ກະຊວງ ຊັບພະຍາກອນທໍາມະຊາດ ແລະ ສິ່ງ ແວດລ້ອມ (ກຊສ) ຈັດກອງປະຊຸມ ສະຫຼຸບ ວຽກງານກວດກາ ແລະ ວຽກງານຈັດຕັ້ງ ປະຈຳ ປີ 2018 ແລະ ທິດທາງປີ 2019 ຈັດຂຶ້ນ ລະ ຫວ່າງວັນທີ 26-27 ມີນາ 2019 ທີ່ ຫ້ອງປະ ຊຸມ ກຊສ, ໂດຍການເປັນປະທານຂອງ ທ່ານ ສົມມາດ ພົລເສນາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງ ຊັບພະ ຍາກອນທໍາມະຊາດ ແລະ ສິ່ງແວດລ້ອມ, ມີຄະ ນະປະຈໍາພັກ, ຮອງລັດຖະມົນຕີ, ຫົວໜ້າ, ຮອງ ຫົວໜ້າຫ້ອງການ, ກົມ, ກອງ, ສູນ ສະຖາບັນ ພ້ອມທັງສະມາຊິກພັກພາຍໃນກະຊວງ ເຂົ້າຮ່ວມ.

ທ່ານ ສົມມາດ ພົລເສນາ ກຳມະການ ສູນກາງ ພັກ, ເລຂາຄະນະພັກ, ລັດຖະມົນຕີ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ກ່າວບາງຕອນວ່າ: ກອງປະຊຸມໃນຄັ້ງນີ້ ມີ ຈຸດປະສົງເພື່ອຈັດຕັ້ງຜັນຂະຫຍາຍເນື້ອໃນ ຈິດ ໃຈ ບົດສະຫຼຸບຂອງ ຄະນະກວດກາສູນກາງພັກ ແລະ ຄະນະຈັດຕັ້ງສູນກາງພັກ ທົ່ວປະເທດ ປະຈຳປີ 2018 ແລະ ບົດໂອ້ລົມຂອງຄະນະ ພັກຂັ້ນເທິງຕໍ່ກັບສອງວຽກງານດັ່ງກ່າວ ກອງປະ ຊຸມ ໄດ້ລົງເລິກການສະຫຼຸບຕີລາຄາສະພາບການ ຈັດຕັ້ງປະຕິບັດວຽກງານ ການຈັດຕັ້ງກໍ່ສ້າງພັກ -ພະນັກງານ ແລະ ປັບປຸງກົງຈັກ ການຈັດຕັ້ງ ແລະ ວຽກງານກວດກາ ຂອງ ຂະແໜງ ຊັບພະ ຍາກອນທຳມະຊາດ ແລະ ສິ່ງແວດລ້ອມ ປະຈຳ ປີ 2018 ແລະ ທິດທາງແຜນການປີ 2019 ພ້ອມທັງ ເຜີຍແຜ່ ແນະນຳເອກະສານທີ່ສຳຄັນ ກ່ຽວກັບການກະກຽມດຳເນີນກອງປະຊຸມ ໃຫຍ່ຮາກຖານພັກ, ບັນດາໜ່ວຍພັກ ເພື່ອເປັນ ພື້ນຖານ ແລະ ບ່ອນອີງໃນການຈັດຕັ້ງປະຕິບັດ ຕົວຈິງໃຫ້ໄດ້ຮັບຜົນດີ.

