ໃນ​ຕອນ​ເຊົ້າ​ຂອງວັນ​ທີ 09 ກຸມ​ພາ 2018 ທີ່​ສະ​ໂມ​ສອນ ກົມ ອຸ​ຕຸ​ນິ​ຍົມ ແລະ ອຸ​ທົກ​ກະ​ສາດ ໄດ້​ຈັດ​ພິ​ທີ​ປິດ​ຝຶກ​ອົບ​ຮົມ​ທິດ​ສະ​ດີ​ການ​ເມືອງ-ການ​ປົກ​ຄອງ 45 ວັນ​ຂື້ນ ໂດຍ​ການ​ເປັນ​ປະ​ທານ​ຂອງ​ທ່ານ ໄຊ​ຍະ​ເວດ ວິ​ໄຊ ຄະ​ນະ​ປະ​ຈຳພັກ ກຊສ,​ ຫົວ​ໜ້າ​ກົມ​ຈັດ​ຕັ້ງ ແລະ ພະ​ນັກ​ງານ, ທ່ານ ຮອງ​ສາດ​ສະ​ດາ​ຈານ ປອ ສະ​ໝຸດ​ທອງ ສົມ​ພາ​ນິດ ຄະ​ນະ​ພັກ, ຮອງ​ສະ​ຖາ​ບັນ​ການ​ເມືອງ​ການ​ປົກ​ຄອງ​ແຫ່ງ​ຊາດ, ມີ​​ຄະ​ນະ​ພັກ, ຄະ​ນະ​ພັກ​ຮາກ​ຖານ ແລະ ບັນ​ດາ​ເລ​ຂາ​ໜ່ວຍ​ພັກ​ອ້ອມ​ຂ້າງ ກ​ຊ​ສ, ພ້ອມ​ທັງ​ນັກ​ສຳ​ມະ​ນາ​ກອນ​ເຂົ້າ​ຮ່ວມ, ການ​ຝຶກ​ອົບ​ຮົມໃນ​ຄັ້ງ​ນີ້​ແມ່ນ​ໄດ້​ດຳ​ເນີນ​ມາ​ແຕ່ ວັນ​ທີ 05 ທັນ​ວາ 2017 ມາ​ເຖິງວັນ​ທີ 09 ກຸມ​ພາ 2018.

​​​ໃນພິ​ທີ​ປິດ​ຝຶກ​ອົບ​ຮົມຝຶກ​ອົບ​ຮົມໃນ​ຄັ້ງ​ນີ້ ທ່ານ ຫົງ​ທອງ ພູນ​ສະ​ຫວັດ, ຫົວ​ໜ້າ​ສູນ​ຝຶກ​ອົບ​ຮົມ ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ໄດ້​​ກ່າວວ່າ ການ​ຝຶກ​ອົບ​ຮົມ ທິດ​ສະ​ດີ​ການ​ເມືອງ ​ແລະ ການ​ປົກ​ຄອງ ຊຸດນີ້ກໍ່​ເພື່ອ​ໃຫ້​ພະ​ນັກ​ງານ​ມີ​ຄວາມ​ໜັກ​ແໜ້ນ​ກ່ຽວ​ກັບ​ທິດ​ສະ​ດີ​ມາກ-ເລ​ນິນ ແລະ ສັງ​ຄົມ​ນິ​ຍົມ, ມີ​ຄວາມ​ຮູ້​ກ່ຽວ​ກັບ​ລະ​ບອບ​ປະ​ຊາ​ທິ​ປະ​ໄຕ ປະ​ຊາ​ຊົນ ກຳ​ແໜ້ນ​ແນວ​ທາງ​ປ່ຽນ​ແປງ​ໃໝ່​ຂອງ​ພັກ, ຮຽນ​ຮູ້​ການ​ນຳ​ພາ​ຂອງ​ພັກ ແລະ ການ​ຄຸ້ມ​ຄອງ​ຂອງ​ລັດ ໃນ​ເງື່ອນ​ໄຂ​ເສດ​ຖະ​ກິດ​ຕະຫຼາດ​ຕາມ​ທິດ​ສັງ​ຄົມ​ນິ​ຍົມ ສ້າງ​ໃຫ້​ມີ​ລັກ​ສະ​ນະ​ປະ​ຕິ​ວັດ​ທີ່​ຖຶກ​ຕ້ອງ, ມີ​ຄຸນ​ທາດ​ການ​ເມືອງ, ມີ​ຄວາມ​ຮູ້ ຄວາມ​ສາ​ມາດ, ໃຫ້​ມີ​ຄວາມ​ປອດ​ໃສ​ຂາວ​ສະ​ອາດ ແລະ ສົມ​ຄູ່​ກັບ​ຄວາມ​ຮັບ​ຜິດ​ຊອບ ແລະ ຕຳ​ແໜ່ງ​ງານ​ທີ່​ການ​ຈັດ​ຕັ້ງ​ໄດ້​ມອບ​ໝາຍ​, ອິກ​ດ້ານ​ໜຶ່ງ​ແມ່ນ​ທົບ​ທວນ​ຄວາມ​ຮູ້ ຄວາມ​ສາ​ມາດ ຂອງ​ພະ​ນັກ​ງານ​ຄືນ ທັງ​ເປັນ​ການ​ຮຽນ​ຮູ້​ປະ​ກອບ​ຂໍ້​ມູນ​ເຕັກ​ນິກ​ອັນ​ໃໝ່​ທັນ​ສະ​ໄໝ ແລະ ເສີມ​ສ້າງ​ຄວາມ​ຮູ້​ທີ່​ມີ​ແລ້ວ​ໃຫ້​ອຸ​ດົມ​ສົມ​ບູນກວ່າ​ເກົ່າ, ເມື່ອ​ກັບ​ຄືນ​ກົມ​ກອງ​ໃຫ້​ສຶບ​ຕໍ່​ປະ​ຕິ​ບັດ​ໜ້າ​ທີ່​ວຽກ​ງານ​ຂອງ​ຕົນ​ໃຫ້​ໄດ້​ດີ, ການ​ຝຶກ​ອົບ​ຮົມ​ໃນ​ຄັ້ງ​ນີ້​ມີ​ບຸກ​ຄະ​ລາ​ກອ​ນ​ເຂົ້າ​ຮ່ວມ 67 ສະ​ຫາຍ, ຍິງ 20 ສະ​ຫາຍ, ຕົ້ນ​ຕໍ​ແມ່ນ​ພະ​ນັກ​ງານ​ໜຸ່ມ​ນ້ອຍ ນອນ​ໃນ​ແຜນ​ການ​ກຳ​ນົດ​ພະ​ນັກ​ງານ​ນຳ​ພາ-ຄຸ້ມ​ຄອງ​ສຶບ​ທອດ​ປ່ຽນ​ແທນ ຂອງ​ບັນ​ດາ​ໜ່ວຍ​ພັກ​ອ້ອມ​ຂ້າງ​ກະ​ຊວງ​, ຫຼັກ​ສູດ​ຝຶກ​ອົບ​ຮົມ​ມີ 5 ພາກວິ​ຊາ ໃນ​ນັ້ນ​ມີ ພາກວິ​ຊາ​ປັດ​ສະ​ຍາ​ມີ 8 ບົດ, ພາກວິ​ຊາ ເສດ​ຕະ​ສາດ​ການ​ເມືອງ​ມີ 10 ບົດ, ພາກລັດ​ທິ​ສັງ​ຄົມ​ນິ​ຍົມ​ວິ​ທະ​ຍາ​ສາດ​ມີ 8 ບົດ, ພາກວິ​ຊາ​ບໍ​ລິ​ຫານ​ສາດ​ມີ 8 ບົດ ແລະ ພາກວິ​ຊາກໍ່​ສ້າງ​ພັກມີ 5 ບົດ ລວມ​ທັງ​ໝົດ​ມີ 39 ບົດ, ຮຽນ 214 ຊົ່ວ​ໂມງ, ຊົ່ວ​ໂມງ​ຄົ້ນ​ຄ້ວ້າສຳ​ມະ​ນາ​ມີ 48 ຊົ່ວ​ໂມງ​ແກ້​ຂໍ້​ຂ້ອງ​ໃຈ​ມີ 20 ຊົ່ງ​ໂມງ ໄປ​ທັດ​ສ​ະ​ນະ​ສຶກ​ສາ​ມີ 7 ຊົວ​ໂມງ ແລະ ຜ່ານ​ບົດ​ເກັບ​ກ່ຽວ​ມີ 8 ຊົ່ວ​ໂມງ ລວມ​ທັງ​ໝົດ 365 ຊົ່ວ​ໂມງ, ນອກນັ້ນ ຍັງ​ມີ​ອາ​ຈານ​ຮັບ​ເຊີນ​ມາ​ຈາກ ກະ​ຊວງ ປ້ອງ​ກັນ​ຄວາມ​ສະ​ຫງົບ​ເພື່ອ​ມາ​ສະ​ເໜີ​ວຽກ​ງານ ປກ​ສ-ປກ​ຊ ແລະ ມາ​ຈາກ​ຫ້ອງ​ການ​ຄະ​ນະ​ພົວ​ພັນ​ຕ່າງ​ປະ​ເທດ ສູນ​ກາງ​ພັກ ຈຸດ​ປະ​ສົງ​ກໍ່​ເພື່ອ​ໃຫ້​ນັກ​ຝຶກ​ອົບ​ຮົມ​ຮູ້​ເພີ່ມ​ເຕີມ ແລະ ສ້າງ​ຈິດ​ສຳ​ນຶກ​ກ່ຽວ​ກັບ​ວຽກ​ງານ​ປ້ອງ​ກັນ​ຊາດ ແລະ ປ້ອງ​ການ​ຄວາ​ມ​ສະ​ຫງົບ​ທີ່​ມີ​ພັກ​ນຳ​ພາ, ຮຽນ​ຮູ້​ທັດ​ສະ​ນະ​ຂອງ​ພັກ ໃນ​ການ​ນຳ​ພາ​ດຳ​ເນີນ​ພາ​ລະ​ກິດ​ປ່ຽນ​ແປງໃໝ່​ການ​ພົວ​ພັນ ຮ່ວມ​ມື​ກັບ​ພາກ​ພື້ນ ສາ​ກົນ​ໃນ​ຍຸກ​ໂລ​ກາພິ​ວັດ, ນອກນັ້ນ ກົມ​ຈັດ​ຕັ້ງ ແລະ ພະ​ນັກ​ງານ​ຍັງ​ເຊີນ​ບັນ​ດາ​ທ່ານ​ຫົວ​ໜ້າ ຫ້ອງ​ການ, ຫົວ​ໜ້າ ​ກົມ, ສະ​ຖາ​ບັນ ມາ​ຂື້ນ​ອະ​ທິ​ບາຍ ກ່ຽວ​ກັບ​ພາ​ລະ​ບົດ​ບາດ​ໜ້າ​ທີ່​ຂອງ​ການ​ຈັດ​ຕັ້ງ​ຕົນ ເພື່ອ​ໃຫ້​ນັກ​ຝຶກ​ອົບ​ຮົມ​ໄດ້​ເຂົ້າ​ໃຈ​ ແລະ​ ກຳ​ໄດ້​ເລິກ​ຕື່​ມອິກ.