ກົມ ອຸ​ຕຸ​ນິ​ຍົມ ແລະ ອຸ​ທົກ​ກະ​ສາດ ໄດ້​ປິດ​ການຈັດ​ຝຶກ​ອົບ​ຮົມ ​ກ່ຽວ​ກັບ​ການ​ແຈ້ງ​ເຕືອນ​ໄພ​ລ່ວງ​ໜ້າ​ທາງ​ດ້ານ​ທຳ​ມະ​ຊາດ ລົງ​ທີ່​ຫ້ອງ​ປະ​ຊຸມ ​ສູນ​ເຕືອນ​ໄພ​ລ່ວງ​ໜ້າ​ແຫ່ງ​ຊາດ ຂອງ​ກົມ ອຸ​ຕຸ​ນິ​ຍົມ ແລະ ອຸ​ທົກ​ກະ​ສາດ, ຄັ້ງ​ວັນ​ທີ 23 ຕຸ​ລາ 2018, ໂດຍ​ໃຫ້​ກຽດ​ເປັນ​ປະ​ທານ​ຂອງ ທ່ານ ຂັນ​ມະ​ນີ ຂົນ​ພົນ ​ຫົວ​ໜ້າ​ກົມ ອຸ​ຕຸ​ນິ​ຍົມ ແລະ ອຸ​ທົກ​ກະ​ສາດ, ທ່ານ ອີ​ລອ​ສ ຄິດ​ສະ​ຕຽນ (Eliot Christian) ຄູ​ຝຶກ​ຈາກ​ອົງ​ການ​ອຸ​ຕຸ​ນິ​ຍົມ​ໂລກ, ມີ​ນັກ​ສຳ​ມະ​ນາ​ກອນ​ຈາກ  ຫ້ອງ​ການ, ກົມ​, ກ​ອງ ພາຍ​ໃນ ກ​ຊ​ສ, ຈາກ​ສະ​ຖາ​ນີ​ວິ​ທະ​ຍຸ ແລະ ໂທ​ລະ​ພາບ​ແຫ່ງ​ຊາດ ເຂົ້າ​ຮ່ວມ.

     ຕະຫຼອດ​ໄລ​ຍະ​ການ​ດຳ​ເນີນ​ການ​ຝຶກ​ອົບ​ຮົມ​ກ່ຽວ​ກັບ​ການ​ແຈ້ງ​ເຕືອນ​ໄພ​ລ່ວງ​ໜ້າ ໂດຍ​ການ​ບັນ​ລະ​ຍາຍ​ຂອງ​ທ່ານ ທ່ານ ອີ​ລອ​ສ ຄິດ​ສະ​ຕຽນ (Eliot Christian) ຄູ​ຝຶກ​ຈາກ​ອົງ​ການ​ອຸ​ຕຸ​ນິ​ຍົມ​ໂລກ, ຜ່ານ​ການ​ຝຶກ​ອົບ​ຮົມ​ເປັນ​ໄລ​ຍະ​ສອງວັນ​ເຫັນ​ໄດ້​ວ່າ ບັນ​ດາ​ນັກ​ຝຶກ​ອົບ​ຮົມ ມີ​ຄວາມ​ຮູ້ ແລະ ເຂົ້າ​ໃຈ​ກ່ຽວ​ກັບ​ວຽກ​ງານ​ໃໝ່ໆ ທີ່​ໄດ້​ຮັບ​ການ​ສິດ​ສອນ​ເປັນ​ຕົ້ນ ລະ​ບົບ​ການ​ເຕືອນ​ໄພ ຂອງ​ປະ​ເທດ​ທີ່​ພັດ​ທະ​ນາ​ແລ້​ວ, ວິ​ທີ​ການ​ລົງ​ໂປ​ຣ​ແກມ ຈາ​ວາ JAVA, ທອມ​ແຄດ TOCAP, ຂັ້ນ​ຕອນ​ການ​ລົງ​ທະ​ບຽນ ໃນ​ການ​ເຂົ້າ​ນຳ​ໃຊ້ CAP ໃນ​ການ​ແຈ້ງ​ເຕືອນ​ໄພ ແລະ ອັນ​ອື່ນ ທີ່​ເຫັນ​ວ່າ​ມີ​ປະ​ໂຫຍດຫຼາຍ ຕໍ່​ກັບ ສ​ປ​ປ ລາວ, ນອກນີ້ ທ່ານ ນາງ ສິນ​ທະ​ລີ ຈັນ​ທະ​ນະ ຮອງ​ຫົວ​ໜ້າ​ພະ​ແນກ ພະ​ຍາ​ກອນ​ອາ​ກາດ ແລະ ແຈ້ງ​ເຕືອນ​ໄພ ກໍ່​ຍັງ​ໄດ້​ສະ​ເໜີ​ລວມ​ກ່ຽວ​ກັບ​ສະ​ພາບ​ອາດ ແລະ ລະ​ບົບ​ການ​ແຈ້ງ​ເຕືອນ​ໄພ ແລະ ອັນ​ອື່ນໆ​ ທີ່​ເຫັນ​ວ່າ​ມີ​ປະ​ໂຫຍດ​ຕໍ່​ກັບ ສ​ປ​ປ ລາວ.