ຜ່ານການສະຫຼຸບຕີລາຄາການເຄື່ອນໄຫວ ວຽກງານກວດກາ ໃນປີ 2018 ໄດ້ຍົກໃຫ້ເຫັນ ການຈັດຕັ້ງປະຕິບັດວຽກງານກວດກາ ໃນໜຶ່ງປີ ຜ່ານມາ ໂດຍເນັ້ນໜັກໃສ່ວຽກງານກວດກາ, ກວດກາປົກກະຕິ ເປັນບັນຫາສຳຄັນ ເພື່ອເປັນ ການສະກັດກັ້ນ ແລະ ຕ້ານປະກົດການ ຫຍໍ້ທໍ້ ຕ່າງໆ ທີ່ຈະເກີດຂຶ້ນກັບສະມາຊິກພັກ, ພະນັກ ງານລັດຖະກອນ ແລະ ການຈັດຕັ້ງ ໃນຂົງເຂດ ຊັບພະຍາກອນທຳມະຊາດ ແລະ ສິ່ງແວດລ້ອມ, ໄດ້ເປັນເຈົ້າການສົມທົບກັບພາກສ່ວນກ່ຽວ ຂ້ອງ ຄົ້ນຄວ້າ ແລະ ແກ້ໄຂ ບັນຫາຈາກຄຳຮ້ອງ, ຄຳສະເໜີ ຂອງບຸກຄົນ, ການຈັດຕັ້ງ ແລະ ໄດ້ຮັບຈາກຕູ້ຄຳຮ້ອງ, ຄຳສະເໜີ ທີ່ຕັ້ງຢູ່ 8 ຈຸດ ສຳຄັນ ໃນເທດສະບານ ນະຄອນຫຼວງວຽງຈັນ ແລະ ຈາກໂທລະສັບສາຍດ່ວນ 1514 ຂອງ ກະຊວງ ໃນ 1 ປີຜ່ານມາມີຈຳນວນທັງໝົດ: 108 ເລື່ອງ, ແກ້ໄຂແລ້ວ 48 ເລື່ອງ ເຊິ່ງບັນຫາ ສ່ວນໃຫຍ່ ແມ່ນຂໍ້ຂັດແຍ່ງທີ່ດິນ ກວມເອົາ 80 ເປີເຊັນ, ອີກ 20 ເປີເຊັນ ແມ່ນບັນຫາຜົນກະ ທົບຕໍ່ສິ່ງແວດລ້ອມ. ນອກນີ້ກໍ່ໄດ້ກຳນົດທິດ ທາງ ແຜນການເຄື່ອນໄຫວວຽກງານກວດກາ ປີ 2019 ເພີ່ມທະວີການຈັດຕັ້ງ ປະຕິບັດວຽກງານ ຕິດຕາມ, ກວດກາ ຢູ່ຂັ້ນຮາກຖານພັກ, ຫ້ອງ ການ, ບັນດາກົມກອງໂດຍເປັນເຈົ້າການ ໃນການ ຕິດຕາມກວດກາ ຕາມໜ້າທີ່, ຂອບເຂດສິດ ຂອງຕົນ ຖືເອົາວຽກງານຕິດຕາມ, ກວດກາຄວາມ ຮັບຜິດຊອບຂອງຕົນ ຕໍ່ກັບທັດສະນະຂອງພັກ ທີ່ຢັ້ງຢືນວ່າ: ວຽກງານກວດກາ ແມ່ນໜຶ່ງໃນ ພາລະບົດບາດ ແລະ ແບບແຜນວິທີນຳພາ ຂອງ ພັກ ບໍ່ມີການກວດກາ ກໍໝາຍຄວາມວ່າ ບໍ່ມີ ການນຳພາ,  ບັນຫາເກີດຂຶ້ນບ່ອນໃດ ບ່ອນນັ້ນ ເປັນເຈົ້າການກວດກາແກ້ໄຂ ແລະ ແກ້ໄຂຢ່າງ ເດັດຂາດທັນການ ຖືເອົາການສະກັດກັ້ນ ແຕ່ ຫົວທີເປັນຕົ້ນຕໍ ແລະ ເປັນບັນຫາພື້ນຖານ ຍາວ ນານ, ຖືເອົາການຕ້ານ ແລະ ແກ້ໄຂເປັນບັນຫາ ອັນຈຳເປັນ ທີ່ຕ້ອງໄດ້ປະຕິບັດຢ່າງເຂັ້ມງວດ.

ຕໍ່ກັບວຽກງານການຈັດຕັ້ງ, ກໍ່ສ້າງພັກ-ພະນັກ ງານ ແລະ ປັບປຸງກົງຈັກການຈັດຕັ້ງ ເຫັນວ່າ ຄະນະໜ່ວຍພັກ, ສະມາຊິກພັກ ຕະຫຼອດຮອດ ພະນັກງານ-ລັດຖະກອນ ມີຄວາມຮັບຜິດຊອບ ສູງຕໍ່ໜ້າທີ່ການເມືອງ ແລະ ການຈັດຕັ້ງມອບ ໝາຍໃຫ້ ເຊິ່ງສະແດງໃຫ້ເຫັນ ຜົນສຳເລັດຫຼາຍ ດ້ານ ເປັນຕົ້ນ ການສ້າງແຜນການກຳນົດພະນັກ ງານນຳພາ-ຄຸ້ມຄອງ ຂັ້ນສູນກາງ ແລະ ຂັ້ນກະ ຊວງຄຸ້ມຄອງ, ສຳເລັດການຂຽນກຳນົດຕຳແໜ່ງ ງານ ຂອງຂະແໜງ ຊັບພະຍາກອນທຳມະຊາດ ແລະ ສິ່ງແວດລ້ອມ, ສຳເລັດການບັນຈຸລັດຖະ ກອນໃໝ່ ປີ 2018 ໃນຈຳນວນ 35 ຄົນ, ການຝຶກອົບຮົມທິດສະດີ 45 ວັນ ຊຸດທີ III ມີຈຳນວນ 67 ສະຫາຍ, ຍິງ 20 ສະຫາຍ, ຮັບມະຫາຊົນກ້າວໜ້າເປັນສະມາຊິກພັກສຳ ຮອງ 49 ສະຫາຍ, ຍິງ 24 ສະຫາຍ, ເລື່ອນສະ ມາຊິກພັກສຳຮອງຂຶ້ນເປັນສະມາຊິກພັກສົມບູນ 40 ສະຫາຍ, ຍິງ 15 ສະຫາຍ, ໄດ້ມອບບັດ ສະມາຊິກພັກທັງໝົດ 43 ສະຫາຍ, ຍິງ 15 ສະຫາຍ, ໄດ້ອອກຄຳແນະນຳກ່ຽວກັບການກະ ກຽມການດຳເນີນຂອງການຈັດຕັ້ງຮາກຖານພັກ ທີ່ຂຶ້ນກັບອົງຄະນະພັກກະຊວງ, ໄດ້ອະນຸມັດ ໃຫ້ສະມາຊິກພັກ-ພະນັກງານ ໄປຍົກລະດັບ ວິຊາສະເພາະທັງພາຍໃນ ແລະ ຕ່າງປະເທດ 35 ສະຫາຍ, ຍິງ 13 ສະຫາຍ, ເຂົ້າຮ່ວມກອງ ປະຊຸມສຳມະນາ, ຝຶກອົບຮົມໄລຍະສັ້ນ ແລະ ຍາວ ພາຍໃນ ແລະ ຕ່າງປະເທດ 1.011 ສະ ຫາຍ, ຍິງ 202 ສະຫາຍ, ຮັບພະນັກງານ ຈາກຂະແໜງການອື່ນ ເຂົ້າມາສັງກັດ ຂະແໜງ ຊັບພະຍາກອນທຳມະຊາດ ແລະ ສິ່ງແວດລ້ອມ 47 ສະຫາຍ, ຍິງ 11 ສະຫາຍ, ໃນນີ້ແມ່ນ ໄດ້ເອົາໃຈໃສ່ການຕິດຕາມ ແລະ ຊຸກຍູ້ການ ຈັດຕັ້ງປະຕິບັດແຜນການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ແລະ ວຽກງານປະເມີນຜົນການຈັດຕັ້ງປະຕິບັດຂະ ບວນການແຂ່ງຂັນ ຮັກຊາດ ແລະ ພັດທະນາ ຂອງ ຂະແໜງຊັບພະຍາກອນທຳມະຊາດ ແລະ ສິ່ງແວດລ້ອມ.

 ກອງປະຊຸມຄັ້ງນີ້ ຜູ້ເຂົ້າຮ່ວມກອງປະຊຸມຍັງ ໄດ້ປະກອບຄຳຄິດເຫັນຕີລາຄາກ່ຽວກັບວຽກ ງານຈັດຕັ້ງ ວຽກງານກວດກາ ແລະ ວຽກງານ ອື່ນໆ ທີ່ຕິດພັນກັບວຽກງານຈັດຕັ້ງ ວຽກງານ ກວດກາ ເພື່ອພ້ອມກັນປັບປຸງແກ້ໄຂທັນເວລາ ຕີຖອຍດ້ານອ່ອນ ເສີມຂະຫຍາຍດ້ານດີ ຊຶ່ງໄດ້ ມີການປະກອບຄໍາຄິດຄໍາເຫັນຢ່າງເລິກເຊິ່ງ ເປັນເອກະພາບຕໍ່ທິດທາງໜ້າທີ່ຈຸດສຸມໃນແຕ່ ລະດ້ານໃນຕໍ່ໜ້າ ແນໃສ່ເຮັດໃຫ້ວຽກງານຈັດ ຕັ້ງ ວຽກງານກວດກາ ມີຄວາມເຂັ້ມແຂງ ສະ ພາບແນວຄິດພະນັກງານ-ລັດຖະກອນມີຄວາມສະຫງົບ ແລະ ມີການຫັນປ່ຽນທີ່ດີຂຶ້ນກວ່າເກົ່າ ເພື່ອພ້ອມກັນປະຕິບັດໜ້າທີ່ການເມືອງທີ່ພັກ- ລັດມອບໝາຍໃຫ້ດ້ວຍຄວາມຮັບຜິດຊອບສູງ ເພີ່ມທະວີເອົາໃຈໃສ່ການປັບປຸງກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ພ້ອມທັງຍົກສູງ ພາລະບົດບາດການນໍາພາຂອງພັກທຸກຂັ້ນ ໃນການຈັດຕັ້ງຜັນຂະຫຍາຍມະຕິກອງປະຊຸມ ໃຫຍ່ຄັ້ງທີ I ຂອງອົງຄະນະພັກ ກຊສ ໃຫ້ປະກົດ ຜົນເປັນຈິງ.