ເພື່ອຈັດຕັ້ງຜັນຂະຫຍາຍມະຕິ ກອງປະຊຸມໃຫຍ່ ຄັ້ງທີ 5 ຂອງອົງຄະນະພັກເມືອງ ແລະ ແຜນພັດທະນາເສດຖະກິດສັງຄົມ 5 ປີ 2020-2025 ຂອງ ເມືອງສັງທອງ, ໃນຕອນເຊົ້າ ຂອງ ວັນທີ 04 ພະຈິກ 2021 ທີ່ສະໂມສອນ ເມືອງສັງທອງ, ນະຄອນຫຼວງວຽງຈັນ ໄດ້ຈັດພິທີມອບ-ຮັບ ບັນຊີຂໍ້ມູນສຳມະໂນທີ່ດິນ 3 ບ້ານ ທີ່ໄດ້ສຳເລັດ ການສຳຫຼວດວັດແທກທີ່ດິນ ເພື່ອຂຶ້ນທະບຽນ ອອກໃບຕາດິນຈຳນວນ 2,134 ຕອນ ລະຫວ່າງ ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ກັບ ຫ້ອງການ ການເງິນເມືອງ.

    ບົນພື້ນຖານການປະຕິບັດ ມາດຕະການ ປ້ອງກັນ ຄວມຄຸມ ສະກັດກັ້ນ  ແລະ ແກ້ໄຂພະຍາດ ໂຄວິດ-19 ໂດຍການເປັນປະທານ ຂອງ ທ່ານ ພົງສະຫວັນ ສີລິພັນ ກຳມະການພັກ ນະຄອນຫຼວງວຽງຈັນ ເລຂາພັກເມືອງ ເຈົ້າເມືອງ ເມືອງສັງທອງ, ທ່ານ ວົງທອງ ຄໍາກິແກ້ວ ຮອງພະແນກສ່ວຍສາອາກອນ, ຕາງໜ້າ ພະແນກ ຊັບພະຍາກອນ ທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນ, ແລະ ຫ້ອງການອ້ອມຂ້າງໃນຂົງເຂດເສດຖະກິດຂັ້ນເມືອງເຂົ້າເປັນສັກຂີພະຍານໃນຄັ້ງນີ້. ໃຫ້ກຽດມອບໂດຍ ທ່ານ ບົວຈັນ ຂູນໄຊ ຄະນະກໍາມະການພັກເມືອງ ຫົວໜ້າຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມປະຈຳເມືອງ ແລະ ຮັບໂດຍ ທ່ານ ສຸກັນ ບຸນມີໄຊ ຮອງຫົວໜ້າການຫ້ອງການ-ການເງິນ ປະຈຳເມືອງສັງທອງ.

 


ບັນຊີສຳມະໂນທີ່ດິນທີ່ໄດ້ ມອບ-ຮັບ ໃນຄັ້ງນີ້ມີຄື:

