LaoEnglish (United Kingdom)

Login Form



ສະຖິຕິຈຳນວນຜູ້ເຂົ້າຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterຈຳນວນຜູ້ເຂົ້າຊົມ ວັນນີ້
mod_vvisit_counterຈຳນວນຜູ້ເຂົ້າຊົມ ມື້ວານ
mod_vvisit_counterຈຳນວນຜູ້ເຂົ້າຊົມ ສັບປະດານີ້0
mod_vvisit_counterຈຳນວນຜູ້ເຂົ້າຊົມ ສັບປະດານີ້ຜ່ານມາ
mod_vvisit_counterຈຳນວນຜູ້ເຂົ້າຊົມ ທັງໝົດເດືອນນີ້0
mod_vvisit_counterຈຳນວນຜູ້ເຂົ້າຊົມ ທັງໝົດເດືອນຜ່ານມາ
mod_vvisit_counterລວມທັງຫມົດ0

Online (20 minutes ago):
Your IP: 54.83.224.203
,
Today: ສ. ຫ. 01, 2014

Who's Online

ເຮົາມີ 2 ບຸກຄົນທົ່ວໄປ ອອນໄລນ
ເອກະສານ ກ່ຽວກັບ ນິຕິກຳ
ຮ່າງກົດໝາຍ ວ່າດ້ວຍ ຊັບພະຍາກອນນ້ຳ ສະບັບທຳອິດ PDF ພິມ ອີເມລ
ຂຽນໂດຍ Training and Awareness Center   
ມື້ສຸກທີ່ 31 ພຶດສະພາ 2013 ເວລາ 10: 26

ກົມຊັບພະຍາກອນນໍ້າ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມຂໍສະເໜີ ຮ່າງກົດໝາຍ ວ່າດ້ວຍ ຊັບພະຍາກອນນໍ້າ ສະບັບທຳອິດ ມາຍັງທຸກພາກສ່ວນ ປະກອບຄຳຄິດເຫັນ ເພື່ອເຮັດໃຫ້ຮ່າງ ກົດໝາຍ ສະບັບດັ່ງກ່າວ ມີເນື້ອໃນທີ່ຄົບຖ້ວນ ແລະ ສົມບູນຍິ່ງຂຶ້ນ.

ຂະບວນການໃນການປັບປຸງ ກົດໝາຍ ວ່າດ້ວຍ ນໍ້າ ແລະ ຊັບພະຍາກອນແຫຼ່ງນໍ້າ ແມ່ນໄດ້ລິເລີ່ມຕັ້ງແຕ່ ຕົ້ນປີ 2012 ເປັນຕົ້ນມາ, ຊຶ່ງວຽກງານດັ່ງກ່າວ ແມ່ນຮັບຜິດຊອບໂດຍ ກົມຊັບພະຍາກອນນໍ້າ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍໄດ້ຮັບການການສະໜັບສະໜູນຈາກ ທະນາຄານໂລກ (The World Bank) ຮ່ວມກັບ ອົງການ ການເງິນສາກົນ (International Finance Corporation) ເພື່ອແນໃສ່ ສົ່ງເສີມ ການຄຸ້ມຄອງຊັບພະຍາກອນນໍ້າແບບຍືນຍົງ ໃນ ສປປ ລາວ.

ກົມຊັບພະຍາກອນນໍ້າ ມີຄວາມຍິນດີ ໃຫ້ທຸກພາກສ່ວນປະກອບຄຳຄິດເຫັນໃສ່ ຮ່າງກົດໝາຍ ວ່າດ້ວຍ ຊັບພະຍາກອນນໍ້າ ສະບັບດັ່ງກ່າວ.

