ການແຕ່ງຕັ້ງ ສັບປ່ຽນບ່ອນປະຈຳການ ຂອງພະນັກງານ-ລັດຖະກອນ ແມ່ນເປັນວຽກງານປົກກະຕິ ເພື່ອແນໃສ່ຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານ ກໍ່ຄືການປະຕິບັດໜ້າທີ່ເພື່ອປະກອບສ່ວນຮັບໃຊ້ແນວທາງນະໂຍບາຍ ຂອງພັກ-ລັດ ເວົ້າລວມ ເວົ້າສະເພາະແມ່ນການຈັດຕັ້ງປະຕິບັດວຽກງານຂອງ ຂະແໜງ ຊັບພະຍາກອນທຳມະຊາດ ແລະ ສິ່ງແວດລ້ອມ.
ເຊິ່ງໃນນັ້ນ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ກໍໄດ້ມີການປະກາດ ແຕ່ງຕັ້ງ ສັບປ່ຽນບ່ອນປະຈຳການ ຂອງພະນັກງານນຳພາຂັ້ນກົມ. ໂດຍອີງໃສ່ສະພາບການລະບາດຂອງ ພະຍາດໂຄວິດ-19 ໃນປະຈຸບັນ ຈຶ່ງໄດ້ມີການແບ່ງວາລະໃນການປະກາດແຕ່ງຕັ້ງເປັນແຕ່ລະພາກສ່ວນ ໂດຍໄດ້ຈັດເປັນ 3 ວັນ ເພື່ອສາມາດຮັກສາໄລຍະຫ່າງ ແລະ ຈຳກັດຈຳນວນຄົນເຂົ້າຮ່ວມ ຊຶ່ງມີລາຍລະອຽດດັ່ງລຸ່ມນີ້:
ວັນທີ 2 ພະຈິກ 2021 ໂດຍການເປັນປະທານຂອງ ທ່ານ ນ. ບຸນຄຳ ວໍລະຈິດ ລັດຖະມົນຕີ ກຊສ ໄດ້ມີການປະກາດແຕ່ງຕັ້ງ ຮອງຫົວໜ້າກົມທີ່ດິນ 2 ທ່ານ ຄື:
1. ທ່ານ ປອ ລີວາເມັງ ບົວປາວ
2. ທ່ານ ອິດທິພົນ ຈັນທະມາລິນ
ຕອນເຊົ້າຂອງ ວັນທີ 3 ພະຈິກ 2021 ໂດຍການເປັນປະທານຂອງ ທ່ານ ໄຊຍະເວດ ວິໄຊ ຄະນະປະຈຳພັກ ກະຊວງ ໄດ້ມີການປະກາດແຕ່ງຕັ້ງ ຮອງຫົວໜ້າຫ້ອງການ 2 ທ່ານ ຄື:
1. ທ່ານ ບຸນລັດ ວໍລະຈິດ
2. ທ່ານ ນ ຈິດຖະໜອມ ອຸ່ນສີດາ
 
ໃນວາລະດຽວກັນ ກໍໄດ້ມີການ ປະກາດແຕ່ງຕັ້ງຮອງກົມຈັດຕັ້ງ ແລະ ພະນັກງານ 1 ທ່ານຄື:
1. ທ່ານ ວິພັນໄຊ ຈັນສະມຸດ
ພ້ອມດຽວກັນນັ້ນກໍໄດ້ປະກາດແຕ່ງຕັ້ງ ຮອງຫົວໜ້າກົມກວດກາຊັບພະຍາກອນທຳມະຊາດ ແລະ ສິ່ງແວດລ້ອມ 4 ທ່ານຄື:
1. ທ່ານ ອະລິຍະສັກ ຕຸນາລົມ
2. ທ່ານ ອາລຸນ ໄຊຍະວົງ
3. ທ່ານ ນ ບຸນຍາແສງ ແສງຄຳມີ
4. ທ່ານ ລັດສະໝີ ວໍລະລາດ
 
 
ຕອນບ່າຍຂອງວັນດຽວກັນ ໂດຍການເປັນປະທານຂອງ ທ່ານ ພູວົງ ຫຼວງໄຊຊະນະ ຮອງລັດຖະມົນຕີ ກຊສ ກໍໄດ້ມີການປະກາດແຕ່ງຕັ້ງ ຮອງຫົວໜ້າ ສະຖາບັນຄົ້ນຄວ້າ ຊສ 1 ທ່ານ ຄື:
1. ທ່ານ ລຽນໄຊ ບຸນມະນີວັນ
 