  • ບັນຊີສຳມະໂນທີ່ດິນ ບ້ານສຳພັນນາ ລວມທັງໝົດມີ: 905 ຕອນ, ເນື້ອທີ່ດິນ 5,333,543 ຕາແມັດ, ເທົ່າກັບ35 ເຮັກຕາ ໃນນັ້ນມີ:
    -
    ດິນປຸກສ້າງ 424 ຕອນ, ເນື້ອທີ່ດິນ 275,374 ຕາແມັດ, ເທົ່າກັບ53 ເຮັກຕາ;
    -
    ດິນກະສິກໍາ 477 ຕອນ, ເນື້ອທີ່ດິນ 4,696,351 ຕາແມັດ, ເທົ່າກັບ63 ເຮັກຕາ;
    -
    ດິນລວມ 4 ຕອນ , ເນື້ອທີ່ດິນ 88,818 ຕາແມັດ, ເທົ່າກັບ 8.88 ເຮັກຕາ (ດິນກະສິກຳ)
  • ບັນຊີສຳມະໂນທີ່ດິນ ບ້ານ ແກ້ງໜໍ້ ລວມທັງໝົດ ມີ 951 ຕອນ, ເນື້ອທີ່ດິນ 6,410,684 ຕາແມັດ, ເທົ່າກັບ 06 ເຮັກຕາ ໃນນັ້ນມີ:
    -
    ດິນປຸກສ້າງ 493 ຕອນ, ເນື້ອທີ່ດິນ 346,273 ຕາແມັດ, ເທົ່າກັບ62 ເຮັກຕາ,
    -
    ດິນກະສິກຳ 451 ຕອນ, ເນື້ອທີ່ດິນ 5,983,966 ຕາແມັດ, ເທົ່າກັບ39 ເຮັກຕາ,
    -
    ດິນລວມ 7 ຕອນ, ເນື້ອທີ່ 80,455 ຕາແມັດ, ເທົ່າກັບ 8.04 ເຮັກຕາ (ດິນກະສິກຳ)
  • ບັນຊີສຳມະໂນທີ່ດິນບ້ານທ່ານາສ້າງຫີນ ລວມທັງໝົດມີ: 278 ຕອນ, ເນື້ອທີ່ດິນ 3,301,489 ຕາແມັດ, ເທົ່າກັບ 330.14 ເຮັກຕາ ໃນນັ້ນມີ:
    -
    ດິນປຸກສ້າງ 87 ຕອນ, ເນື້ອທີ່ດິນ 76,696 ຕາແມັດ, ເທົ່າກັບ 7.66 ເຮັກຕາ,
    -
    ດິນກະສິກຳ 187 ຕອນ, ເນື້ອທີ່ດິນ 3,197,346 ຕາແມັດ, ເທົ່າກັບ 319.73 ເຮັກຕາ,
    -
    ດິນລວມ 4 ຕອນ, ເນື້ອທີ່ 27,447 ຕາແມັດ, ເທົ່າກັບ 2.74 ເຮັກຕາ (ດິນກະສິກຳ)
  • ບັນຊີສຳມະໂນໃບຕາດິນທີ່ສຳເລັດແລ້ວ (ເຊັນຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນວ) ທັງໝົດມີ 1,559 ໃບ, ໃນນັ້ນກວມເອົາ 33 ບ້ານ.

 ສຳລັບຂໍ້ມູນທີ່ມອບໃນຄັ້ງນີ້ແມ່ນຂໍ້ມູນການສຳຫຼວດວັດແທກເພື່ອອອກໃບຕາດິນຄັ້ງທຳອິດ, ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ຈະໄດ້ສືບຕໍ່ລົງສຳຫຼວດວັດແທກ ເພື່ອຂຶ້ນທະບຽນ ອອກໃບຕາດິນສຳເລັດບ້ານກໍ່ຈະສົ່ງມອບຂໍ້ມູນໃຫ້ ຫ້ອງການ-ການເງິນ, ຫ້ອງການ ສ່ວຍສາອາກອນ. ສ່ວນການເຄື່ອນໄຫວປ່ຽນແປງສິດ (ການມອບໂອນ), ການປ່ຽນແປງການນຳໃຊ້ ແຕ່ລະປະເພດທີ່ດິນແມ່ນ ມອບໃຫ້ຫ້ອງການ-ການເງິນ, ຫ້ອງການສ່ວຍສາອາກອນປະຈຳເມືອງ ສືບຕໍ່ ຕິດຕາມໃນການສ້າງສຳມະໂນພາສີ ທີ່ດິນໃນປີຕໍ່ໄປ.

  ທັງສອງຂະແໜງການ ຈະສືບຕໍ່ຄົ້ນຄວ້າປະສານສົມທົບ ໃນການເກັບກຳຂໍ້ມູນທີ່ດິນ ສ້າງຖານສະຖິຕິ ສຳມະໂນທີ່ດິນກໍ່ຄືສໍາມະໂນພາສີທີ່ດິນ ເພື່ອແນໃສ່ໃນການເກັບລາຍຮັບຈາກທີ່ດິນໃຫ້ເພີ່ມຂຶ້ນ ສອດ ຄ່ອງກັບລະບຽບກົດໝາຍ.