ໃນວັນທີ 29 ສິງຫາ 2019 ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງ    ໄຊຍະບູລີ ໄດ້ຈັດກອງປະຊຸມກວດກາໂຄງການ ເຊົ່າ-ສໍາປະທານທີ່ດິນລັດ ແລະ ວຽກງານສ້າງແຜນຈັດສັນທີ່ດິນ ແລະ ຄຸ້ມຄອງສິ່ງແວດລ້ອມແບບຮອບດ້ານ ຂັ້ນແຂວງ ຢູ່ທີ່ຫ້ອງປະຊຸມ ຫ້ອງວ່າການແຂວງ ໄຊຍະບູລີ ໂດຍການໃຫ້ກຽດເປັນປະທານຮ່ວມ ຂອງ ທ່ານ ນາງ ບຸນຄໍາ ວໍລະຈິດ ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ທ່ານ ເພັງນິລັນ ຄຳພັນເພັງ ຮອງເຈົ້າແຂວງ ໄຊຍະບູລີ, ມີຄະນະທີມງານຈາກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີບັນດາຫົວໜ້າ, ຮອງຫົວໜ້າພະແນກ ອ້ອມຂ້າງແຂວງ, ບັນດາ ເຈົ້າເມືອງ, ຮອງເຈົ້າເມືອງ 11 ເມືອງ, ບັນດາ ຫົວໜ້າ, ຮອງຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ 11 ເມືອງ, ພ້ອມດ້ວຍພະນັກງານຫຼັກແຫຼ່ງ ແລະ ວິຊາການທີ່ກ່ຽວຂ້ອງເຂົ້າຮ່ວມທັງໝົດຈຳນວນ 80 ທ່ານ , ຍິງ 7 ທ່ານ.

ໃນກອງປະຊຸມ ທ່ານ ບຸນລັບ ແສງອາພອນ ກຳມະການພັກແຂວງ, ຫົວໜ້າພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຂຶ້ນຜ່ານບົດລາຍງານສະພາບການຕິດຕາມກວດກາໂຄງການເຊົ່າ ແລະ ສຳປະທານທີ່ດິນລັດ, ໄດ້ຄົ້ນຄວ້າ 2 ວຽກ ຄື: ວຽກສະເພາະກິດກວດກາໂຄງການເຊົ່າ - ສໍາປະທານທີ່ດິນຕາມຄໍາສັ່ງ 08/ນຍ; ວຽກຈັດສັນທີ່ດິນ ແລະ ຄຸ້ມຄອງສິ່ງແວດລ້ອມແບບຮອບດ້ານ.