ກະຊວງ​ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ໄດ້​ຈັດ​ໃຫ້​ມີ​ພິທີ ປ​າຖະກະຖາ ​ເນື່ອງ​ໃນ​ວັນ​ສ້າງ​ຕັ້ງ ພັກ​ປະຊາຊົນ​ປະຕິວັດ​ລາວ ຄົບຮອບ 64 ປີ ຂຶ້ນ​ໃນ​ຕອນ​ເຊົ້າ ຂອງ​ວັນ​ທີ 4 ​ເມສາ 2019 ທີ່​ຫ້ອງ​ປະຊຸມ​ໃຫຍ່ ກຊສ, ​ເຂົ້າ​ຮ່ວມ​ໃນ​ພິທີ​ຮັບ​ຟັງ​ການ​ປາຖະກະຖາ ຄັ້ງ​ນີ້​ໂດຍ​ ສະຫາຍ ສົມ​ມາດ ພົລ​ເສນາ ກຳມະການ​ສູນ​ກາງ​ພັກ, ​ເລຂາ​ຄະນະ​ພັກ​, ລັດຖະມົນຕີ ກະຊວງ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ນອກ​ນັ້ນ​ຍັງ​ມີ​ບັນດາ​ຮອງ​ລັດຖະມົນຕີ, ບັນດາ​ຫົວ ຫ​ນ້າ​ກົມ, ຮອງ​ກົມ, ສະມາຊິກ​ພັກ, ພະນັກງານ​ລັດຖະກອນ ​ໃນ​ທົ່ວ​ກະຊວງ​ເຂົ້າ​ຮ່ວມ​ຢ່າງ​ພ້ອມພຽງ.

ເປັນ​ກຽດ​ຂຶ້ນ​ປາຖະກະຖາ​ຄັ້ງ​ນີ້​ ໂດຍ​ ສະຫາຍ ສຈ. ປອ. ກິ​ແກ້ວ ​ໄຂ​ຄຳ​ພິທູນ, ​ເລຂາທິ ການ​ສູນ​ກາງ​ພັກ, ຫົວໜ້າ​ຄະນະ​ໂຄສະນາ​ອົບຮົມ​ສູນ​ກາງ​ພັກ, ​ໃນ​ການ​ປາຖະກະຖາ ຄັ້ງ​ນີ້ ສະຫາຍ​ກໍ່​ໄດ້​ຍົກ​ໃຫ້​ເຫັນ​ປະຫວັດ​ຄວາມ​ເປັນ​ມາ​ການ​ກຳ​ເນີ​ດຂອງ​ພັກ​ປະຊາຊົນ​ປະຕິວັດ​ລາວ ​ແລະ ຜົນສຳ​ເລັດ ​ແຫ່ງ​ການ​ຊີ້​ນຳ-ນຳພາ ຂອງ​ພັກປະຊາຊົນ​ປະຕິວັດ​ລາວ ​ໃນ​ໄລຍະ​ຕໍ່ສູ້​ປົດ​ປ່ອຍ​ຊາດ ກໍ່​ຄື​ໄລຍະ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ ​ເຊິ່ງສະຫາຍ​ໄດ້​ກ່າວ​ບາງ​ຕອນ​ວ່າ: “ຊາດ​ລາວ​ເປັນ​ຊາດ​ໜຶ່ງ ທີ່​ມີ​ປະຫວັດສາດ​ອັນ​ຍາວ​ນານ, ມີ​ມູນ​ເຊື້ອ​ໃນ​ການ​ຕໍ່​ສູ້ ​ເອົາ​ຊະນະ​ຈັກກະພັດ​ຕ່າງ​ດ້າວ​ຜູ້​ຮຸກ​ຮານ ພ້ອມ​ທັງ​ມີ​ມູນ​ເຊື້ອ​ໃນ​ການ​ປົກ​ປັກ​ຮັກສາ ​ແລະ ພັດທະນາ​ສ້າງສາ​ປະ​ເທດ​ຊາດ” ​ໃນ​ປີ 