ທ່ານສາມາດ ດາວໂຫຼດ ຮ່າງກົດໝາຍ ວ່າດ້ວຍ ຊັບພະຍາກອນນໍ້າ ສະບັບທຳອິດ ໄດ້ທີ່ນີ້: [ພາສາລາວ]  [ພາສາອັງກິດ]

ກົມຊັບພະຍາກອນນໍ້າ ຮ່ວມກັບ ອົງການ ການເງິນສາກົນ ຈະໄດ້ຈັດກອງປະຊຸມປຶກສາຫາລື ກ່ຽວກັບ ຮ່າງກົດໝາຍ ສະບັບດັ່ງກ່າວນີ້ຂຶ້ນ ໃນວັນພະຫັດ, ວັນທີ 13 ມິຖຸນາ 2013 ເພື່ອທາບທາມ ຄຳຄິດຄຳເຫັນ ຈາກພາກສ່ວນຕ່າງໆ ຊຶ່ງຜູ້ເຂົ້າຮ່ວມແມ່ນເປັນຕົວແທນ ທີ່ມາຈາກຂະແໜງການຕ່າງໆຂອງລັດ, ອົງການຈັດຕັ້ງສາກົນ,ຜູ້ພັດທະນາໂຄງການ, ພາກສ່ວນ ພົນລະເຮືອນ ແລະ ພາກສ່ວນ ເອກະຊົນ.

ທຸກພາກສ່ວນ ທີ່ຕ້ອງການປະກອບຄຳຄິດເຫັນ ໃສ່ຮ່າງ ກົດໝາຍ ວ່າດ້ວຍ ຊັບພະຍາກອນນໍ້າ ສະບັບນີ້, ສາມາດສົ່ງຄຳຄິດເຫັນຂອງທ່ານ ມາໄດ້ທີ່ ກົມຊັບພະຍາກອນນໍ້າ, ບ້ານ ນາໄຮ່ດຽວ, ຖະໜົນ ນາໄຮ່ດຽວ, ເມືອງ ຈັນທະບູລີ, ນະຄອນຫຼວງວຽງຈັນ, ຕູ້ ປ.ນ. 7864 ຫຼື ສົ່ງຜ່ານທາງ ອີເມວ ຫາ ທ່ານ ກິ່ງຄຳ ມະນີວົງ ໄດ້ທີ່ ອີເມລນີ້ຈະຖືກປ້ອງກັນຈາກສະແປມບອດ ແຕ່ທ່ານຕ້ອງເປີດການໃຊ້ງານຈາວາດຄິບກ່ອນ

ກະລຸນາ ສົ່ງຄຳຄິດເຫັນຂອງທ່ານ ມາຍັງພວກເຮົາ ກ່ອນວັນທີ 13 ມິຖຸນາ 2013.

(ຂໍຂອບໃຈ ທຸກຄຳຄິດເຫັນ)

LAST_UPDATED2
 
ການປັບປຸງ ກົດໝາຍ ວ່າດ້ວຍ ນໍ້າ ແລະ ຊັບພະຍາກອນນ້ຳ PDF ພິມ ອີເມລ
ຂຽນໂດຍ Training and Awareness Center   
ມື້ພະຫັດທີ່ 14 ມີນາ 2013 ເວລາ 17: 16

ຮ່າງ ເອກະສານ ແນວຄວາມຄິດ ໃນການປັບປຸງ ກົດໝາຍ ວ່າດ້ວຍ ນ້ຳ ແລະ ຊັບພະຍາກອນນ້ຳ

ກົມ ຊັບພະຍາກອນນໍ້າ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດຕັ້ງ ປະຕິບັດ ວຽກງານ ການປັບປຸງກົດໝາຍ ເຊິ່ງເປັນ ອົງປະກອບໜຶ່ງຂອງ ໂຄງການ ຄຸ້ມຄອງ ຊັບພະຍາກອນນ້ຳ ແບບປະສົມປະສານ ໃນຂົງເຂດ ແມ່ນ້ຳຂອງຕອນລຸ່ມ (M-IWRMP) ໂດຍໄດ້ຮັບ ການສະໜັບສະໜູນຈາກ ທະນາຄານໂລກ (The World Bank) ແລະ ອົງການ ການເງິນສາກົນ (IFC). ເຊິ່ງເປັນໜຶ່ງໃນສະມາຊິກ ຂອງ ກຸ່ມທະນາຄານໂລກ, ເພື່ອແນໃສ່ ສົ່ງເສີມ ການຄຸ້ມຄອງ ຊັບພະຍາກອນນ້ຳ ໃນສປປ ລາວ ໃຫ້ມີຄວາມຍືນຍົງ.

