ພິທີເຊັນສັນຍາ ສະໜອງທຶນໃຫ້ 7 ໂຄງການ ລະຫວ່າງ ກອງທຶນປົກປັກຮັກສາສິ່ງແວດລ້ອມ (ກປສ) ແລະ ຜູ້ຮັບທຶນຈາກພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງ ຫົວພັນ, ຊຽງຂວາງ, ຫຼວງພະບາງ, ວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ ໄດ້ຈັດຂື້ນຢ່າງເປັນທາງການ ໃນວັນທີ 19 ກໍລະກົດ 2017 ເຊິ່ງຈັດຂື້ນທີ່ຫ້ອງປະຊຸມຂະແໜງສິ່ງແວດລ້ອມ, ກອງທຶນປົກປັກຮັກສາສິ່ງແວດລ້ອມ ໂດຍການໃຫ້ກຽດເຂົ້າຮ່ວມເປັນປະທານ ແລະ ສັກຂີພິຍານຂອງ ທ່ານ ປອ ໄຊນະຄອນ ອິນທະວົງ, ຫົວໜ້າກົມແຜນການ ແລະ ການຮ່ວມມື, ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ, ຫົວໜ້າຄະນະວິຊາການສຳລັບໂຄງການສິ່ງແວດລ້ອມ ແລະ ສັງຄົມ ຢູ່ ສປປ ລາວ ໄລຍະ 2, ພ້ອມດ້ວຍ ບັນດາຫົວໜ້າກົມ ຕ່າງໆອ້ອມຂ້າງ ເພື່ອເຂົ້າຮ່ວມເປັນສັກຂີພິຍານ ລວມທັງໝົດປະມານ 47 ທ່ານ.

ພິທີ​ເຊັນ​ບົດ​ບັນທຶກ​ການ​ຮ່ວມມື​ດ້ານ​ສິ່ງແວດລ້ອມ ລະຫວ່າງກະຊວງ​ຊັບພະຍາກອນ​ທຳ​ມະຊາດ ແລະ ສິ່ງແວດລ້ອມ (​ກຊສ) ກັບ​ສູນ​ກາງ​ແນວ​ລາວ​ສ້າງ​ຊາດ (​ສນຊ) ຈັດ​ຂຶ້ນ​ວັນ​ທີ 14 ກໍລະກົດ 2017 ຢູ່​ສູນ​ກາງ​ແນວ​ລາວ​ສ້າງ​ຊາດ ລົງ​ນາມ​ລະຫວ່າງ​ທ່ານ​ນາງ ບຸນ​ຄຳ ວໍລະ​ຈິດ ຮອງ​ລັດຖະມົນຕີ (​ກຊສ) ແລະ ທ່ານ ເຍຍ​ເກ່​ຍ່າ ໜໍ່​ຈໍ່​ຈົງ​ຕົວ ຮອງ​ປະທານ (​ສນຊ) ໂດຍ​ມີທ່ານ ໄຊ​ສົມ​ພອນ ພົມ​ວິຫານ ປະທານ ​ສນຊ ທ່ານ ສົມມາດ ພົນ​ເສນາ ລັດຖະມົນຕີ ​ກຊສ ເຂົ້າ​ຮ່ວມ​ເປັນ​ສັກຂີ​ພິຍານ.

ການ​ອອກ​ໃບ​ຕາດິນ​ຊໍ້າຊ້ອນ ແລະ ທັບ​ຊ້ອນ 2 ຄຳ​ນີ້ ແມ່ນມີ​ຄວາມ​ໝາຍ​ຕ່າງ​ກັນຢ່າງ​ຊັດເຈນ ເຊິ່ງ​ການ​ອອກ​ໃບ​ຕາດິນຊໍ້າຊ້ອນ ໝາຍ​ເຖິງ​ການ​ອອກ​ໃບຕາດິນ​ໃຫ້​ຜູ້​ອື່ນ​ແລ້ວ ພາຍຫຼັງ​ມາໄດ້​ອອກ​ໃບ​ຕາດິນເລກ​ທີ​ດຽວ​ກັນ ຫຼື ຕ່າງ​ກັນ ໃຫ້​ແກ່​ບຸກຄົນ​ອື່ນ​ໃນສະຖານທີ່​ດຽວ​ກັນ (ທີ່​ຕັ້ງ ແລະ ເນື້ອທີ່​ອັນ​ດຽວ​ກັນ) ແລະ ຄຳ​ວ່າການ​ອອກ​ໃບ​ຕາດິນ​ທັບ​ຊ້ອນ ໝາຍ​ເຖິງ​ການ​ອອກ​ໃບ​ຕາດິນທີ່ມີ​ເນື້ອທີ່​ເລື່ອມ​ກັນ​ສ່ວນ​ໃດ​ສ່ວນໜຶ່ງ ຫຼື ອອກ​ໃນ​ສະຖານທີ່​ທີ່​ມີແຜນທີ່​ດິນ​ອອກ​ໃຫ້​ກ່ອນ​ແລ້ວ ໂດຍ​ທັງ​ສອງ​ຄຳ​ສັບ ແລະ ສອງບັນຫາ​ນີ້ ຍັງ​ເປັນ​ບັນຫາ​ທີ່​ທຸກພາກສ່ວນ​ກ່ຽວຂ້ອງ​ໃນ​ສັງຄົມ ຕ້ອງ​ພ້ອມ​ກັນ​ແກ້​ໄຂ​ຮີບ​ດ່ວນ ແລະ ຂາດ​ຕົວ ເພື່ອ​ການ​ພັດ​ທະນາ​ທີ່​ຖືກຕ້ອງສອດຄ່ອງ ແລະ ຍືນ​ຍົງ.