ໃນຕອນເຊົ້າ ວັນທີ 4 ພະຈິກ 2021 ໂດຍການເປັນປະທານຂອງ ທ່ານ ຈັນທະເນດ ບົວລະພາ ຮອງລັດຖະມົນຕີ ກຊສ ໄດ້ມີການປະກາດແຕ່ງຕັ້ງ ຮອງຫົວໜ້າກອງເລຂາຄະນະກຳມະການແມ່ນ້ຳຂອງແຫ່ງຊາດ 2 ທ່ານຄື:
1. ທ່ານ ສີວັນນະກອນ ມະລີວັນ
2. ທ່ານ ນ ສຸດາວີ ແກ້ວປະເສີດ
 
ວາລະຕໍ່ມາ ກໍໄດ້ມີການ ປະກາດແຕ່ງຕັ້ງຮອງຫົວໜ້າ ກົມອຸຕຸນິຍົມ ແລະ ອຸທົກກະສາດ 1 ທ່ານຄື:
1. ທ່ານ ປອ ນ. ວິລະນີ ແສງຈັນທຣ໌
 
ນອກຈາກນັ້ນ ກໍໄດ້ປະກາດແຕ່ງຕັ້ງຮອງຫົວໜ້າ ກົມຊັບພະຍາກອນນ້ຳ 1 ທ່ານຄື:
1. ທ່ານ ປອ ແສງມົວ ທາວເພຍຫຼວງ
ຕອນບ່າຍຂອງວັນດຽວກັນ ພາຍໃຕ້ການເປັນປະທານຂອງ ທ່ານ ພູວົງ ຫຼວງໄຊຊະນະ ຮອງລັດຖະມົນຕີ ກຊສ ກໍໄດ້ມີການປະກາດແຕ່ງຕັ້ງ ຮອງຫົວໜ້າ ກົມສິ່ງແວດລ້ອມ 1 ທ່ານຄື
1. ທ່ານ ເທວະຣັກ ພອນແກ້ວ
ໂອກາດດັ່ງກ່າວນີ້ ທ່ານປະທານກໍ່ຍັງໄດ້ໂອລົມຕໍ່ພິທີ ແລະ ໄດ້ຍ້ອງຍໍຊົມເຊີຍ ຕໍ່ຜົນງານຂອງຜູ້ທີ່ຖືກແຕ່ງຕັ້ງໃໝ່ກັບຜົນສຳເລັດໃນຫຼາຍໆດ້ານທີ່ຜ່ານມາ, ການແຕ່ງຕັ້ງສັບປ່ຽນພະນັກງານນຳພາໃນຄັ້ງນີ້ ສະແດງ ເຖິງຄວາມເຕີບໃຫຍ່ຂະຫຍາຍຕົວຂອງວຽກງານ ຂະແໜງ ຊັບພະຍາກອນທຳມະຊາດ ແລະ ສິ່ງແວດລ້ອມ ທີ່ໄດ້ຮັບຄວາມໄວ້ເນື້ອເຊື້ອໃຈ ຈາກ ພັກ-ລັດ ແລະ ປະຊາຊົນ. ການສັບປ່ຽນແມ່ນ ເພື່ອສ້າງເງື່ອນໄຂສະດວກຮອບດ້ານໃຫ້ວຽກງານ ຂະແໜງ ຊັບພະຍາກອນທຳມະຊາດ ແລະ ສິ່ງແວດລ້ອມ ມີປະສິດທິພາບ ແລະ ບັນລຸຕາມຈຸດປະສົງເປົ້າໝາຍທີ່ຄາດໄວ້. ພ້ອມນີ້ກໍ່ຍັງໄດ້ເນັ້ນໜັກໃຫ້ ບັນດາທ່ານຜູ້ທີ່ຖືກແຕ່ງຕັ້ງໃນຄັ້ງນີ້ ຈົ່ງນຳເອົາບົດຮຽນ ກໍ່ຄືຜົນສຳເລັດໃນການເຄື່ອນໄຫວຜ່ານມາ ຜັນຂະຫຍາຍເຂົ້າໃສ່ໜ້າທີ່ວຽກງານ ທີ່ໄດ້ຮັບມອບໝາຍ ພ້ອມຝຶກຝົນຫຼໍ່ຫຼອມຕົນເອງໃຫ້ມີການພັດທະນາທີ່ດີຂຶ້ນເລື້ອຍໆ ເພື່ອຕອບສະໜອງກັບໜ້າທີ່ ວຽກງານ ທີ່ພັກ-ລັດ ມອບໝາຍໃຫ້ໃໝ່ນີ້ ເພື່ອໃຫ້ເກີດດອກອອກຜົນ ແລະ ມີຜົນສຳເລັດຍິ່ງໃຫຍ່ຂຶ້ນກວ່າເກົ່າ