ເພື່ອເຮັດໃຫ້ ວຽກງານ ການປັບປຸງກົດໝາຍ ດໍາເນີນໄປໃນຮູບແບບ ການມີສ່ວນຮ່ວມ ແລະ ມີຄວາມເປັນເອກະພາບກັນຂອງທຸກພາກສ່ວນ. ສະນັ້ນ, ກົມ ຊັບພະຍາກອນນໍ້າ ມີຄວາມຍິນດີ ໃຫ້ທຸກພາກສ່ວນ ປະກອບຄຳຄິດເຫັນ ໃສ່ຮ່າງເອກະສານ ກ່ຽວກັບ ແນວ ຄວາມຄິດໃນການປັບປຸງ ກົດໝາຍ ວ່າດ້ວຍ ນໍ້າ ສະບັບນີ້, ເຊິ່ງຄຳຄິດເຫັນຕ່າງໆ ຂອງທຸກພາກສ່ວນ ແມ່ນຈະຖືກນຳໄປ ພິຈາລະນາ ເຂົ້າໃນ ການຮ່າງກົດໝາຍ ວ່າດ້ວຍ ນ້ຳ ແລະ ຊັບພະຍາກອນນ້ຳ ສະບັບປັບປຸງ.

ທ່ານສາມາດ ດາວໂຫຼດ ຮ່າງເອກະສານ ແນວຄວາມຄິດ ໃນການປັບປຸງກົດໝາຍໄດ້ທີ່ນີ້: [ພາສາລາວ] [ພາສາອັງກິດ]

ຖ້າຫາກທ່ານ ຕ້ອງການປະກອບ ຄຳຄິດເຫັນ ໃສ່ຮ່າງເອກະສານ ແນວຄວາມຄິດ ໃນການປັບປຸງກົດໝາຍ ສະບັບນີ້, ທ່ານສາມາດ ສົ່ງຄຳຄິດເຫັນຂອງທ່ານມາໄດ້ທີ່ ກົມ ຊັບພະຍາກອນນໍ້າ, ບ້ານ ນາໄຮ່ດຽວ, ຖະໜົນ ນາໄຮ່ດຽວ, ເມືອງ ຈັນທະບູລີ, ນະຄອນຫຼວງວຽງຈັນ, ຕູ້ ປ.ນ. 7864 ຫຼື ສົ່ງຜ່ານທາງ ອີເມວ ຫາ ທ່ານ ກິ່ງຄຳ ມະນີວົງ ໄດ້ທີ່ ອີເມລນີ້ຈະຖືກປ້ອງກັນຈາກສະແປມບອດ ແຕ່ທ່ານຕ້ອງເປີດການໃຊ້ງານຈາວາດຄິບກ່ອນ

(ກະລຸນາສົ່ງຄຳຄິດເຫັນຂອງທ່ານມາຍັງ ຄະນະທີມງານປັບປຸງກົດໝາຍ ກ່ອນວັນທີ 30 ມີນາ 2013)

ຂໍຂອບໃຈ ທຸກຄຳຄິດເຫັນ.

