ພິທີເປີດປ້າຍປະ ກາດສວນພຶກສາສາດຫ້ວຍຍາງ-ດົງໝາກຄາຍໄດ້ຈັດຂື້ນໃນວັນທີ 9 ມິຖຸນາ ທີ່ເມືອງ ໄຊທານີ ນະຄອນຫຼວງວຽງຈັນ ໂດຍການໃຫ້ກຽດເຂົ້າຮ່ວມ ຂອງທ່ານ ບຸນຍັງ ວໍລະຈິດ ເລຂາທິການ ໃຫ່ຍ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ, ມີ ພາກສ່ວນກ່ຽວຂ້ອງເຂົ້າຮ່ວມ.

      ໃນພິທີ ທ່ານ ສົມມາດ ພົນເສນາ ລັດຖະມົນຕີກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມໄດ້ລາຍ ງານໂດຍຫຍໍ້ກ່ຽວກັບຄວາມ ເປັນມາຂອງການປະກາດສວນ ພຶກສາສາດ ຊຶ່ງມີບາງຕອນ ທີ່ສຳຄັນວ່າ: ກະຊວງຊັບພະ ຍາກອນທຳມະຊາດ ແລະ ສິ່ງ ແວດລ້ອມໄດ້ດຳເນີນການປັກ ຫຼັກໝາຍອ້ອມເຂດ B ຈຳນວນ 130 ຫຼັກກວມເນື້ອທີ່ຈຳນວນ 268 ເຮັກຕາ ແລະ ສ້າງປ້າຍ ຖາວອນປະກາດເປັນສວນພຶກ ສາສາດຫ້ວຍຍາງ-ດົງໝາກຄາຍ ເພື່ອສືບຕໍ່ປູກຕົ້ນໄມ້ ນາໆຊະນິດປະກອບສ່ວນໃນ ການເພີ່ມອັດຕາປ່າໄມ້ປົກ ຫຸ້ມ ຂອງປ່າໄມ້ກໍຄືປົກປັກຮັກ ສາ ແລະ ຄຸ້ມຄອງເຂດດັ່ງ ກ່າວໃຫ້ກາຍເປັນເຂດສີ ຂຽວໃນອະນາຄົດ ກະຊວງຊັບ ພະຍາກອນທຳມະຊາດ ແລະ ສິ່ງແວດລ້ອມຈະໄດ້ສົມທົບ ກັບ ກະຊວງກະສິກຳ ແລະ ປ່າໄມ້ວາງແຜນການນຳໃຊ້ ພື້ນທີ່ສີຂຽວນີ້ໃຫ້ກາຍເປັນ ເຂດນິເວດວິທະຍາ ແລະ ແຫຼ່ງ ທ່ອງທ່ຽວທຳມະຊາດເປັນບ່ອນ ພັກຜ່ອນສຳລັບພະນັກງານ ກໍ ຄືພໍ່ແມ່ປະຊາຊົນທີ່ຢູ່ໃກ້ ແລະ ໄກ ທ່ານລັດຖະມົນຕີຍັງໄດ້ ກ່າວຕື່ມອີກວ່າ: ອົງການປົກ ຄອງເມືອງໄຊທານີ,ຄະນະ ບ້ານດົງໝາກຄາຍ,ບ້ານໂນນ ສະຫວ່າງ ແລະ ພໍ່ແມ່ປະຊາ ຊົນທັງສອງບ້ານຈົ່ງໃຫ້ການ ຮ່ວມມືໃນການປົກປັກຮັກສາ ເຂດສີຂຽວນີ້ໃຫ້ກາຍເປັນສວນ ພຶກສາສາດໃນອະນາຄົດຢ່າງ ສົມບູນໃນພິທີ ຫຼັງສຳເລັດປະ ກາດສວນພຶກສາສາດຫ້ວຍ ຍາງ-ດົງໝາກຄາຍແລ້ວຍັງໄດ້ ຮ່ວມກັນປູກຕົ້ນໄມ້ຕື່ມອີກ.