ກອງ​ປະ­ຊຸມສະມາຊິກ​ພັກ ໜ່ວຍພັກ ພະແນກ ຕິດຕາມກວດກາສິ່ງແວດລ້ອມໂຄງການລົງທຶນ,  ກົມຄວບຄຸມ ແລະ ຕິດຕາມກວດກາມົນລະພິດ ໄດ້​ຈັດ​ຂຶ້ນໃນຕອນເຊົ້າຂອງ ວັນ​ທີ 3 ກໍ­ລະ­ກົດ 2020​ ທີ່​ຫ້ອງປະຊຸມ ກົມຄວບຄຸມ ແລະ ຕິດຕາມກວດກາມົນລະພິດ, ໂດຍ​ໃຫ້​ກຽດ​ເຂົ້າ​ຮ່ວມຂອງ ສະ­ຫາຍ ນາງ ບຸນຄຳ ວໍລະຈິດ  ກຳມະການສຳຮອງສູນກາງພັກ, ຮອງເລຂາຄະນະພັກ, ປະທານກວດກາພັກ, ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີ​ແຂກ​ຖືກ​ເຊີນຈາກບັນດາຫນ່ວຍພັກອື່ນໆ ອ້ອມຂ້າງ ກຊສ ແລະ ສະ​ມາ​ຊິກ​ພັກຢູ່ພາຍໃນຫນ່ວຍ​ເຂົ້າ​ຮ່ວມ ທັງຫມົດ 28 ສະຫາຍ, ຍິງ 7 ສະຫາຍ.

ໃນກອງປະຊຸມ ສະຫາຍ  ອາລຸນ ໄຊຍະວົງ ເລຂາໜ່ວຍພັກ ພະແນກ ຕິດຕາມກວດກາສິ່ງແວດລ້ອມໂຄງການລົງທຶນ ໄດ້ຂຶ້ນຜ່ານບົດສະຫຼຸບການນໍາພາການຈັດຕັ້ງປະຕິບັດວຽກງານ ໜ່ວຍພັກ ພະແນກ ຕິດຕາມກວດກາສິ່ງແວດລ້ອມໂຄງການລົງທຶນ ແລະ ທິດທາງແຜນການໃນຕໍ່ໜ້າ, ໜ່ວຍພັກ ພະແນກ ຕິດຕາມກວດກາສິ່ງແວດລ້ອມໂຄງການລົງທຶນ ມີສະມາຊິກພັກ ທັງໝົດ 8 ສະຫາຍ, ຍິງ 2 ສະຫາຍ ໃນນັ້ນ, ສະມາຊິກພັກສົມບູນ 7 ສະຫາຍ, ຍິງ 1 ສະຫາຍ ແລະ ສະມາຊິກພັກ ສໍາຮອງ 1 ສະຫາຍ, ຍິງ 1 ສະຫາຍ;

          ໜ່ວຍພັກ ພະແນກ ຕິດຕາມກວດກາສິ່ງແວດລ້ອມໂຄງການລົງທຶນ ໄດ້ນຳພາການຈັດຕັ້ງຜັນຂະຫຍາຍບັນດານະໂຍບາຍ, ຍຸດທະສາດ, ກົດໝາຍ, ລະບຽບການ ມາເປັນແຜນການ, ແຜນງານ, ໂຄງການ ລະອຽດ. ຊຶ່ງມີຜົນງານອັນພົ້ນເດັ່ນ ແລະ ສໍາເລັດໃນຫຼາຍດ້ານ ດັ່ງນີ້:

  • ສ້າງຮ່າງຂໍ້ຕົກລົງ ວ່າດ້ວຍ ການກວດກາວິຊາການດ້ານສິ່ງແວດລ້ອມ ໃນໂຄງການລົງທຶນ ແລະ ກິດຈະການຕ່າງໆ ແລະ ຮ່າງຄູ່ມື​ແນະນຳວິຊາ​ການ ກ່ຽວກັບ ການກວດກາວິຊາການດ້ານສິ່ງແວດລ້ອມ ໂຄງການລົງທຶນ ແລະ ກິດຈະກຳຕ່າງໆ ຢູ່ ສປປ ລາວຄື: (1) ໂຄງການຂະແໜງພະລັງງານ, (2) ໂຄງການຂະແໜງແຮ່ທາດ, (3) ໂຄງການກໍ່ສ້າງເສັ້ນທາງ ແລະ (4) ຄູ່ມື​ແນະນຳໃນການຄຸ້ມຄອງ ແລະ ການເຜີຍແຜ່ຂໍ້ມູນຂ່າວສານ ຜົນການຕິດຕາມກວດກາດ້ານສິ່ງແວດລ້ອມສັງຄົມ ແລະ ທໍາມະຊາດ;
  • ໄດ້ຈັດຕັ້ງປະຕິບັດການຕິດຕາມກວດກາ​ໂຄງການ​ລົງ​ທຶນ ​ແລະ ກິດຈະການ​ຕ່າງໆ ຕາມແຜນຄຸ້ມຄອງ ​ແລະ ຕິດຕາມ​ກວດກາສິ່ງແວດລ້ອມສັງຄົມ ​ແລະ ທຳ​ມະ​ຊາດ;
  • ​ສ້າງ​ເຄືອຂ່າ​ຍວຽກ​ງານ​ຕິດຕາມ​ກວດກາ ຊສ ທົ່ວ​ປະ​ເທດ​ ​ເຊິ່ງສາມາດ​ແລກປ່ຽນ​ຂໍ້​ມູນ​ຂ່າວສານ, ກົດໝາຍ ແລະ ນິຕິ​ກຳ​ຕ່າງໆ ລວມທັງ​ການ​ແລ​ກປ່ຽນ​ປະສົບ​ການ ໃນການຈັດ​ຕັ້ງ​ວຽກ​ງານ​ຕິດຕາມ​ກວດກາ ຊສ ບັນດາ​ໂຄງການ​ລົງທຶນ ​ແລະ ກິດຈະການ​ຕ່າງໆ ຢ່າງມີປະສິດທິຜົນສູງ;
  • ໄດ້ລົງເຄື່ອນໄຫວຊຸກຍູ້ສ້າງຄວາມເຂັ້ມແຂງ ດ້ວຍການຝຶກອົບຮົມກັບທີ່ດ້ານທິດສະດີ ແລະ ການປະຕິບັດຕົວຈິງ ໃຫ້ແກ່ ພະແນກ ຊສ ແຂວງ/ນະຄອນຫຼວງ ແລະ ຫ້ອງການ ຊສ ເມືອງ/ນະຄອນ ໃນການຕິດຕາມກວດກາການປະຕິບັດພັນທະຂອງໂຄງການລົງທຶນ;
  • ຄົ້ນຄວ້າ ແລະ ປະກອບຄໍາເຫັນຕໍ່ຮ່າງບົດລາຍງານ ການປະເມີນຜົນກະທົບຕໍ່ສິ່ງແວດລ້ອມສັງຄົມ ​ແລະ ທຳ​ມະ​ຊາດ, ​ແຜນຄຸ້ມ​ຄອງ ​ແລະ ຕິດຕາມ​ກວດກາ​ສິ່ງ​ແວດ​ລ້ອມ​ສັງຄົມ ​ແລະ ທຳ​ມະ​ຊາດ, ແຜນຄຸ້ມຄອງສິ່ງແວດລ້ອມໂຄງການຊ່ວງໄລຍະກໍ່ສ້າງ, ແຜນຄຸ້ມຄອງສິ່ງແວດລ້ອມໂຄງການຊ່ວງໄລຍະດໍາເນີນງານ, ແຜນການອະນາໄມຊີວະມວນສານ, ແຜນການຟື້ນຟູ ແລະ ປິດບໍ່ ລວມທັງ ແນະນຳຜູ້ພັດທະນາໂຄງການ ພາຍຫຼັງການລົງຕິດຕາມກວດກາສິ່ງແວດລ້ອມສັງຄົມ ແລະ ທຳມະຊາດ ຂອງ​ໂຄງການ​ລົງ​ທຶນ ພ້ອມ​ທັງ​ປະກອບ​ຄຳ​ເຫັນ​ໃຫ້​​ເຈົ້າຂອງ​ໂຄງການ ປັບປຸງ​ບົດ​ລາຍ​ງານ;

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

     ໃນ​ໂອ­ກາດ​ດັ່ງ­ກ່າວ, ສະ­ຫາຍ ນາງ ບຸນຄຳ ວໍລະຈິດ  ກຳມະການສຳຮອງສູນກາງພັກ, ຮອງເລຂາຄະນະ ພັກ, ປະທານກວດກາພັກ, ຮອງລັດຖະມົນຕີ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້​ສະ­ແດງ​ຄວາມ​ຍ້ອງ­ຍໍຊົມ­ເຊີຍ​ຕໍ່​ຄະ­ນະໜ່ວຍພັກ ພະແນກ ຕິດຕາມກວດກາສິ່ງແວດລ້ອມໂຄງການລົງທຶນ, ພະ­ນັກ­ງານ ​ທີ່ປະ­ຕິ­ບັດ​ໜ້າ­ທີ່​ການ­ເມືອງ ສາ­ມາດ​ຍາດ​ໄດ້ ­ຜົນ​ງານ​ໃນ​ຫຼາຍໆ​ດ້ານ ສືບຕໍ່ປັບປຸງກົງຈັກການຈັດຕັ້ງ ສືບຕໍ່ກໍ່ສ້າງສະມາຊິກພັກ, ສ້າງຄວາມເຂັ້ມແຂງໃຫ້ພະນັກງານສູນກາງ ແລະ ທ້ອງຖິ່ນ, ສ້າງຄວາມເຂັ້ມແຂງທາງດ້ານການຈັດຕັ້ງ ແລະ ສ້າງຄວາມເຂັ້ມແຂງທາງດ້ານອຸປະກອນ, ຈັດຕັ້ງປະຕິບັດໜ້າທີ່ຂອງສະມາຊິກພັກ, ວຽກງານກໍ່ສ້າງສະມາຊິກພັກຢ່າງມີຄຸນນະພາບ, ຄົ້ນຄວ້າແນວຄິດການເມືອງ, ຄົ້ນຄວ້າແນວຄິດຂອງຜູ້ນຳ ເພື່ອນຳມາຜັນຂະຫຍາຍໃນໜ້າທີ່ວຽກໃຫ້ປະກົດຜົນເປັນຈິງ.