LAST_UPDATED2
 
ການປັບປຸງ ກົດໝາຍ ວ່າດ້ວຍ ນໍ້າ ແລະ ຊັບພະຍາກອນນ້ຳ PDF ພິມ ອີເມລ
ຂຽນໂດຍ Training and Awareness Center   
ມື້ພຸດທີ່ 13 ມີນາ 2013 ເວລາ 16: 29

ເອກະສານ ກ່ຽວກັບ ບັນຫາ ການຄຸ້ມຄອງ ຊັບພະຍາກອນນໍ້າ  ແລະ ບົດສະຫຼຸບ ຜົນຂອງ ກອງປະຊຸມ ລະດັບວິຊາການ.

 

ໃນປະຈຸບັນ ກົມ ຊັບພະຍາກອນນໍ້າ (ກຊນ), ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ກຳລັງຈັດຕັ້ງປະຕິບັດ ວຽກງານ ການປັບປຸງກົດໝາຍ ວ່າດ້ວຍ ນໍ້າ ແລະ ຊັບພະຍາກອນແຫຼ່ງນ້ຳ ປະສານສົມທົບກັບ ພາກສ່ວນຕ່າງໆທີ່ກ່ຽວຂ້ອງ ລວມທັງ ສະພາແຫ່ງຊາດ, ກະຊວງ ຍຸຕິທຳ ແລະ ຫ້ອງວ່າການ ລັດຖະບານ ໂດຍສອດຄ່ອງກັບ ແນວທາງການປັບປຸງກົດໝາຍ ເພື່ອນຳສະເໜີຕໍ່ ກອງປະຊຸມ ສະພາແຫ່ງຊາດ ວາລະທີ VI ເພື່ອພິຈາລະນາ ແລະ ຮັບຮອງເອົາໃນທ້າຍປີ 2013.

 

ທິດໃນການປັບປຸງ ກົດໝາຍສະບັບນີ້ ເຫັນວ່າຈະຕອ້ງໄດ້ມີ ການມີສ່ວນຮ່ວມຂອງ ພາກສ່ວນຕ່າງໆທີ່ກ່ຽວຂ້ອງ ໃນດ້ານທັດສະນະ ກໍ່ຄືຄຳຄິດຄຳເຫັນຕ່າງໆ ເຊີ່ງຄວນໄດ້ຮັບ ການພິຈາລະນາ. ເອກະສານ ສະບັບນີ້ແມ່ນ ສືບເນື່ອງ ມາຈາກ ເອກະສານສະບັບກ່ອນ ທີ່ໄດ້ນຳໃຊ້ເຂົ້າໃນ ກອງປະຊຸມ ປຶກສາຫາລື ເພື່ອສຶກສາ ສະພາບບັນຫາຕ່າງໆທີ່ຫຍຸ້ງຍາກ ໃນວຽກງານ ການຄຸ້ມຄອງຊັບພະຍາກອນນໍ້າ ເຊິ່ງໄດ້ດຳເນີນມາແລ້ວ ໃນຕົ້ນປີ 2012 ໂດຍໄດ້ຮັບການຊ່ວຍເຫຼືອຈາກອົງການ ໄອເອັຟຊີ (IFC). ອີງຕາມຜົນຂອງການປືກສາຫາລື ດັ່ງກ່າວ, ສາມາດສັງລວມໄດ້ທັງໝົດ ມີຢູ່ 12 ບັນຫາຫຼັກດັ່ງລຸ່ມນີ້:

 