1893 ຈັກກະພັດ​ຝຣັ່ງ ​ໄດ້​ເຂົ້າ​ມາ​ຍຶດຄອງ​ລາວ ​ເປັນ​ຫົວ​ເມືອງ​ຂຶ້ນ​ແບບ​ເກົ່າ ດ້ວຍ​ການ​ກົດ​ຂີ່​ຂູດ​ຮີດ​ປະຊາຊົນ​ລາວ ຢ່າງ​ໜັກໜ່ວງ ​ແລະ ປ່າ​ເຖື່ອນ. ​ແຕ່​ຍ້ອນ​ປະຊາຊົນ​ລາວ ມີ​ມູນ​ເຊື້ອ​ພິລະ​ອາດ​ຫານ​ຕໍ່ສູ້​ບໍ່​ຍອມ​ຈຳນົນ ຈຶ່ງ​ໄດ້​ພາກັນ​ລຸກ​ຮື້​ຂຶ້ນ​ຕໍ່ຕ້ານ​ແອກ​ປົກຄອງ ຂອງ​ພວກ​ລ່າ​ເມືອງ​ຂຶ້ນ​ຢ່າງ​ອົງອາດ​ກ້າຫານ ​ແລະ ​ເປັນ​ຂະ​ບວນການ​ຕໍ່​ເນື່ອງ ​ແຕ່​ເໜືອ​ຮອດ​ໃຕ້ ​ໂດຍ​ໄດ້​ຮັບ​ການ​ສະໜັບສະໜູນ ຈາກ​ພັກ​ຄອມ​ມູນິດ​ອິນດູຈີນ ​ເຊິ່ງ​ແມ່ນ ປະທານ​ໂຮ່ຈິ​ມິນ ​ເປັນ​ຜູ້ນຳ​ພາ ຂະ​ບວນການ​ຕໍ່ສູ້​ຂອງ​ປະຊາຊົນຢູ່​ອິນດູຈີນ ​ໂດຍ​ສົມທົບ​ກັບ ອົງຄະ​ນະ​ພັກ​ແຄວ້ນ​ລາວ ກໍ່​ໄດ້​ຮັບ​ການ​ສ້າງ​ຕັ້ງ​ຂຶ້ນ, ​ເມື່ອ​ມີ​ພັກ​ນຳພາ​ການ​ຕໍ່ສູ້​ຂອງ​ປະ​ຊາ​ຊົນ ນັບ​ມື້​ນັບ​ໄດ້​ໄຊຊະນະ ​ເປັນ​ກ້າວໆ​ມາ ພັກ​ເຮົາ​ໄດ້​ເດັດດ່ຽວ ນຳພາ​ປວງ​ຊົນ​ລຸກ​ຮື້​ຂຶ້ນ​ຍຶດອຳນາດ, ຍາດ​ເອົາ​ອຳນາດ​ການ​ປົກຄອງ​ໃນ​ທົ່ວ​ປະ​ເທດ ຈາກ​ກຳມື​ຂອງ​ພວກ​ຟາດ​ຊິດ​ຍີ່ປຸ່ນ ​ແລະ ພວກ​ລ່າ​ເມືອງ​ຂຶ້ນ​ຝຣັ່ງ, ປະກາດ​ເອກະລາດ​ຂອງ​ປະ​ເທດ​ລາວ ຕໍ່​ຊາວ​ໂລກ ​ໃນ​ວັນ​ທີ 12 ຕຸລາ ປີ 1945.

ໃນ​ປີ 1955 ຕໍ່ໜ້າ​ຄວາມ​ຮຽກຮ້ອງ​ຕ້ອງການ​ໃໝ່​ຂອງ​ການ​ປະຕິວັດ ​ແລະ ​ໂດຍ​ປະຕິບັດ​ຕາມ​ມະຕິ​ຂອງ​ກອງ​ປະຊຸ​ມ​ໃຫຍ່ ຄັ້ງ​ທີ II ຂອງ​ພັກ​ຄອມ​ມູນິດ​ອິນດູຈີນ, ບັນດາ​ນັກ​ຄອມ​ມູນິດ​ລາວ ພາຍຫຼັງ​ທີ່​ໄດ້​ກະກຽມ​ມາ​ໄລຍະ​ນຶ່ງ ກໍ່​ໄດ້​ເປີດ​ກອງ​ປະຊຸມ​ໃຫຍ່​ຜູ້​ແທນ​ທົ່ວປະ​ເທດ ສ້າງ​ຕັ້ງ​ພັກ​ປະຊາຊົນ ປະຕິວັດ​ລາວ ຂຶ້ນ​ໃນ​ວັນ​ທີ 22 ມີນາ ປີ 1955.

