ວຽກງານທີ່ດິນ ແມ່ນວຽກງານໜຶ່ງທີ່ມີຄວາມສຳຄັນ ໃນຂະແໜງ ຊັບພະຍາກອນທຳມະຊາດ ແລະ ສິ່ງແວດລ້ອມ ເວົ້າລວມແລ້ວດິນແມ່ນປັດໃຈສຳຄັນຕໍ່ຊະຕາກຳ ທີ່ຕັດສິນເຖິງຄວາມຍືນຍົງຄົງຕົວຂອງປະເທດຊາດ, ເພາະດິນມັນຕິດພັນກັບຊີວິດ-ສັງຄົມ ກໍ່ຄືການດໍາລົງຊີວິດຂອງປະຊາຊົນບັນດາເຜົ່າໃນທົ່ວປະເທດ, ສະນັ້ນ ລັດຖະບານຈຶ່ງໄດ້ຖືວຽກງານບູລິມະສິດ ທີ່ນອນຢູ່ໃນແຜນຍຸດທະສາດຂອງລັດຖະບານໃນການພັດທະນາເສດຖະກິດ-ສັງຄົມຂອງປະເທດເຮົາ.

ໃນຕອນເຊົ້າຂອງວັນທີ 28 ທັນວາ 2018 ຫ້ອງການ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດກອງປະຊຸມ ສະຫຼຸບ ວຽກງານ ປະຈໍາປີ 2018 ແລະ ທິດທາງແຜນການ ປະຈໍາປີ 2019 ຂອງຫ້ອງການ ຂຶ້ນ ທີ່ ຫ້ອງປະຊຸມ ຫ້ອງການ ກຊສ, ໂດຍພາຍໃຕ້ ການເປັນປະທານຂອງທ່ານ ຄຳພັນ ນັນທະວົງ, ຫົວໜ້າຫ້ອງການ ແລະ ເປັນກຽດເຂົ້າຮ່ວມ ຂອງທ່ານ ສົມມາດ ພົລເສນາ ລັດຖະມົນຕີ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ, ມີບັນດາທ່ານ ຄະນະຫ້ອງການ, ບັນດາ ຜູ້ຕາງໜ້າກົມ, ກອງ ອ້ອມຂ້າງ ກຊສ, ຫົວໜ້າພະແນກ ພ້ອມດ້ວຍ ພະນັກງານ ພາຍໃນ ຫ້ອງການເຂົ້າຮ່ວມ.

         ພິທີປະກາດແຕ່ງຕັ້ງຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມຄົນໃໝ່ ໄດ້ຈັດຂຶ້ນໃນຕອນບ່າຍວັນທີ  17 ທັນວາ 2018 ທີ່ຫ້ອງປະຊຸມໃຫຍ່ ກຊສ ໂດຍເປັນກຽດເຂົ້າຮ່ວມຂອງ ທ່ານ ສົມມາດ ພົລເສນາ ກຳມະການສູນກາງພັກ, ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີບັນດາ ຮອງລັດຖະມົນຕີ, ຫົວໜ້າກົມ, ຮອງກົມ, ກອງ, ສູນ, ສະຖາບັນ ແລະ ຄະນະພະແນກ ພາຍໃນ ກຊສ ເຂົ້າຮ່ວມ.