1. ການປະສານງານໃນລະດັບຊາດ

2. ພາລະບົດບາດຂອງຄະນະກຳມະການອ່າງແມ່ນ້ຳ

3. ການອະນຸຍາດການໃຊ້ນ້ຳ

4. ການອະນຸຍາດການປ່ອຍນ້ຳເປື້ອນ

5. ຄ່າທຳນຽມການນຳໃຊ້ຊັບພະຍາກອນນ້ຳ

6. ການວາງແຜນ ຄຸ້ມຄອງ ຊັບພະຍາກອນນ້ຳ ແລະ ການພົວພັນກັບ ຊັບພະຍາກອນ ທຳມະຊາດອື່ນໆ

7. ດິນບໍລິເວນນ້ຳ

8. ນ້ຳໃຕ້ດິນ

9. ໄພນ້ຳຖ້ວມ, ໄພແຫ້ງແລ້ງ ແລະ ເຫດການສຸກເສີນອື່ນໆ

10. ຄວາມປອດໄພຂອງເຂື່ອນ

11. ການເກັບກຳຂໍ້ມູນ ແລະ ການຕິດຕາມປະເມີນຜົນ

12. ການຈັດຕັ້ງປະຕິບັດ ແລະ ການບັງຄັບໃຊ້ກົດຫມາຍ


ປະເດັນດັ່ງກ່າວນີ້ ແມ່ນເຫັນວ່າ ເປັນບັນຫາທີ່ສຳຄັນ ຫຼື ບັນຫາທີ່ຫຍຸ້ງຍາກ (ບັນຫາ ‘ ໜັກ’ ເຊີ່ງທຸກໆ ປະເທດໄດ້ພົບພໍ້ ແລະ ພະຍາຍາມແກ້ໄຂ). ນອກຈາກນັ້ນຍັງມີບັນຫາອື່ນໆ ທີ່ຈະຕ້ອງໄດ້ຮັບ ການປັບປຸງແລະ ແກ້ໄຂ ໂດຍຜ່ານຂະບວນການ ປຶກສາຫາລື ແລະ ການວິເຄາະຢ່າງລະອຽດ ເພື່ອເປັນຂໍ້ມູນທີ່ຖືກຕ້ອງ ແລະ ຊັດເຈນ ແນໃສ່ຮັບປະກັນ ການປັບປຸງ ກົດໝາຍສະບັບນີ້ ດຳເນີນໄປໃນຮູບແບບການມີສ່ວນຮ່ວມ ແລະ ຄວາມເປັນ ເອກະພາບກັນ ຂອງທຸກພາກສ່ວນ ແລະ ສອດຄ່ອງກັບແຜນພັດທະນາ ເສດຖະກິດ-ສັງຄົມ ແຫ່ງຊາດ ໃນໄລຍະໃໝ່.

 

ເພື່ອສະດວກ ຕໍ່ການປຶກສາຫາລື, ດັ່ງນັ້ນ 12 ບັນຫາຫຼັກດັ່ງກ່າວ ແມ່ນໄດ້ມີການ ຄັດຈ້ອນ ເປັນ 5 ຫົວຂໍ້ໃຫຍ່ ແລະ ມີເອກະສານສະເພາະ ສຳລັບແຕ່ລະກອງປະຊຸມດັ່ງຕໍ່ໄປນີ້:



ກ. ການຈັດຕັ້ງ

ຂ. ການອະນຸຍາດນໍາໃຊ້ນໍ້າ ແລະ ຄ່າທຳນຽມຜູ້ນຳໃຊ້ນ້ຳ

ຄ. ນ້ຳ ແລະ ຊັບພະຍາກອນທຳມະຊາດອື່ນໆ

ງ. ໄພນ້ຳຖ້ວມ, ໄພແຫ້ງແລ້ງ ແລະ ເຫດການສຸກເສີນອື່ນໆ

ຈ. ການຈັດຕັ້ງປະຕິບັດ


5 ຫົວຂໍ້ດັ່ງກ່າວນີ້ ແມ່ນໄດ້ຖືກນຳມາປຶກສາຫາລື ຢູ່ໃນກອງປະຊຸມລະດັບວິຊາການ, ເຊິ່ງແຕ່ ລະຫົວຂໍ້ ຈະມີທີມງານສະເພາະ ສຳລັບການປຶກສາຫາລື, ຜູ້ເຂົ້າຮ່ວມ ແຕ່ລະກອງປະຊຸມ ແມ່ນມາຈາກຂະແໜງການຕ່າງໆຂອງ ບັນດາກະຊວງທີ່ກ່ຽວຂ້ອງ. ແຕ່ລະຫົວຂໍ້ ຂອງກອງ ປະຊຸມ ແມ່ນໄດ້ຈັດຂຶ້ນ ເປັນຈຳນວນ 2 ຄັ້ງ ໂດຍໄດ້ຮັບການສະໜັບສະໜູນຈາກ ທະນາຄານໂລກ (The World Bank).

