ຕອນ​ເຊົ້າ​ຂອງວັນ​ທີ 19 ມີ​ນາ 2018 ກົມ ຈັດ​ຕັ້ງ ແລະ ພະ​ນັກ​ງານ ກະ​ຊວງ​ຊົບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ໄດ້​ເປີດ ກອງ​ປະ​ຊຸມ ສຳ​ມະ​ນາ ການ​ວິ​ເຄາະ ແລະ ພັດ​ທະ​ນາ​ການ​ຈັດ​ຕັ້ງ ຂອງ​ພະ​ແນກ​ຊັ​ບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ແຂວງ, ນະ​ຄອນຫຼວງ, ການ​ຈັດ​ຕັ້ງ ໃຫ້​ພະ​ນັກ​ງານ​-ລັດ​ຖະ​ກອນ ຜູ້​ທີ່​ເຮັດ​ວຽກ​ງານ​ຈັດ​ຕັ້ງ ໂດຍ​ການ​ເປັນ​ປະ​ທານ​ຂອງ​ທ່ານ ໄຊ​ຍະ​ເວດ ວິ​ໄຊ ກຳ​ມະ​ການ​ປະ​ຈຳ​ພັກກະ​ຊວ ຫົວ​ໜ້າ​ກົມ​ຈັດ​ຕັ້ງ ແລະ​ ພະ​ນັກ​ງານ, ມີ​ວິ​ທະ​ຍາ​ກອນ​ຈາກ​ກະ​ຊວງ​ພາຍ​ໃນ ພ້ອມ​ທັງ​ນັກ​ສຳ​ມະ​ນາ​ກອນ 40 ກວ່າ​ທ່ານ ເຂົ້າ​ຮ່ວມ.

     ການ​ສຳ​ມະ​ນາ​ໃນ​ຄັ້ງ​ນີ້​ແມ່ນ​ມີ 4 ຫົວ​ຂໍ້​ໃຫ​ຍ່​ເຊັ່ນ: ການ​ຄຸ້ມ​ຄອງ​ຊັບ​ພະ​ຍາ​ກອນ​ມະ​ນຸດ, ການ​ວິ​ເຄາະ ແລະ ພັດ​ທະ​ນາ​ອົງ​ການ​ຈັດ​ຕັ້ງ, ການ​ພັດ​ທະ​ນາ​ພະ​ນັກ​ງານ-ລັດ​ຖະ​ກອນ, ການ​ວິ​ເຄາະ ແລະ ກຳ​ນົດ​ຕຳ​ແໜ່ງ​ງານ.

     ບັນ​ດາ​ຫົວ​ຂໍ້​ດັ່ງ​ກ່າວ​ນັກ​ສຳ​ມະ​ນາ​ກອນ​ແມ່ນ​ຈະ​ໄດ້​ລົງ​ເລີກ​ກ່ຽວ​ກັບ​ຄວາມ​ຮູ້​ພື້ນ​ຖານ​ທາງ​ດ້ານ​ທິດ​ສະ​ດີ ບວກ​ກັບ​ຕົວ​ຈິງ​ໃນ​ການ​ຈັດ​ຕັ້ງ​ປະ​ຕິ​ບັດ​ໂດຍ​ສະ​ເພາະ​ການ​ເປັນ​ເສ​ນາ​ທິ​ການ​ດ້ານ​ວິ​ຊາ​ການ​ໃຫ້​ຄະ​ນະ​ພັກ ຄະ​ນະ​ນຳ ກ່ຽວ​ກັບ​ວຽກ​ງານ​ຈັດ​ຕັ້ງ​ໃຫ້​ມີ​ຄວາມ​ເຂັ້ມ​ແຂງ ໂດຍ​ສະ​ເພາະ​ແມ່​ຮ​ການ​ວິ​ເຄາະ ການ​ກຳ​ນົດ​ຕຳ​ແໜ່ງ​ງານ, ການ​ຄຸ້ມ​ຄອງ​ພະ​ນັກ​ງານ-ລັດ​ຖະ​ກອນ ລວມ​ທັງ​ການ​ບຳ​ລຸງກໍ່​ສ້າງ ແລະ ສັບ​ຊ້ອນ ພະ​ນັກ​ງານ-ລັດ​ຖະ​ກອນ ພາຍ​ໃນ ອົງ​ການ​ຈັດ​ຕັ້ງ ຂອງ ບັນ​ດາ ພະ​ແນກ ຊ​ສ ແຂວງ, ນະ​ຄອນຫຼວງວຽງ​ຈັນ ເພື່ອ​ໃຫ້​ບັນ​ລຸ​ຕາມ​ແຜນ​ຍຸດ​ທະ​ສາດ​ການ​ພັດ​ທະ​ນາ ພະ​ນັກ​ງານ-ລັດ​ຖະ​ກອນ ຂອງ ຂະ​ແໜງ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ແຕ່ນີ້​ຮອດ​ປີ 2025 ແລະ ວິ​ໃສ​ທັດ​ຮອດ​ປີ 2030 ກອງ​ປະ​ຊຸມ​ສຳ​ມະ​ນາ​ຈະ​ໄດ້​ດຳ​ເນີນ​ເປັນ​ເວ​ລາ 5 ວັນ, ນັບ​ແຕ່​ວັນ​ທີ 19-23 ມີ​ນາ 2018.