ພາຍຫຼັງ​ພັກ​ປະຊາຊົນ​ປະຕິວັດລາວ​ ​ໄດ້​ຮັບ​ການ​ສ້າງ​ຕັ້ງ​ຂຶ້ນ ກໍ່​ປະ​ເຊີນ​ໜ້າ​ກັບ ຈັກກະ​ພັດ​ອາ​ເມ​ລິ​ກາ ​ເຊິ່ງ​ເປັນ​ພວກ​ລ່າ​ເມືອງ​ຂຶ້ນ​ແບບ​ໃໝ່ ​ແຕ່​ພວກ​ເຮົາ​ກໍ່​ໄດ້​ແບກ​ຫາບ ​ເອົາ​ພາລະ​ກຳ​ອັນ​ໜັກໜ່ວງ ​ເພື່ອ​ຊີ້​ນຳ​ປວງ​ຊົນ​ລາວ​ທັງ​ຊາດ ຕໍ່ສູ້​ຕ້ານ​ການ​ຮຸກ​ຮານ ຂອງ​ຈັກກະພັດ ​ແລະ ລູກ​ແຫຼ້ງ​ຕີນ​ມື ປະຕິ​ການ​ຂາຍ​ຊາດ​ຢ່າງ​ສົມບູນ ​ແລະ ພັດທະນາ​ຢ່າງມີ​ໝາກ​ມີ​ຜົນ ​ເປັນ​ແຕ່ລະ​ໄລຍະ ບໍ່​ວ່າ​ແຕ່​ໄລຍະ​ຕໍ່ສູ້ ປົດ​ປ່ອຍ​ຊາດ ກໍ່​ຄື​ໄລຍະ​ແຫ່ງ​ການ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ ​ເປັນ​ກ້າວໆ​ມາ ​ໃນ​ຕອນ​ທ້າຍ​ຂອງພິ​ທີ ສະຫາຍ​ກໍ່​ໄດ້​ຮຽກຮ້ອງ ​ໃຫ້​ບັນດາ​ສະຫາຍ​ສະມາຊິກ​ພັກ ກໍ່​ຄື​ພະນັກງານ​ຫຼັກ​​ແຫຼ່ງ, ພະນັກງານ​ໜຸ່ມ​ນ້ອຍ ຮຸ່ນ​ສືບທອດ ຈົ່ງ​ໄດ້​ເພີ່ມ​ທະວີ ນ້ຳ​ໃຈ​ຮັກ​ຊາດ​ອັນ​ສູງ​ສົ່ງ, ​ເສີມ​ຂະຫຍາຍ​ມູນ​ເຊື້ອ​ຂອງ​ພັກ​ປະຊາຊົນ ປະຕິວັດ​ລາວ ປົກ​ປັກ​ຮັກສາ​ໝາກຜົນ ຂອງ​ການ​ປະຕິວັດ ພ້ອມ​ກັນ​ກ້າວ​ຂຶ້ນ​ສັງ​ຄົມ​ນິຍົມ ພາຍ​ໃຕ້​ການ​ນຳພາ​ຂອງ​ພັກ ຍາດ​ເອົາ​ໄຊຊະນະ ມາສູ່​ປະ​ເທດ​ຊາດ ມາສູ່​ປະຊາຊົນ ​ໃຫ້​ມີ​ຄວາມສະຫງົບ, ສັງ​ຄົມ​ມີ​ຄວາມ​ສີວິ​ໄລ ​ແລະ ຍຸດຕິ​ທຳ​ເປັນ​ກ້າວໆ.

“ຊົມ​ເຊີຍ ວັນ​ສ້າງ​ຕັ້ງ​ພັກ ປະຊາຊົນ ປະຕິວັດ​ລາວ ຄົບຮອບ 64 ປີ ຢ່າງ​ສຸດ​ໃຈ”