ບົດລາຍງານ ຜົນຂອງກອງປະຊຸມຂ້າງລຸ່ມນີ້ ແມ່ນໄດ້ລວບລວມເອົາ ຜົນຂອງກອງປະຊຸມ ໃນຄັ້ງທີ 1 ແລະ ຄັ້ງທີ 2 ເຂົ້າໄວ້ດ້ວຍກັນ; ກອງປະຊຸມທັງໝົດ ແມ່ນໄດ້ຈັດຂຶ້ນ ໃນຊ່ວງລະຫວ່າງ ວັນທີ 19 ທັນວາ 2012 ຫາ ວັນທີ 17 ມັງກອນ 2013, ທີ່ຫ້ອງປະຊຸມ ກົມ ຊັບພະຍາກອນນໍ້າ, ກະຊວງ ຊັບພະຍາກອນທໍາມະ ຊາດ ແລະ ສິ່ງແວດລ້ອມ.

(ສຳລັບລາຍລະອຽດ ບົດລາຍງານ ຜົນການປຶກສາຫາລື ຂອງແຕ່ລະກອງປະຊຸມ ກະລຸນາກົດ ເຂົ້າໄປເບິ່ງທີ່ Link ຕ່າງໆຂ້າງລຸ່ມນີ້)

 


ບົດສະຫຼຸບ ກອງປະຊຸມ ພາຍໃຕ້ຫົວຂໍ້: ການຈັດຕັ້ງ

ບົດສະຫຼຸບ ກອງປະຊຸມ ພາຍໃຕ້ຫົວຂໍ້: ການອະນຸຍາດນໍາໃຊ້ນໍ້າ ແລະ ຄ່າທໍານຽມຜູ້ນໍາໃຊ້ນໍ້າ

ບົດສະຫຼຸບ ກອງປະຊຸມ ພາຍໃຕ້ຫົວຂໍ້: ນໍ້າ ແລະ ຊັບພະຍາກອນທຳມະຊາດອື່ນໆ

ບົດສະຫຼຸບ ກອງປະຊຸມ ພາຍໃຕ້ຫົວຂໍ້: ຄວາມປອດໄພ ແລະ ເຫດການສຸກເສີນອື່ນໆ

ບົດສະຫຼຸບ ກອງປະຊຸມ ພາຍໃຕ້ຫົວຂໍ້: ການຈັດຕັ້ງປະຕິບັດ




Water Law Revision: Issues Papers and Working Group Reports

The Department of Water Resources (DWR) of the Ministry of Natural Resources & Environment (MONRE) leads the water law revision process in partnership with key stakeholders, including the National Assembly, the Ministry of Justice, and the Office of the Prime Minister. DWR carries out the process in accordance with a Roadmap that foresees the submission of the revised draft law to the National Assembly in the summer of 2013.

DWR is working to ensure that the water law revision process is undertaken in a participatory manner and that the views and opinions of different stakeholders are considered and taken into account. Through a series of workshops and meetings held in early 2012 with assistance of IFC, DWR identified twelve key issues for discussion. . The twelve issues include:

1. Coordination at the national level

2. Role of the River Basin Committees

3. Water use permits

4. Wastewater discharge permits

5. Water resource fees

6. Water resources planning & its relationship with other natural resources

7. Wetlands

8. Groundwater

9. Floods, droughts & other emergencies

10. Dam safety

11. Monitoring & data collection

12. Implementation & enforcement

These key issues are either important issues; or difficult issues (‘hard’ issues of the type that all countries struggle with); or important and hard issues. They are not the only issues that will need to be addressed in the revision of the water law. Nevertheless they raise important questions that merit deeper analysis and discussion. Indeed other key issues that warrant specific analysis and discussion may emerge from the reform process.