ກະຊວງ ຊັບພະຍາກອນ ທຳມະຊາດ ແລະ ສິ່ງແວດ ລ້ອມ ໄດ້ຈັດພິທີສະເຫຼີມສະ ຫຼອງວັນສິ່ງແວດລ້ອມໂລກ (5 ມີຖຸນາ) ຂຶ້ນໃນວັນທີ 3 ມີຖຸນາ ນີ້ທີ່ສວນເຈົ້າອານຸວົງ ໂດຍ ການເປັນກຽດ ເຂົ້າຮ່ວມຂອງ ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ, ມີບັນດາລັດຖະມົນຕີ, ແຂກຖືກເຊີນ ພ້ອມດ້ວຍມວນ ຊົນຊາວນະຄອນຫຼວງວຽງຈັນ ເຂົ້າຮ່ວມຢ່າງຫຼວງຫຼາຍ.

ບັນດາ​ທ່ານ ທີ່​ນັບຖື,

ພີ່ນ້ອງຮ່ວມຊາດ ທີ່ຮັກແພງ ທັງຫຼາຍ,

ການສະເຫຼີມສະຫຼອງວັນສິ່ງແວດລ້ອມໂລກ ຢູ່ ສປປ ລາວ ເຮົາ ໃນປີນີ້ ກໍ່ຄື ທຸກໆປີ ຜ່ານມາ ທີ່ໄດ້ສະເຫຼີມສະຫຼອງ ໄປພ້ອມກັບ ປະຊາຊາດໂລກ ຢູ່ທົ່ວທຸກຫົນແຫ່ງ ທຸກຂົງເຂດ, ເຊິ່ງໄດ້ກຳນົດເອົາ ວັນທີ 5 ມິຖຸນາ ຂອງທຸກໆປີ ເປັນວັນສະເຫຼີມສະຫຼອງ ແລະ ໄດ້ກຳນົດຫົວຂໍ້ ທີ່ຕ່າງກັນ ໃນແຕ່ລະປີ ເພື່ອເປັນການປູກຈິດສຳນຶກ, ປຸກລະດົມການເຂົ້າຮ່ວມ ແລະ ສົ່ງເສີມການ ແກ້ໄຂບັນຫາທີ່ພົ້ນເດັ່ນ ເກີດຂື້ນໃນແຕ່ລະໄລຍະ. ການສະຫຼອງວັນສິ່ງແວດລ້ອມໂລກ ໄດ້ເລີ່ມ ປະຕິບັດ ນັບແຕ່ປີ 1972 ເປັນຕົ້ນມາ ພາຍຫຼັງ ກອງປະຊຸມສະຫະປະຊາຊາດ ວ່າດ້ວຍ ສິ່ງແວດ ລ້ອມມະນຸດ. ສໍາລັບປີນີ້ ແມ່ນຄົບຮອບ 45 ປີ, ປະເທດ ການາດາ ໄດ້ຖືກຄັດເລືອກໃຫ້ເປັນ ເຈົ້າພາບຈັດງານສະເຫຼີມສະຫຼອງວັນດັ່ງກ່າວ ໂດຍໄດ້ກໍານົດ ຫົວຂໍ້: ການເຊື່ອມໂຍມມະນຸດເຮົາ ເຂົ້າກັບທຳມະຊາດ ພາຍໃຕ້ ຄໍາຂວັນ “ພວກເຮົາຢູ່ກັບທຳມະຊາດ” “Connecting people to Nature: I’m With Nature”.

ບັ້ນດຳເນີນຊີວິດການ ເມືອງທົ່ວອົງຄະນະພັກ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ໄດ້ ສຳເລັດລົງໃນວັນທີ 2 ມີຖຸນາ ນີ້, ພາຍຫຼັງທີ່ດຳເນີນມາແຕ່ ວັນທີ 23 ພຶດສະພາ 2017 ພາຍ ໃຕ້ການເປັນປະທານຂອງສະ ຫາຍ ສົມມາດ ພົນເສນາ ກຳ ມະການສູນກາງພັກ ເລຂາຄະ ນະພັກ ລັດຖະມົນຕີກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍໃຫ້ ກຽດເຂົ້າຮ່ວມຂອງສະຫາຍ ພັນຄຳ ວິພາວັນ ກຳມະການ ກົມການເມືອງສູນກາງພັກ, ຜູ້ປະຈຳການຄະນະເລຂາທິ ການສູນກາງພັກ, ຮອງປະທານ ປະເທດ,

 ເພື່ອເປັນການຈັດຕັ້ງຜັນຂະຫຍາຍເນື້ອໃນຈິດໃຈຂອງມະຕິກອງປະຊຸມໃຫຍ່ ຄັ້ງທີ່ X ຂອງພັກວາງອອກ ໃຫ້ໄດ້ຮັບການຈັດຕັ້ງປະຕິບັດຢ່າງຕໍ່ເນື່ອງ, ມີຄວາມເປັນເອກະພາບພາຍໃນພັກ, ສະມາຊິກພັກ ແລະ ຍົກສູງຄຸນນະພາບການນຳພາຂອງພັກໃນທົ່ວອົງຄະນະກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