫາຍນຳອີກ.

ກອງປະຊຸມຍັງໄດ້ຮັບຟັງການໂອ້ລົມຈາກ ສະຫາຍ ສົມມາດ ພົລເສນາ ກໍາມະການສູນກາງພັກ, ເລຂາຄະນະພັກ, ລັດຖະມົນຕີກະຊວງ, ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ ຜົນສຳເລັດ ໃນການປະຕິບັດວຽກງານຜ່ານມາວ່າ:ຕ້ອງເສີມຂະຫຍາຍດ້ານດີທີ່ຕັ້ງໜ້າ ແລະ ແກ້ໄຂດ້ານອ່ອນຂໍ້ຄົງຄ້າງ ຕາມບົດຮຽນຖອດຖອນໄດ້ໃຫ້ມີການຫັນປ່ຽນຢ່າງຕັ້ງໜ້າ ແລະ ທັນການ ໃນການຊີ້ນໍາ-ນໍາພາ ຂອງຄະນະໜ່ວຍພັກ ໃນທຸກຂົງເຂດວຽກງານທີ່ຢູ່ໃນຄວາມຮັບຜິດຊອບຂອງແຕ່ລະສະຫາຍ.