The twelve key issues have in turn been grouped under the following five headings, and an Issues Paper has been prepared for each of these five topics:

A. Institutional Arrangements

B. Permitting and User Fees

C. Water and Other Natural Resources

D. Safety and Emergencies

E. Implementation Issues

topics. Five separate working groups, made up by sector experts from a range of government agencies, have met twice to discuss each topic. We are grateful for the financial assistance the World Bank provided to support meetings of the working groups.

The reports below are the results of the first and second meetings of the working groups, held during the period between 19 December 2012 and 17 January 2013, at DWR, MONRE.

(Please see details of each working group report by clicking the links below).

F Working group report on Institutional Arrangement

F Working group report on Permitting and User Fees

F Working group report on Water and Other Natural Resources

F Working group report on Safety and Emergencies

F Working group report on Implementation Issues

Normal 0 false false false EN-US JA LAO
LAST_UPDATED2
 
Consultation on Revision of the Water and Water Resources Law PDF ພິມ ອີເມລ
ຂຽນໂດຍ Training and Awareness Center   
ມື້ສຸກທີ່ 02 ພະຈິກ 2012 ເວລາ 16: 35

 

 

On 24 October 2012, Department of Water Resource (DWR), Ministry of Natural Resources and Environment (MoNRE) hold the workshop on Title “Consultation on Revision of the Water and Water Resource Law” at the Mercure Hotel, Vientiane Capital. The Workshop have been Chairman by Mr. Chanthanet BOUALAPHA, (Director General of Department of Water Resource) and Co-Chairman by Ms. Kate LAZARUS (Senoir Operation Officer) from International Finance Corporation (IFC).

LAST_UPDATED2
ອ່ານເພິ່ມເຕິມ...
 
ກອງປະຊຸມ ປຶກສາຫາລື ກ່ຽວກັບ ການປັບປຸງ ກົດໝາຍ ວ່າດ້ວຍນໍ້າ ແລະ ຊັບພະຍາກອນແຫຼ່ງນໍ້າ PDF ພິມ ອີເມລ
ມື້ສຸກທີ່ 02 ພະຈິກ 2012 ເວລາ 16: 23

 

ໃນວັນທີ 24 ຕຸລາ 2012 ທີ່ຜ່ານມາ ທາງ ກົມຊັບພະຍາກອນນ້ຳ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດກອງປະຊຸມຂຶ້ນ ພາຍໃຕ້ຫົວຂໍ້ ການປັບປຸງ ກົດໝາຍ ວ່າດ້ວຍ ນ້ຳ ແລະ ຊັບພະຍາກອນແຫຼ່ງນ້ຳ ຢູ່ທີ່ ໂຮງແຮມ ເມີກຽວ, ນະຄອນຫຼວງວຽງຈັນ. ໂດຍການເປັນປະທານ ຂອງ ທ່ານ. ຈັນທະເນດ ບົວລະພາ,  ຫົວໜ້າ ກົມຊັບພະຍາກອນນ້ຳ ແລະ ປະທານຮ່ວມ  ໂດຍ ທ່ານ. ນາງ ເຄດ ລາຊາຣາສ ( Ms Kate Lazarus ) ເຈົ້າໜ້າທີ່ອາວຸໂສ ຝ່າຍໃຫ້ຄຳປຶກສາ ດ້ານການດຳເນີນ ທຸລະກິດແບບຍືນຍົງ ຈາກອົງການ IFC,

LAST_UPDATED2
ອ່ານເພິ່ມເຕິມ...
 
<< ເລີ່ມຕົ້ນ < ຖອຍຫຼັງ 1 2 ຕໍ່ໄປ > ສຸດທ້າຍ >>

Page 1 of 2