ໃນ​ຕອນ​ເຊົ້າ​ຂອງວັນ​ທີ 6 ກັນ​ຍາ 2018 ກົມ ນິ​ຕິ​ກຳ​ ໄດ້​ຈັດ​ກອງ​ປະ​ຊຸມ ປຶກ​ສາ​ຫາ​ລື ແລະ ຢັ້ງ​ຢຶນ​ຄຶນ​ກ່ຽວ​ກັບ ຊື່​ຂອງ​ບັນ​ດາ ​ນິ​ຕິ​ກຳ ຂອງ ກະ​ຊວງ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ໂດຍ​ການ​ເປັນ​ປະ​ທານ​ຂອງ ​ທ່ານ ບຸນ​ຕີ ເດດ​ວົງ​ສອນ ຫົວ​ໜ້າ​ກົມ​ນິ​ຕິ​ກຳ, ເຊິ່ງ​ມີ​ບັນ​ດາ​ທ່ານ ຮອງ​ຫ້ອງ​ການ, ກົມ, ກອງ, ສູນ ແລະ ສະ​ຖາ​ບັນ ພ້ອມ​ດ້ວຍ​ ວິ​ຊາ​ການ ທີ່​ຮັບ​ຜິດ​ຊອບ​ວຽກ​ງານ ສ້າງ ແລະ ປັບ​ປຸງ ນິ​ຕິ​ກຳ ສະ​ເພາະ​ພາຍ​ໃນ ກ​ຊ​ສ ເຂົ້າ​ຮ່ວ​ມ.

     ຈຸດປະ​ສົງ​ຂອງກອງ​ປະ​ຊຸມ​ໃນ​ຄັ້ງ​ນີ້ ແມ່ນ ເພື່ອ​ປຶກ​ສາ​ຫາ​ລື ແລະ ຢັ້ງ​ຢຶນ​ຄຶນ ກ່ຽວ​ກັບ ຊື່​ຂອງ​ບັນ​ດາ​ນິ​ຕິ​ກຳ ຂອງ ກ​ຊ​ສ,  ທີ່​ຈະ​ສ້າງ ແລະ ປັບ​ປຸງ ແຕ່ນີ້​ຮອດ ປີ 2020 ພ້ອມ​ທັງ​ແຜນ​ການ​ເຄື່ອນ​ໄຫວ​ລະ​ອຽດ ເພື່ອ​ສະ​ເໜີ​ ລັດ​ຖະ​ມົນ​ຕີ ກ​ຊ​ສ ຮັບ​ຮອງ​ຂໍ້​ຕົກ​ລົງ ແຜນ​ການ​ສ້າງ ແລະ ປັບ​ປຸງ​ບັນ​ດາ​ນິ​ຕິ​ກຳ ດັ່ງ​ກ່າວ.

     ກອງ​ປະ​ຊຸມ​ປຶກ​ສາ​ຫາ​ລື ແລະ ຢັ້ງ​ຢຶນ​ຄືນ ກ່ຽວ​ກັບ​ຊື່​ຂອງ ບັນ​ດາ​ນິ​ຕິ​ກຳ ຂອງ ກ​ຊ​ສ ແມ່ນ​ໄດ້​ດຳ​ເນີນ​ໄປ​ເປັນ​ເວ​ລາ​ເຄິ່ງ​ມື້ ໂດຍ​ຜູ້​ເຂົ້າ​ຮ່ວມ​ທັງ​ໝົດ​ໄດ້​ສຸມ​ໃສ່​ຄົ້ນ​ຄວ້າ ເນື້ອ​ໃນ​ຂອງ​ຮ່າງ​ຂໍ້​ຕົກ​ລົງ ຂອງ ​ລັດ​ຖະ​ມົນ​ຕີ ວ່າ​ດ້ວຍ​ການ​ຮັບ​ຮອງ​ແຜນ​ການ​ສ້າງ ແລະ ປັບ​ປຸງ​ບັນ​ດາ​ນິ​ຕິ​ກຳ​ດັ່ງ​ກ່າວ ພ້ອມ​ທັງ​ຢັ້ງ​ຢຶນ​ຄື​ນ​ຊື່ ​ຂອງ​ບັນ​ດາ​ນິ​ຕິ​ກຳ ແລະ ແຜນ​ການ​ເຄື່ອນ​ໄຫວ ຂອງ​ບັນ​ດາ​ນິ​ຕິ​ກຳ ຈົນ​ສຳ​ເລັດ.