Details

ກອງປະຊຸມລະດັບສາກົນ ຂອງ ກອງທຶນ GCF ໄດ້ໄຂຂຶ້ນໃນວັນທີ 19-23 ສິງຫາ 2019, ທີ່ ເມືອງຊອງໂດ, ສ.ເກົາຫລີ. ກອງປະຊຸມ ດັ່ງກ່າວເປັນຄັ້ງທໍາອິດ ທີ່ເຊື້ອເຊີນເອົາບັນດາຜູ້ແທນລະດັບສູງ ຂອງຈຸດປະສານງານແຕ່ລະປະເທດ ແລະ ອົງການຈັດຕັ້ງສາກົນ ແລະ ພາກພື້ນທີ່ເປັນຄູ່ຮ່ວມງານຂອງກອງທຶນ ໃນທົ່ວໂລກ ເພື່ອມາປຶກສາຫາລື ແລະ ແລກປ່ຽນບັນດາແຜນງານ ແລະ ຈຸດສຸມບູລິມະສິດຂອງຕົນ ເພື່ອກໍານົດຂອບການຮ່ວມມື ເພື່ອກຽມສະເໜີຂໍທຶນຈາກກອງທຶນ GCF.

Details

ກອງປະຊຸມລັດພາຄີສົນທິສັນຍາ ວ່າດ້ວຍ ການປ່ຽນແປງດິນຟ້າອາກາດ ຄັ້ງທີ 24 ຫຼື (COP24) ໄດ້ຈັດ ຂຶ້ນໃນລະຫວ່າງ ວັນທີ 2-14 ທັນວາ 2018 ທີ່ ເມືອງກາໂຕວິເຊ, ປະເທດໂປໂລຍ ໂດຍການເປັນເຈົ້າພາບຂອງ ລັດຖະບານໂປໂລຍ. ກອງປະຊຸມຄັ້ງນີ້ມີຜູ້ເຂົ້າຮ່ວມຈາກບັນດາປະເທດທີ່ເປັນລັດພາຄີ ຂອງສົນທິສັນຍາດັ່ງກ່າວ ຈຳນວນ 196 ປະເທດ ແລະ ຄູ່ຮ່ວມພັດທະນາ, ອົງການຈັດຕັ້ງສາກົນ, ອົງການຈັດຕັ້ງສາກົນທີ່ບໍ່ສັງກັດ ລັດຖະບານ, ພາກສ່ວນທຸລະກິດ ແລະ ບັນດາສຳນັກຂ່າວຕ່າງໆຈາກທົ່ວໂລກ ຈຳນວນທັງໝົດ 18.420 ຄົນ.

ຄະນະຜູ້ແທນຈາກ ສປປ ລາວ ນຳພາໂດຍ ທ່ານ ນ. ບຸນຄໍາ ວໍລະຈິດ ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ຄະນະຜູ້ແທນປະກອບມີ ກະຊວງ ການຕ່າງປະເທດ, ກະຊວງ ກະສິກໍາ ແລະ ປ່າໄມ້, ກະຊວງ ແຮງງານ ແລະ ສະຫວັດດີການສັງຄົມ ແລະ ກະຊວງ ສາທາລະນະສຸກ.

Details

ໃນວັນທີ 04 ມິຖຸນາ 2020 ໄດ້ມີ ກອງປະຊຸມ ວິຊາການ ແລະ ຂັ້ນແຂວງ/ສູນກາງ ເພື່ອຜ່ານບົດປະເມີນຜົນກະທົບຕໍ່ສິ່ງແວດລ້ອມແບບລະອຽດ ສະບັບປີ 2020 ຂອງໂຄງການ ຂະຫຍາຍບໍ່ຄໍາເຊໂປນ ຢູ່ເຂດເມືອງວິລະບູລີ, ແຂວງສະຫວັນນະເຂດ ຂອງບໍລິສັດ ລ້ານຊ້າງມິເນໂຣນສ໌ ລິມິເຕັດ, ທີ່ ໂຮງແຮມຄຣາວພລາຊາ, ນະຄອນຫຼວງວຽງຈັນ ໂດຍການ ເປັນປະທານຮ່ວມ ຂອງທ່ານ ນ. ບຸນຄໍາ ວໍລະຈິດ ຮອງລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ທ່ານ ນ. ພອນສະຫວາດ ບຸບຜາ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ສັນຍາ ປຣະເສີດ ຮອງປະທານກໍາມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ ແລະ ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ ໂດຍການເຂົ້າຮ່ວມ ຂອງບັນດາຂະແໜງການທີ່ກ່ຽວຂ້ອງ ຂັ້ນສູນກາງ ແລະ ທ້ອງຖິ່ນ. ນອກຈາກນີ້, ຍັງມີຜູ້ຊ່ຽວຊານດ້ານສິ່ງແວດລ້ອມ ຕາງໜ້າຈາກອົງການຈັດຕັ້ງສາກົນ, ບໍລິສັດທີ່ປຶກສາດ້ານສິ່ງແວດລ້ອມ ຈໍານວນໜຶ່ງກໍ່ໄດ້ເຂົ້າຮ່ວມ.

Details

Details

ໃນຕອນເຊົ້າຂອງ ວັນທີ 4 ມີນາ 2020, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດກອງປະຊຸມສະຫລຸບວຽກງານ ກວດກາທົ່ວປະເທດ ປະຈຳປີ 2019 ແລະ ທິດທາງແຜນການປະຈຳປີ 2020 ຂອງ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ  ໂດຍການເປັນປະທານຂອງ ສະຫາຍ ສົມມາດ ພົລເສນາ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີຄະນະປະຈຳ, ຄະນະພັກກະຊວງ, ຄະນະໜ່ວຍພັກ, ຫົວໜ້າກົມກອງ, ຮອງຫົວໜ້າກົມກອງ, ຕາງໜ້າຈາກຄະນະຈັດຕັ້ງສູນກາງພັກ, ຄະນະພະແນກ, ສະມາຊິກພັກ ແລະ ພະນັກງານຫຼັກແຫຼ່ງ ເຂົ້າຮ່ວມ.

  1. ກອງປະຊຸມສະຫລຸບວຽກງານຈັດຕັ້ງ, ກໍ່ສ້າງພັກ-ພະນັກງານ ປະຈຳປີ 2019 ແລະ ທິດທາງແຜນການປະຈໍາປີ 2020
  2. ກອງປະຊຸມສະຫຼຸບ ວຽກງານແຜນການ, ການຮ່ວມມື ແລະ ວຽກງານການເງິນ ປະຈຳປີ 2019
  3. ກອງປະຊຸມສະຫຼຸບການເຄື່ອນໄຫວວຽກງານກວດກາພັກ ກຊສ ປະຈຳ 6 ເດືອນຕົ້ນປີ 2019
  4. ກອງປະຊຸມສະຫຼຸບຖອດຖອນບົດຮຽນ ກ່ຽວກັບ ຜົນການກວດກາ ໂຄງການເຊົ່າ ແລະ ສໍາປະທານທີ່ດິນລັດ ໃນກິດຈະການຕ່າງໆ ຈຳນວນ 438 ໂຄງການ ຢູ່ນະຄອນຫຼວງວຽງຈັນ ແລະ ບັນດາແຂວງໃນທົ່ວປະເທດ
  • You are here:  
  • Home
  • ຂ່າວສານ ປະຊາສຳພັນ