ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ໄດ້ຈັດພິທີ ປະກາດການຈັດຕັ້ງຂັ້ນຫົວໜ້າ ຫ້ອງການ ແລະ ຄະນະກົມ ຫຼາຍຕຳແໜ່ງຂຶ້ນ ໃນວັນທີ 5 ມັງກອນ 2018 ນີ້ ທີ່ກະຊວງ ຊສ ໂດຍມີທ່ານ ສົມມາດ ພົຣເສນາ ລັດຖະມົນຕີກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ມີພາກສ່ວນ ກ່ຽວຂ້ອງເຂົ້າຮ່ວມ.

ການປະກາດ ປັບປຸງການຈັດຕັ້ງ ຄັ້ງນີ້ ປະກອບມີຄື: ທ່ານ ບຸນຕີ ເດດວົງສອນ ຫົວໜ້າ ຫ້ອງການຜູ້ເກົ່າ ໄດ້ຮັບແຕ່ງຕັ້ງ ເປັນຫົວຫນ້າ ກົມ ນິຕິກຳ ແລະ ທ່ານ ຄຳພັນ ນັນທະວົງ ຫົວໜ້າຫ້ອງການ ຜູ້ໃໝ່, ທ່ານ ຈັນທະເນດ ບົວລະພາ ຫົວໜ້າ ກົມ ຊັບພະຍາກອນນ້ຳ ຜູ້ເກົ່າ ໄດ້ຮັບແຕ່ງຕັ້ງ ເປັນຫົວຫນ້າ ກອງເລຂາ ຄະນະກຳມະການແມ່ນໍ້າຂອງແຫ່ງຊາດ ແລະ ທ່ານ ອິນທະວີ ອັກຄະລາດ ຫົວໜ້າ ກົມຊັບພະຍາກອນນ້ຳ ຜູ້ໃໝ່, ທ່ານ ນາງ ສີສຸພັນ ຫຼວງລາດ ຫົວໜ້າສະຖາບັນ ຄົ້ນຄວ້າຊັບພະຍາກອນ ທຳມະຊາດ ແລະ ສິ່ງແວດລ້ອມ ຜູ້ເກົ່າ ໄດ້ຮັບແຕ່ງຕັ້ງ ເປັນຫົວຫນ້າ ກົມ ຄວບຄຸມມົນລະພິດ ແລະ ທ່ານ ວິລະສັກ ຈຸນດາລາ ເປັນ ຮັກສາການ ຫົວໜ້າສະຖາບັນ ຄົ້ນຄວ້າຊັບພະຍາກອນທຳມະຊາດ ແລະ ສິ່ງແວດລ້ອມ ຜູ້ໃໝ່ ແລະ ນອກຈາກນັ້ນ ຍັງໄດ້ແຕ່ງຕັ້ງ ທ່ານ ຈັນທະວິພອນ ອິນທະວົງ ເປັນຮອງ ຫົວໜ້າ ຫ້ອງການ, ທ່ານ ນາງ ວິລະນີ ແສງຈັນ ເປັນ ຮອງຫົວໜ້າ ສູນຂໍ້ມູນ-ຂ່າວສານຊັບພະຍາກອນທຳມະຊາດ ແລະ ສິ່ງແວດລ້ອມ. ໃນໂອກາດດັ່ງກ່າວ, ທ່ານ ສົມມາດ ພົນເສນາ ກໍໄດ້ໃຫ້ ກຽດໂອ້ລົມ ເພື່ອເປັນທິດເຍືອງ ທາງໃນການປະຕິບັດໜ້າທີ່ວິຊາ ສະເພາະໃຫ້ໄດ້ຮັບຜົນສຳເລັດ ຕາມທີ່ພັກ-ລັດມອບໝາຍໃຫ້.