ໃນ​ຕອນ​ເຊົ້າ​ຂອງວັນ​ທີ 31 ຕຸ​ລາ 2018 ທີ່​ຫ້ອງ​ປະ​ຊຸມ ຫ້ອງວ່າ​ການ​ນະ​ຄອນຫຼວງວຽງ​ຈັນ ໄດ້​ມີ​ການ​ຈັກ​ກອງ​ປະ​ຊຸມ ສ້າງ​ແຜນ​ງານກຳ​ນົດ​ພະ​ນັກ​ງານ​ນຳ​ພາ-ຄຸ້ມ​ຄອງ ແລະ ປັບ​ປຸງ ການ​ຈັດ​ຕັ້ງ ຂອງ​ພະ​ແນກ ຊັບ​ພະ​ຍາ​ກອນ​ທຳ​ມະ​ຊາດ​ແລະ​ສິ່ງ​ແວ​ດ້ອມ​ນະ​ຄອນຫຼວງວຽງ​ຈັນ ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ບຸນ​ທອງ ພົມ​ມະ​ຈັນ ຄະ​ນະ​ປະ​ຈຳ​ພັກ ຫົວ​ໜ້າ​ຄະ​ນະ​ຈັດ​ຕັ້ງ​ນະ​ຄອນຫຼວງວຽງ​ຈັນ, ແລະ ເຂົ້າ​ຮ່ວມ​ໂດຍ​ທ່ານ ບຸນ​ທາມ ພຸດ​ທະ​ວົງ​ສາ ຫົວ​ໜ້າ​ພະ​ແນກ​ ຊັບພະ​ຍາ​ກອນ​ທ​ຳ​ມະ​ຊາດ ແລະ​ ສິ່ງ​ແວດ​ລ້ອມ​ນະ​ຄອນຫຼວງວຽງ​ຈັນ ມີ ຮອງ​ກົມ, ຄະ​ນະ​ຮາກ​ຖານ, ຮອງ​ຫົວ​ໜ້າ​ພະ​ແນກ, ຫົວ​ໜ້າ-ຮອງ​ຫົວ​ໜ້າ​ຫ້ອງ​ການ ຊັບ​ພະ​ຍາ​ກອນ​ທຳ​ມະ​ຊາດ ແລະ​ສິ່ງ​ແວດ​ລ້ອ​ມ​ເກົ້າ​ຕົວ​ເມືອງ ພ້ອມ​ທັງ​ສະ​ມາ​ຊິກ​ພັກ- ພະ​ນັກ​ງານ​ທັງ​ໝົດ​ເຂົ້າ​ຮ່ວມ.

     ໃນ​ກອງ​ປະ​ຊຸມ​ດັ່ງ​ກ່າວ ທ່ານ ບຸນ​ທອງ ພົມ​ມະ​ຈັນ ຄະ​ນະ​ປະ​ຈຳ​ພັກ ຫົວ​ໜ້າ​ຄະ​ນະ​ຈັດ​ຕັ້ງ​ນະ​ຄອນຫຼວງວຽງ​ຈັນ ກໍ​ໄດ້​ເຜີຍ​ແຜ່ ສຶກ​ສາ​ອົບ​ຮົມ​ວຽກ​ງານ​ການ​ເມືອງ-ແນວ​ຄິດ​ໃຫ້​ແກ່​ພະ​ນັກ​ງານ ພະ​ແນກ​ ຊັບພະ​ຍາ​ກອນ​ທ​ຳ​ມະ​ຊາດ ແລະ​ ສິ່ງ​ແວດ​ລ້ອມ​ນະ​ຄອນຫຼວງວຽງ​ຈັນ, ພ້ອມ​ທັງ​ຜ່ານ​ມະ​ຕິ​ຂອງ​ກົມ​ການ​ເມືອງ​ສູນ​ກາງ​ພັກ, ສະ​ບັບ​ເລກ​ທີ 03/ກມ​ສ​ພ, ລົງ​ວັນ​ທີ 03 ມັງ​ກອນ 2018 ວ່າ​ດ້ວຍ​ມາດ​ຖານ​ພະ​ນັກ​ງານ​ນຳ​ພາ-ຄຸ້ມ​ຄອງ ແລະ ຜ່ານ​ມະ​ຕິ​ກົມ​ການ​ເມືອງ​ສູນ​ກາງ​ພັກ, ສະ​ບັບ​ເລກ​ທີ 032/ກມ​ສ​ພ, ລົງ​ວັນ​ທີ 03 ມັງ​ກອນ 2018 ວ່າ​ດ້ວຍ​ການ​ສ້າງ​ແຜນ​ກຳ​ນົດ​ພະ​ນັກ​ງານ​ນຳ​ພາ-ຄຸ້ມ​ຄອງ.

     ຈາກນັ້ນ​ທ່ານ​ນາງ ທອງ​ຈັນ ອະ​ຄະ​ມາ​ເຂດ ຮອງ​ຫົວ​ໜ້າ​ກົມ ຈັດ​ຕັ້ງ ແລະ ພະ​ນັກ​ງານ​ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ຂື້ນ​ຜ່ານ​ດຳ​ລັດ​ຂອງ​ນາ​ຍົກ​ລັດ​ຖະ​ມົນ​ຕີ, ສະ​ບັບ​ເລກ​ທີ 461/ລຍ, ລົງ​ວັນ​ທີ 9/10/2012 ແລະ ຂໍ້​ຕົກ​ລົງ ຂອງ​ລັດ​ຖະ​ມົນ​ຕີ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ສະ​ບັບ​ເລກ​ທີ 3171/ກ​ຊ​ສ, ລົງ​ວັນ​ທີ 01 ສິງ​ຫາ 2017 ວ່າ​ດ້ວຍ​ການ​ຈັດ​ຕັ້ງ ​ແລະ ເຄື່ອນ​ໄຫວ​ຂອງ​ພະ​ແນກຊັບພະ​ຍາ​ກອນ​ທ​ຳ​ມະ​ຊາດ ແລະ​ ສິ່ງ​ແວດ​ລ້ອມ​ນະ​ຄອນຫຼວງວຽງ​ຈັນ.

     ໃນ​ຕອນ​ທ້າຍ​ຂອງກອງ​ປະ​ຊຸມກໍ່​ຍັງ​ໄດ້​ປ່ອນ​ບັດ​ທາບ​ທາມ ເພື່ອສ້າງ​ແຜນ​ງານກຳ​ນົດ​ພະ​ນັກ​ງານ​ນຳ​ພາ-ຄຸ້ມ​ຄອງ ແລະ ປັບ​ປຸງ ການ​ຈັດ​ຕັ້ງ ຂອງ​ພະ​ແນກ ຊັບ​ພະ​ຍາ​ກອນ​ທຳ​ມະ​ຊາດ​ແລະ​ສິ່ງ​ແວ​ດ້ອມ​ນະ​ຄອນຫຼວງວຽງ​ຈັນ