ໃນ​ວັນ​ທີ 18 ທັນວາ 2018 ຢູ່ທີ່ຫ້ອງປະຊຸມ ສະພາແຫ່ງຊາດ, ທ່ານ ສົມ​ມາດ ພົລ​ເສນາ ລັດຖະມົນຕີ​ ກະຊວງ​ ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ໄດ້​ສະ​ເໜີຮ່າງ​ກົດໝາຍ ວ່າ​ດ້ວຍ​ທີ່​ດິນສະບັບ​ປັບປຸງ ​ຕໍ່ກອງ​ປະຊຸມ ສະ​ໄໝສາມັນ​ ເທື່ອ​ທີ 6 ຂອງ​ສະພາ​ແຫ່ງ​ຊາດ ​ຊຸດ​ທີ VIII ​ເພື່ອ​ເປັນ​ການ ​ທາ​ບທາມ ​ແລະ ​ເປີດ​ໂອກາດໃຫ້​ບັນດາ​ສະມາຊິກ ​ສະພາ​ແຫ່ງ​ຊາດ (ສສຊ) ປະກອບຄຳ​ຄິດ​ຄຳ​ເຫັນ ຢ່າງ​ເລິກ​ເຊິ່ງ ​ແລະ ກົງ​ໄປ​ກົງ​ມາຕໍ່ຮ່າງ​ກົດໝາຍ ສະບັບ​ນີ້ ແຕ່​ຈະ​ບໍ່ທັນ​ໄດ້​ຮັບຮອງ​ເອົາ​ໃນກອງປະຊຸມ ​ເທື່ອ​ນີ້.

ກອງປະຊຸມລັດພາຄີສົນທິສັນຍາ ວ່າດ້ວຍ ການປ່ຽນແປງດິນຟ້າອາກາດ ຄັ້ງທີ 24 ຫຼື (COP24) ໄດ້ຈັດ ຂຶ້ນໃນລະຫວ່າງ ວັນທີ 2-14 ທັນວາ 2018 ທີ່ ເມືອງກາໂຕວິເຊ, ປະເທດໂປໂລຍ ໂດຍການເປັນເຈົ້າພາບຂອງ ລັດຖະບານໂປໂລຍ. ກອງປະຊຸມຄັ້ງນີ້ມີຜູ້ເຂົ້າຮ່ວມຈາກບັນດາປະເທດທີ່ເປັນລັດພາຄີ ຂອງສົນທິສັນຍາດັ່ງກ່າວ ຈຳນວນ 196 ປະເທດ ແລະ ຄູ່ຮ່ວມພັດທະນາ, ອົງການຈັດຕັ້ງສາກົນ, ອົງການຈັດຕັ້ງສາກົນທີ່ບໍ່ສັງກັດ ລັດຖະບານ, ພາກສ່ວນທຸລະກິດ ແລະ ບັນດາສຳນັກຂ່າວຕ່າງໆຈາກທົ່ວໂລກ ຈຳນວນທັງໝົດ 18.420 ຄົນ.

ຄະນະຜູ້ແທນຈາກ ສປປ ລາວ ນຳພາໂດຍ ທ່ານ ນ. ບຸນຄໍາ ວໍລະຈິດ ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ຄະນະຜູ້ແທນປະກອບມີ ກະຊວງ ການຕ່າງປະເທດ, ກະຊວງ ກະສິກໍາ ແລະ ປ່າໄມ້, ກະຊວງ ແຮງງານ ແລະ ສະຫວັດດີການສັງຄົມ ແລະ ກະຊວງ ສາທາລະນະສຸກ.

  1. ພິທີເຊັນສັນຍາໂຄງການ ທີ່ໄດ້ຮັບທຶນ ຈາກ ກປສ
  2. ຊປປລ ກຊສ ຈັດການແຂ່ງຂັນກິລາບານເຕະ ຊິງຂັນ ເລຂາຄະນະພັກ ກຊສ
  3. ເຜີຍແຜ່ ກົດໝາຍວ່າດ້ວຍ ອຸຕຸນິຍົມ ແລະ ອຸທົກກະສາດ ຂັ້ນທ້ອງຖິ່ນພາກເໜືອ
  4. ໜ່ວຍງານວິຊາການ ຄະນະກໍາການຮ່ວມ ຄມສ ລົງຢ້ຽມຢາມສະຖານທີ່ຈະສ້າງ ໂຄງການເຂື່ອນໄຟຟ້າ ພະລັງນໍ້າ ປາກລາຍ

Subcategories

ຂ່າວ ພາຍໃນ

ບົດລາຍງານ

  • You are here:  
  • Home
  • ຂ່າວສານ ປະຊາສຳພັນ